Isaya 2:9 - Udél Dwata: Gna Kesfasad ne Lomi Kesfasad

⁹ Yóm kdéen tau mò du yóm yó, angat le gotu mulék myak. Ó Dwata, hol béem abay hnifót lu.

Isaya 2:9 Referans Kwoze

Sulat Pol Ebè Yó Kem Tau Hemtahu Bè Rom 3:23

Tódô kdéen tau gotu gemsalà bè Dwata. Yó gónóhen laen dù tau gmulit du yóm tey kun klinggel nawa.

Mark 3:29

Okóm là kô gbek Dwata hmifót du yóm tau ke sidek kudélen ebè yóm Tulus Dwata. Ne laen kô tul kkóhen tahen yóm salaen yó.”

Nihimaya 4:5

Hol béem abay bayà yóm sidek nmò le bélê me ni ne béem abay hnifót yó kem salà le, yakà alì henwog le mi bè yóm kmò me nmò.”

Juswa 24:19

Yó bud udél Juswa ebè yó kem tau, monen, “Ngunte nim yu ke gbek ye lemolò ke Dwata. Tódô tngón ye se, du se yóm Dwata laen dù belenen ne tey sidek kélés nawahen du ke wen dumu dwata tnaba ye. Ne ke kenbê ye, là kô nan e hnifót kuy.

Kulasi 2:23

Bè yóm gel ktaba le yó kem hógów Dwata nô bè longit mò lan le heglaan knô kun, ne yóm gel kehlayam le lówó le, hol lómón ke lemwót bè khulung hedem yóm nmò le yó. Là kô yó du. Yó kem hlolò le kuy yó, laen kô dù lanen tmóbóng tau mò mafas nawahen.

Jirimaya 18:23

Ó Dwata, tngónem se yóm katul le dou ni. Hol béem abay hnifót yóm sidek nmò le ne hol béem abay kó ta le nim salà le ni. Gotu hnatayem lu bè soluhem. Hol hlanem bè kebutem yóm ktafakem kul.”

Kem Lingón 62:9

Kewóten bè yóm tau hol geta kól bè yóm tau hol glaan, laen kô dù mu le. Ke tnimbangem lu, mo le mom maan senta nawa.

Kem Lingón 49:2

Kem tau hol geta, kem tau glaan, tau wen kendengenen, tau élél, hol hnungol ye ou.

Kulasi 2:18

Hol bê ye abay hnungol yó kem tau hegeta le knô le bélê ye, lemwót bè yó kem tódô gel hegfan bélê le kun. Lu se yó kem tau alì dmuil hlolò du kuy yóm keheglaan knô là tahuhen lan le gel tmaba ebè yó kem hógów Dwata nô bè longit. Yó kem tau yó, olo le beyen hegmón laen dù lem. Tódô lemwót bè kehedem tau te tonok yóm nmò le yó.

Kem Lingón 59:5

Ó Dwata yóm Dwata laen dù là gbeken du, yóm Dwata yó kem tau Israél, hekmóni kut nem e tnafak yó kem tau bè dumu benwu gel mò sidek. Hol béem abay knodu yó kem tau gel smukat.