Isaya 26:1 - Udél Dwata: Gna Kesfasad ne Lomi Kesfasad

¹ Angat kól yóm kdaw klingón le du yó kem tau nô bè Juda yóm lingón ni, yóm monen, Tey mbegel yóm syudad tekuy, Dwata se kemlung du mò henged beng hilolen.

Isaya 26:1 Referans Kwoze

Isaya 60:18

Là bud gungolem du ne, Jirusalim, uni tau sgida. Laen dù bud gembà kóm ne. Lómón ke ou yóm beng hilolem, tendo bnenteyu u ne tendo nofinu u. Angat tey kdóyónem dou lemwót bè yóm kehewau kóm gu lem tdok yó kem hohonem.

Sikaraya 2:5

Yakà ou du yóm ofi beng hmilol yóm syudad Jirusalim ne bud ou yóm klóón tendo nô lemen. Dwata se mon du nim ni.’ ”

Jirimaya 33:11

gungol ye tau hligal ne kmuli. Bud gungol ye se yóm udél le hligal yó kem tau syehen. Bud gungol ye se yóm kehligal le semngal yó kem tau bè yóm kógów le ebè yóm dou Gónô lan le mit du yóm gel dsù le ebéléu mò gónó le dmóyón do. Yó angat sngal le, mon le, ‘Hol dóyón tekuy yóm Dwata laen dù là gbeken du, abay se tey hyu kmoen. Laen kô dù nan e són yóm kbong nawahen tau.’ Yakà angat bud hen-guléku du nim benwu ni lómón yóm gnan,” mon Dwata.

Isaya 25:9

Sok bangen kól du yóm yó, tódô kdéen tau gotu mon du, “Du se yóm hol kum Dwata. Sónen du yóm kum snalig ne deng lenwaen mi. Du se hol gónó me mogot ne tey bong kligal me yóm kmoen ni abay se deng lenwaen mi.” Là gomongen bè nili yóm bérs 10 kól bè 12. Yó tulónen bè ni kem bérs ni yóm ktafak Dwata yó kem tau bè benwu Muab lemwót bè yóm alì keheklabak le.

Kem Lingón 48:12

Ó kem tau Dwata, senibut ye Sayun, nsó ye yóm kdê gónô geta gónó le gel hofin bè yó.

Kem Lingón 31:21

Dóyónu Dwata, yakà deng hegfanen du béléu yóm là konolen yóm kbong nawan dou. Deng nofinen ou bè yóm tehe kundug le benwuhu yó kem hohonu.

Matyu 16:18

Ni tódô tulónu kóm, lemwót bè yóm udélem yó gónóhu moluy kóm Pitér, yó lanen botu. Ne bè nim botu ni gónóhu mbut hbegel yóm kehtahu le béléu yóm kdéen tau hemtahu bè klamangen benwu. Balù yóm hatay, là kô gatuen kul.

Isaya 12:1

Bè yóm kdaw yó, angat le lemingón yó kem tau, mon le, “Ó Dwata, tey kdóyón me kóm. Tehe tey kebutem do, okóm là ne ni, deng henyuhem nawahu.

Isaya 5:1

Hol hnungol ye dé, naw lemingón bélê ye. Yó utóm yóm lingónu, yóm sotu weu ne yóm huluhen. Wen gónón mò hulu yóm weu yó bè yóm sotu ngà bulul udì gónón alì hyu tonok.

Isaya 2:20

Bè yóm kdaw yó, tódô gotu bot le yó kem dwata lennged lenbù nmò le gu bè tahu blówón ne bè blówón bukay. Tódô gbayà bè yó kem ungé ne bè yó kem kebeg.

Isaya 2:11

Bè yóm kdaw yó, angat tódô gesón yóm alì kehegmón tau ne yóm alì keheklabak le. Tek són sem Dwata yóm hol geta bè yóm kdaw yó.

Isra 3:11

Sngal le yóm sngal dmóyón ke Dwata, bud gel sensulit le yóm korosen, mon le, “Tey hyu yóm Dwata. Yóm kbong nawan yó kem tau Israél, laen kô dù nan e són.” Tódô kdê le gotu hemsag dmóyón ke Dwata, abay se deng gotu deng kmò le du begel yóm Gónô Dwata hdà le.

Isaya 31:5

Lómón yóm onuk koyu tendo móyóng ta yóm salahen nofinen yó kem ngaen hol lómón se yóm nmou bè Jirusalim. Ou se yóm hol kemlung du ne hol mofin du. Ou se yóm Dwata laen dù là gbeken du.”

Isaya 31:9

Yóm tau hol geta bélê le angat mlóy se kun lemwót bè ksidek klikoen. Ne yó kem genlal bè sendalù le gotu le mlóy se kul lemwót bè yóm alì ksidek klikò le, botong gtebel le yó kem flag gel nwit le bè gida.” Yó se yóm deng udél Dwata, yóm Dwata gel tnaba yó kem tau bè Jirusalim, yóm Dwata wen ofihen gónó le gel mtem yóm gel dsù le ebéléen.

Isaya 33:5

Tey kegetahen yóm Dwata. Gotu knamalen yóm klamangen. Gotu blayen bè Jirusalim yóm ktedeng kogot le kukum ne yóm klaen dù kéng yó kem tau malak bè yó.

Isaya 33:6

Tey kehbegelen yóm kbenwu le ne tendo gel nofinen yó kem tauhen. Benlayen lu khulung hedem ne ketngón. Yó hol mebtes du yóm blayen kul, duhen yóm klikò le du.

Kem Lingón 48:4

Yó kem dumu tau hol geta talak tonok, yó nmò le, gotu le stifun na le e nundug yóm syudad yó.

Sikaraya 2:9

Ngem, deng tayalu eta le yóm dou henmù mò tmafak kul ne yó kem kimu le angat negef yó kem hesek le. Ke deng dohò yóm ni, yó he ketngón ye du deng duhen yóm Dwata laen dù là gbeken du, yóm deng hógów do.”