Isaya 26:10 - Udél Dwata: Gna Kesfasad ne Lomi Kesfasad

¹⁰ Balù yóm tey kganag nawahem bè yó kem tau sidek nmò le, ewenem là kô na le e dnalang du yóm tedeng. Balù bè yóm benwu yó kem tau tedeng nmò le, sana kmò le sidek. Là kô le móyô kemmón du yóm kegetahem.

Isaya 26:10 Referans Kwoze

Husiya 11:7

Yó gónó le gemfà du yó kem yó abay se deng tahu nawa le kmogol do yó kem tauhu. Baluen ke bud le htóbóng béléu, ou yóm Hol Dandónen Geta, là kô bud kenmónu kul.

Deng Hegfan 2:21

Igoen deng wen kdaw blayu du anì hegsel, okóm là kóen móyô mkó du yóm gel ksamuken.

Mika 2:10

Yó ne, mdó ye yu kem tau gel hemgnok yó kem tau élél. Sundu kuy tonok du yóm ni ne là kô kuy gónô du, abay se deng golu bè yóm deng nmò ye tahen, yó gónón gbà.

Jirimaya 2:7

Bè yóm tehe kwitu kuy eta yóm tey tonok tembas gónó ye hligal mken du yó kem hyu tmowok tahen, deng mom nmò ye yóm sidek ta nim tonok ni, yóm tonok deng tehe fasadu kuy.

Kehedem Tau Tmolok 3:16

Sotu bud tonu talak tonok, bè yóm gónó le gel skukum, deng eles nô bè yó ne yóm sidek. Tahu se, yóm gel kkukum le tau, là tedengen.

Kem Udél Hlalak Tehe Selumun 1:32

Yó kem tau là ngelem kehedem le matay le, lan le kembê yóm khulung hedem. Yó kem tau book meglà le se kul lemwót bè yóm là dog kehedem le du.

Kem Lingón 106:43

Dê dulék Dwata deng lemwà kul, okóm mom senflós le là mimón du, ne yó mit kul meglà yóm kegsalà le.

Dwata 32:15

Yó kem tau Dwata, deng le gotu baling tau mdengen. Okóm deng mom kenbê le Dwata. Gotu le mabù, mo le mom hemnobò lan le alì mken. Deng knogol le Dwata, yóm tehe mifil kul. Kenbê le Dwata, yóm hol gembek lemwà kul.

Kehewà 9:34

Timbow ton Faro yóm deng gotu ketefloken senged snéen, bud kegsalaen, sana tolo kehgelen kuluhen, dalang se yó kem genlalen.

Kehewà 8:15

Timbow ton Faro yóm deng gotu katay yó kem fak yó, mom bud mulék mgel kuluhen. Là kô nan e hnungol kul le Musis ne Aron, hol lómón yóm deng mon Dwata.

Husiya 13:6

Okóm timbow ye deng gusek bè yóm tey tonok hyu ne deng wen ken ye ne deng ye bsow, deng ye mom baling hegmón, deng mom klifót ye o.

Jirimaya 31:23

Yó udél yóm Dwata laen dù là gbeken du yóm Dwata yó kem tau Israél, monen, “Bè yóm bud kwitu kul semfulék yó kem tauhu, yó bud mon yó kem tau bè Juda ne bè yó kem syudaden, ‘Dwata he hol muyag du yóm kun bulul bè Jirusalim yóm hol kun gónó nô.’

Isaya 2:10

Bè yóm kdaw ktafak Dwata kul angat le gotu hebnos bè yó kem kilib bè but yó kem léhék ne yó kem dumu gotu le mokol sol lem tonok mò tô gónó le hebnos. Tô henlóy le yóm tey sidek kebut Dwata kul. Tô henbnos le yóm tey kfasangen ne yóm tey kegetahen.

Kem Lingón 143:10

Tolokem o mò du yóm kóm kóyô, yakà uu du yóm do Dwata. Yó hem Tulusem he fen malak do anì laen dù gfau.

1 Samwél 15:17

Ne yó mon Samwél mò du, “Balù yóm tehe kmonem du olohi tau leneken, okóm sana kélék Dwata kóm mò tau hol geta bè yó kem tau Israél. Dwata tehe mélék kóm ne wen hnolo hetwélen te kuluhem.

Isaya 32:6

Yóm tau là tedengen yó, hono nungel kestulónen ne tey dê nmò sidek natulen. Kdê yó kem gel nmoen ne kdê yó kem gel udélen gónón gfan yóm là kadaten ke Dwata. Là kô henkenen kul yó kem tau bitil ne là kô hinumen kul yó kem tau meeng.

Matyu 4:5

Omin Seitan bud mit ke Jisas ebè Jirusalim. Niten ebè yóm hol gónón geta te ketef bè Gónô Dwata.

Kehewà 9:30

Okóm deng eles tngónu là kô dog knikoem du se kóm yóm sana Dwata hol gónó mogot. Dalang se yó kem genlalem, laen kô dù klikò le se kul.”

Kem Lingón 69:27

Hol snoloem yóm kdê salà le. Béem homong lu bè yó kem tau lenwaem gu lem hatay.

Isaya 32:7

Tey sidek yóm tau là hulungen hedem yó, hono sidek yóm gel nmoen. Sónmoen matul du yóm lanen hemsidek yó kem tau élél hlanen bè kéng. Ne hensengen lu anì là guta le du yóm kul ktahu.

Isaya 1:21

Tehe yu ekni tey le teneb lemolò ke Dwata yó kem tau menwu bè Jirusalim. Okóm là ne ni, deng tey dê dwata kéng lolò le, hol le mkél bè yóm libun hdóyón. Yó kem tau tehe menwu bè yó hono kem tau tedeng knawa le. Okóm ni, són tau monok tebel du.