Isaya 2:5 - Udél Dwata: Gna Kesfasad ne Lomi Kesfasad

⁵ Duhen yó kem tau semfu gu bè tehe Jakub, hol lolò tekuy ne yóm kun layag yóm kut Dwata.

Isaya 2:5 Referans Kwoze

Ifisus 5:8

Tehe yu ekni, deng gel nmò ye snéen kuy ni kem sidek ni, hol lómón ke tehe ye nô lem gónón kmifu. Okóm ni ne, deng ye baling kun tau yóm gónó tekuy mogot, lómón ke deng ye nô lem yóm gónón lemayag. Yó gónóm mon, nmò ye sen yóm nmò knóón bè yóm tau nô lem layag.

1 Jan 1:7

Okóm ke deng ye nô lem layag, lómón yóm kun knô lem layag Dwata, yó he gónón wen kesfulung tekuy. Ne yóm litô tehe namà Jisas, yóm Ngà Dwata, yó se fen tendo mkó du bélê tekuy yóm ket salà gel nmò tekuy.

Kun Snulat Luk 1:79

Angat heknasen yóm kifu lem blóng tekuy anì là hlós yóm kgolu tekuy elem hatay. Du semgalak tekuy bè yóm lan mò gónón hlós menek nawa kuy.”

1 Jan 1:5

Ni sii yóm deng tehe gel gungol me tulón Jisas, yóm Ngà Dwata, ne ni se yóm bud heglalag me bélê ye: Lómó kmoen kun yóm Dwata, lómón ke yóm layag, ne laen kô bang bolen kifu bè yóm layag monu yó, bà udì.

Isaya 58:1

Yó udél Dwata, monen, “Hol hgelem udélem. Hol tulónem yó kem dou tau Israél yó kem salà le.

Isaya 2:3

Ne yó angat mon le, “Lemwót tekuy ne mneged ebè yóm bulul Dwata, hlós tekuy ebè Gónô yóm Dwata yó kem tau Israél. Angat toloken tekuy yóm kun kóyô bélê tekuy ne angat lolò tekuy yó kem lan hloloen tekuy. Abay se yóm kun tolok Dwata, bè Jirusalim gónón lemwót. Bè yó gónón gel mudél ebè yó kem kun tau, bè yóm bulul gel boluy le du Sayun.”

Kem Lingón 89:15

Tey le hligal yó kem tau tmaba ebéléem hlan le bè sngal le. Tendo nmò le yóm gónón hyu nawahem ebélê le.

Kem Lingón 36:10

Hol senflósem kembong nawa kul yó kem tau kembong nawa kóm. Hol hentedengem kmukum kul yó kem tau tedeng kmò le.

Kem Lingón 89:16

Lemwót bè yóm gel któbóngem kul, yó gónón tendo wen kligal le lemwót hlafus kól kimel. Tey kdóyón le kóm lemwót bè yóm tey kehyu kmoem ebélê le.