Isaya 2:6 - Udél Dwata: Gna Kesfasad ne Lomi Kesfasad

⁶ Ó Dwata, deng knogolem yó kem tauhem semfu gu bè Jakub abay se deng gotu lolò le yó kem dwata kéng deng dnalang le lemwót bè yó kem benwu fi dmata kdaw ne lemwót gu bè benwu Flistya. Deng gotu glolò le kul kmò yó kem tau bè tólóng benwu.

Isaya 2:6 Referans Kwoze

Sulat Pol Ebè Yó Kem Tau Hemtahu Bè Rom 11:20

Tahu se yóm mon ye yó. Yó gónó Dwata mtok kul abay se lemwót bè là kehtahu le. Ne yó gónó ye tles tmowok bè yó se kuy, lan ye hemtahu. Okóm bê ye nit hegmón, eles ye temgama se kuy.

2 Bok Kem Tau Hol Geta 1:2

Sotu kdaw, membel kebtang Ahasaya, yóm lomi tau hol geta bè benwu Israél, gu ditu ta bè yóm klóón nmò le bè gónón hnos ta yóm gónô bongen bè Samarya ne tey sidek kegnómen du. Yó gónón wen kem tau hógówen ebè Baal-sibub yóm dwata lennged yó kem tau bè Ikrun, anì snólók le béléen ke mowil du.

Jirimaya 10:2

yó monen, “Hol bê ye abay lolò yóm kul kmò yó kem tau bè dumu benwu. Bê ye abay likò lemwót bè yó kem ilô ton le bè longit, balù yóm alì klikò le kul yó kem tau bè dumu benwu.

Isaya 8:19

Okóm angat mon yó kem dumu tau mò kuy, yake smólók ye bè yó kem tau mton bù ne bè yó kem tau demwata, yó kem gel mnuhul ne mengeg. Yó gónó le mon du yóm yó abay se hyu kun ke gel tekuy smólók bè yó kem tau deng matay mò tmóbóng yó kem tau tolo mowil.

Kem Udél Hlalak Tehe Selumun 6:1

Ó Man, deng wen kô hmóyóem mayad utóng bè dumu tau? Ne deng fenmahem kô mò heblatem du?

Kem Lingón 106:35

Deng mom yó nmò le, mung le segbót bélê le, ne lolò le yó kem sidek nmò le.

2 Tutul Israél 24:20

Ominen sut yóm Tulus Dwata bè Sikaraya yóm ngà Jihuyada logi ne yóm tau blóng ebè Dwata. Tódô mdà Sikaraya bè solu yó kem tau, yó udélen, “Ni se udél Dwata. Moen de ke là nimón ye du yóm hlau Dwata kuy? Ke yó se nmò ye, là kóen hyu klowil ye. Lemwót bè yóm deng kekbê ye ke Dwata, deng kenbéen yu se kuy.”

2 Tutul Israél 15:2

Yó nmoen, senlongen Asa yóm tau hol geta, bè yóm kkólen gu bè gida, hgelen udélen monen mò du, “Hnungolem ou, ne yu kem sendalù Juda ne Bindyamin. Tendo nô bélê ye Dwata ke henek ye béléen. Ke hnebel ye, angat henmóyóen yu. Okóm ke tebel ye, angat tebelen yu se kun.

1 Tutul Israél 10:13

Duhen yó, matay Sol lanen là mimón ke Dwata. Là kô nimónen du yóm hlau Dwata du, lelen mom mógów ebè yóm libun mton bù, snólóken béléen ke tedu tô nmoen,

Lista 23:7

Yó udél htugod Dwata ke Balaam, monen, “Yó hfangay do lemwót bè Sirya, gu bè yó kem bulul fi dmata kdaw duhen Balak yóm tau hol geta bè Muab. Yó tinoken ebéléu, monen, ‘Nam mógów do edini, nam mudél do. Henmulaem lu do yó kem tau Israél.’

Hlolò 19:31

Bê ye abay hmungol hlau bè yó kem tau gel tmaba bè lemogol. Ke nmò ye yóm yó, là buden mólós ktonu kuy. Ou se yóm sana kuy Dwata hol gónó mogot.

Kehewà 34:16

Ngangen efet le myehen bè kul libun yó kem ngà ye, yóm mit kul là hemtahu béléu ne mung le tmaba bè yóm kul dwata lennged.

1 Samwél 6:2

Lemwót yó kem gel malak bè yó kem Flistin, gotu htaba le yó kem tau gel blóng le ebè yóm kul dwata ne yó kem tau demwata bélê le snólók le bélê le, “Tedu kmò tekuy du yóm Slungan Dwata? Tulón ye kum yóm kmò khulék me du ebè yóm sana kun benwu gónó nô?”

Mika 5:12

Nmou són le yóm kdéen mton bù ne laen dù bud tau hemgawang gónó ye bud smólók.

Sifanaya 1:8

Yó udél Dwata, monen, “Bè yóm kdaw yó, angat gotu tnafaku yó kem tau malak bè Juda, dalang se yó kem ngà tau hol geta genlal. Ne gotu homong tnafaku yóm kdéen tau gel lemolò yóm kul kmò kehtahu yó kem tau bè tólóng benwu.

2 Bok Kem Tau Hol Geta 17:20

Duhen yó, tey kekbê Dwata kul yóm kdê sfu tehe Israél. Tnafaken lu, botong blayen lu elem hólól yó kem tau gel mundug kul efet gotu hlanahen lu bè soluhen.

Mika 5:11

Angat gotu genbau yó kem beng botu deng hdà ye hilol yó kem syudad ye ne yó kem dumu deng nmò ye mò gónó ye heklung.