Isaya 2:19 - Udél Dwata: Gna Kesfasad ne Lomi Kesfasad

¹⁹ Bè yóm kdaw kkól Dwata na a kminsig klamangen tonok, yó nmò yó kem tau gotu le hebnos bè tu kem kilib bè but yó kem léhék ne yó kem dumu gotu le mokol sol lem tonok mò gónó le hebnos, tô henlóy le yóm tey sidek kebut Dwata kul. Tô henbnos le yóm tey kfasangen ne yóm tey kegetahen.

Isaya 2:19 Referans Kwoze

Isaya 2:10

Bè yóm kdaw ktafak Dwata kul angat le gotu hebnos bè yó kem kilib bè but yó kem léhék ne yó kem dumu gotu le mokol sol lem tonok mò tô gónó le hebnos. Tô henlóy le yóm tey sidek kebut Dwata kul. Tô henbnos le yóm tey kfasangen ne yóm tey kegetahen.

Kun Snulat Luk 23:30

Ke sok deng angat bangen kól du yóm kdaw yó,” monen, “yó angat mon yó kem tau ebè yó kem bulul, ‘Lubék ye kum eta me.’ Ne yó bud mon le, ‘Bnos ye mi.’

Isaya 2:21

Bè yóm kdaw kkól Dwata na a kminsig klamangen tonok, gotu le hebnos ebè yó kem sol tonok ne ebè tu kem kilib bè but yó kem léhék. Tô henlóy le yóm tey sidek kebuten kul ne tô henbnos le yóm tey kfasangen ne yóm tey kegetahen.

Deng Hegfan 11:19

Yóm igò le dmóyón ke Dwata, tódô wen lemungkà du yóm Gónô Dwata bè longit, ne gfan bè yó yóm slungan gónóhen nô yó kem tehe fasad Dwata deng tehe snulat le. Ominen mkal yóm tey silà, ne sen-gengen se lemungkul, lel yóm tey leték, ne tey linol bong te tonok, lel yóm tey bulók kulón.

Hibru 12:26

Bè yóm tehe kudél Dwata ebélê le ekni, botong megsinsig tonok. Okóm deng wen eles tulónen bè yóm angat nmoen elem hulin kdaw, yó monen, “Angat bud sninsigu sulék he, okóm là sónen du tonok sninsigu, homongu snéen longit.”Yó hol lanen yóm udél Dwata yó koni, tulónen yóm angat gotu ksinsigen yóm kdéen deng tehe dlimunen ekni mò hol són le. Yó tlesen du yóm là gbeken megsinsig, duhen yó se kem laen dù tul són le.

Deng Hegfan 20:11

Ominu yó bud mton yóm bangkù alì sminang bukay gónón myón yóm fen kmukum, ne tonu se yóm myón tahen. Ne bè yóm ketngelu du, tódô lana bè yó bè soluhen yóm tonok ne longit, là kô bud tonem kul ne, bà udì.

Deng Hegfan 16:18

Tódô sen-gengen se mkal yóm tey silà, lel yóm tey lungkul lugung, ne yóm tey leték, ne tey linol bong. Nim linol ni, là deng wen semnged du he mbut bè hol kbut tau te tonok. Ni se hol yéen linol bong.

Deng Hegfan 11:13

Ne tódô sen-gengen se yóm tey linol bong bè yóm syudad yó. Botong móyónen gbut bè yó kem gónô le, gotu gbà, ne botong hitu libu tau matay. Ne yó kem dumu tau là matayen, ya tey sidek klikò le, botong dóyón le yóm Dwata nô bè longit lan le mton yóm tey kfasangen.

Deng Hegfan 9:6

Bè yóm limu bulón yó, sónmò le tô hemdeen katay le, okóm là. Hol kóyô le ke géhél le matay, okóm là se kô le matay.

Hibru 11:38

Là kô wen mdengen gónó le nô, abay se deng gotu hdó le lu bè yóm kul benwu. Tódô le kem hlingkag ditu bè yó kem benwu là hyu menwu du ne ditu lem bulul. Són bè kilib gónó le nô ne bè yó kem dumu sol lem tonok. Ni kem tehe tau hemtahu ni, là kóen knóón bélê le kul nim benwu te tonok ni.

2 Tisalunika 1:9

Angat gnóm le yóm tafak laen tul sónen. Gotu hdóhen lu bè solu yóm gónó tekuy mogot, tódô hlós ne yóm keskó le béléen ne là se bud ton le du yóm tey alì kfasangen

Kem Lingón 7:6

Ó Dwata, hekmóni, géhéli lemwót, mung du lebutem. Senfatayem yó kem hohonu alì sidek kebut le dou. Géhéli lemwót, Dwata, nwitem yóm kukum tedeng.

1 Samwél 14:11

Tahu se, hegfan le bè yó kem sendalù Flistin. Tikóng ton le lu ya tey kehsag le, mon le, “Tenngel ye dé wen kem Hibru gu ditu, hesut le gu lem yó kem sól gónó le hebnos.”

1 Samwél 13:6

Timbow ton yó kem tau Israél yóm tey kwen yó kem hohon le mundug kul, ya tey sidek kónó nawa le. Wen se bélê le hebnos bè yó kem kilib ne lem sol ne lem blóng yó kem botu ne lem yó kem kilib gónó le lembeng tau matay ne wen se hebnos lem sol él deng kti.

Isaya 7:19

Gotu le lememek lem yó kem sbong nelem ne bè yó kem kilib bè but yó kem léhék. Tódô tfeng le yó kem ngà koyu semnual dalang se yó kem bnes gónó ye gel hótób ógóf.

Isaya 33:10

Yó udél Dwata ebè yó kem tau bè klamangen benwu, monen, “Ni angat wen nmou. Htonu kuy yóm kfasangu.

Isikél 33:27

Bud tulónem kul yóm udél yóm sana Dwata hol dandónen geta, yó monen, Ni safau bélê ye hlanu bè yóm là katayu. Yó kem dù tau nô bè yó kem syudad deng gbà angat le gotu matay bè sudeng. Yó kem dù tau menwu lem bulul angat gotu nsék le lu yó kem ógóf lem bnes. Yó kem dù tau hebnos lem bulul ne lem kilib angat le gotu matay bè des.

Nahum 3:11

Ne uu Ninibi, angati glénggé snéen kóm, hol lómón yóm tau lengel. Angat sónmoem hebnos, knikoem yó kem hohonem mundug kóm.

Hagay 2:7

Angat genbau kdéen dumu benwu. Ne yóm kdê kendengen le, gotu nit le ebè ni mò heklóón yóm dou Gónô. Angat tódô hnok kendengen lem yóm dou Gónô.

2 Samwél 22:46

Balù udì ke wen bud klóbô le, tódô setbol kkel le igò le hewà bè yóm gónó le gel heklung.