Isaya 2:8 - Udél Dwata: Gna Kesfasad ne Lomi Kesfasad

⁸ Ne tódô tfeng benwu le yó kem dwata lennged, gotu le tmaba ebè yó kem dwata lenbù nmò tdok le.

Isaya 2:8 Referans Kwoze

Deng Hegfan 9:20

Bong yó kem tau dù tebel, yóm là matay le bè yó kem hlayam yó koni, là se kem dog knogol le du yó kem dwata kéng gel nmò le. Ne là kô kó le du yóm kehtahu le bè yó kem busaw. Ne là se dog kó le du snéen yóm kehtahu le bè yó kem dwata lennged nmò le gu bè blówón mélél ne gu bè blówón bukay ne gu bè botu ne gu bè koyu. Ni kem hentahu le ni, là kô le mton ne là kô le mungol ne là kô le mógów.

Jirimaya 2:28

Nô se lu du yó kem dwata lenbù nmò ye? Ke sok wen gfà ye, hkodu ye bélê le anì lenwà le yu ke gbek le. Ó kem tau bè Juda, yóm tey kwen yó kem benwu gónó ye nô, lómón yó se kwenen yó kem dwata ye.

Isaya 37:19

Ne yó kem dwata le gotu nlób le. Sundu tahu dwata du yóm nlób le yó, hono dwata lenbù nmò yó kem tau gu bè koyu ne gu bè botu.

Kul Nmò 17:16

Bè yóm igò Pol mangat ke Silas lewu le Timuti bè Atin, tey sidek kegnómen du, abay se tey dê tonen bè yóm benwu yó yó kem dwata kéng tódô lenbù nmò le.

Husiya 14:3

Là kô gbek Asirya lemwà kum, dalang se yó kem kudà gel snakay me bè gida, là gbek le lemwà kum. Yó kem dwata lennged tehe gel nmò me, là kô bud bnoluy me kul dwata me. Là ne, abay se tek són uu, Dwata, tendo gel kmodu kul yó kem ngà hikit.”

Husiya 13:2

Tódô senflós le mò salà bè yóm gel kmò le dwata kéng lemwót bè blówón bukay mò gónó le tmaba dwata nmò le lemwót bè kehedem tau ne nmò tdok tau. Yó udél le, “Demsù ye ebélê le ne nelek ye lu ni kem safì lennged ni.”

2 Tutul Israél 27:2

Kdê yó kem nmò Jutam tey hyu kton Dwata du, lómón yóm nmò Usiya yóm kun mà. Okóm ke Jutam là kô nmoen du yóm salà nmò maen bè yóm tódô ktemen insinsu bè Gónô Dwata. Okóm yó kem tau nogoten mom senflós le mò du yóm sidek.

Dwata 4:28

Ne bud bè yó kem benwu gónón e semkla kuy gónó ye angat tmaba ebè yó kem dwata nmò tau, yó kem dwata nmò le lemwót bè koyu ne bè botu, dwata là mtonen ne là gmungolen ne là mkenen ne là gmungefen.

Isaya 26:13

Uu se, Dwata, gónó me mogot. Deng gel nogot le mi yó kem dumu tau, okóm tek sónen uu yóm hol kum gónó mogot.

Isaya 40:19

Yóm Dwata kun, là kóen mkél bè yóm dwata lenbù nmò tau. Yóm dwata lenbù nmò le yó, sal gel lenafin le tahu blówón yó kem tau temwél du ne bud wen blówón bukay nmò le mò gónó le hdà du.

Jirimaya 1:16

Ni se tafaku yó kem dou tau lemwót bè yó kem sidek tendo gel nmò le. Deng knogol le ou ne deng le demsù ebè yó kem dumu dwata. Deng le tmaba ebè yó kem dwata nmò tdok le.

2 Bok Kem Tau Hol Geta 17:10

Hdà le ta yó kem bulul lemnek, ne laan yó kem koyu lemimbà hangahen, wen hehek botu yóm kul dwata kéng hdà le bè yó, ne yóm hehek ilô yóm dwata libun boluyen Asira.

2 Bok Kem Tau Hol Geta 17:16

Deng gotu kenbê le yóm kdê hlau yóm sana kul Dwata hol gónó mogot, mo le mom mò lewu safì lennged mò dwata le, ne wen hdà le hehek botu ilô yóm dwata libun boluyen Asira. Lel le tmaba ebè Baal ne ebè kdê yó kem blotik ton le bè longit.

Mika 5:12

Nmou són le yóm kdéen mton bù ne laen dù bud tau hemgawang gónó ye bud smólók.