Isaya 2:22 - Udél Dwata: Gna Kesfasad ne Lomi Kesfasad

²² Yó gónóm mon, bê tekuy abay smalig bè tau, mahil le matay se kul. Laen dù mu te smalig kul. Là gomongen bè nili yóm tsaptér 3. Yó htulón Dwata ke Isaya yóm angat ktafak Dwata yó kem tau bè benwu Juda. Yó monen bè bérs 8, “Angat gbà Juda ne Jirusalim lemwót bè yóm alì kehnê le ke Dwata ne yóm là kimón le du. Tey le móyô mò salà mkél bè yó kem tau bè Sodom. Bà udì ke olò wen yak le. Tey angat ksideken yóm angat kól bélê le. Yóm gel kmò le sidek mit kul meglà.” Bè yóm keglà Dwata kul yó, yó udél Dwata ebè yó kem gel mimón du, monen, “Wen ofol knóón blayu kuy.” Okóm yó udélen ebè yó kem gel mò sidek, “Dohò ye meglà. Yu snéen gemwa du yóm kuy ofol. Deng ye móyón megtafak ne.” Yó kem tau tanay gónó Dwata hegnóm du yóm ktafaken kul, duhen yó kem tau gel malak bè yó kem benwu le, abay se deng mom lu yóm wen gónó le ma lemwót bè yóm kehegnok le yó kem tau élél. Yó todol gónó Dwata bud hegnóm du, duhen bè yó kem libun hton dóyón gel lemsek yó kem nes gónó le gel gbóy yó kem logi. Yóm alì sidek ktafak Dwata kul yó duhen yóm gotu kegef le kul ebè Babilun. Laen kô dù bud tebel bélê le són yóm yak le. Ne yó kem logi bè yóm syudad Jirusalim yó, gotu le matay bè gida. Là gomongen bè nili yóm tsaptér 4. Htulón Dwata ke Isaya yóm angat kól, monen bè bérs 1, “Bè yóm kdaw yó là holen dê yó kem logi tebel. Hitu libun semgled du bè yóm ket sotu logi ne yó mon le, ‘Bayaem mi myehen kóm! Tódô mi mebel mò kmò kken me ne knes me. Okóm hyu ke gel tnaba le mi mlan bè yóm kóm boluy anì là gel henlò le kum kem libun là myehen.’ ” Okóm yó sotu bud htulón Dwata ke Isaya yóm bud kehguléken klowil yó kem tau, kogol yóm kegbaen yóm benwu Juda ne Jirusalim ne khegefen yó kem tau. Yó monen bè bérs 3—5, “Tu kem kdê boluy deng snulat le, tu se yó kem tau tolo mowil kdeng yóm kegbà Jirusalim, gotu le baling tau mólós. Gotu nolob Dwata yóm kehdóyón yó kem libun bè Jirusalim. Gotu hólósen yó kem tau bè Jirusalim bè yóm gónó le là gulit. Ne kenlung Dwata Jirusalim ne gomong yó kem tau nô bè yó.”

Isaya 2:22 Referans Kwoze

Jirimaya 17:5

Yó udél Dwata, monen, “Megtafak yóm tau ke knogolen ou ne ke smalig bè kgis tau te tonok.

Kem Lingón 146:3

Hol béem ken-gel nawa yó kem tau mogot benwu. Laen dù bélê le ke gembek lemwà kóm.

Sulat Jim 4:14

Hatan monem he ke deng tonem. Yakem eles tngónem yóm elem haya. Le hilu he kegenen mowil tau. Lómón ke kebel, tek likóten mbel, sana bud tódô kmanas.

Kem Lingón 8:4

Ke hendemu yóm deng nmoem yó, le hilu he kun yó kem olo tau tonok. Kiholen yóm tey nawahem ebélê le.

Isaya 40:15

Bè kton Dwata du yóm kdéen benwu talak tonok tek utì, hol lómón ke tdak él tek setlek. Ne tu kem hungul te mohin, ke tô tnimbang Dwata lu hol lómón klaanen ngà kfung demket bè timbang.

Kem Lingón 62:9

Kewóten bè yóm tau hol geta kól bè yóm tau hol glaan, laen kô dù mu le. Ke tnimbangem lu, mo le mom maan senta nawa.

Tekang Kbuten 7:22

Tódô kentihen mowil talak tonok gotu le matay.

Tekang Kbuten 2:7

Bè yóm tehe kmò Dwata tau, wen tonok nwahen ne nifilen, henbalingen tau. Ominen myuf lem ilungen yóm nawa mò hlowil du ne tódô mnawa se yóm tau nifilen yó ne sen-gengen se mowil.

Isaya 40:17

Bè kton Dwata du yóm klamangen benwu, tey utì béléen.

Malakay 3:15

Bè kton tekuy du, hligal le kul yó kem tau heklabak. Tilob klowil le yó kem tau gel mò sidek ne baluen ke là nimón le ke Dwata, là kô gel tnafak Dwata kul.’ Ni se yóm udél ye sidek ebéléu,” mon Dwata.