Isaya 2:12 - Udél Dwata: Gna Kesfasad ne Lomi Kesfasad

¹² Bè yóm kdaw yó, gotu heglaan Dwata yó kem tau alì mfasang, yó kem tau hegmón, yó kem tau hegeta knô. Yó se angat nmò yóm Dwata laen dù là gbeken du.

Isaya 2:12 Referans Kwoze

Malakay 4:1

Yó bud udél yóm Dwata laen dù là gbeken du, monen, “Ke sut yóm kdaw kkukumu tau, lómó kmou kul lómón ofi gotu himot kenen kdéen. Yó kem tau heklabak ne yó kem tau gel mò sidek, angat le gotu mlób bè ofi lómón klób lami. Gotu ken ofi lu lómón kken ofi yóm koyu, gotu gomong dolilen ne kem hangahen laen kô dù tebel du.

Kun Snulat Luk 14:11

Yó se tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”

Kem Udél Hlalak Tehe Selumun 16:5

Tey keklit Dwata du yóm keheklabak tau. Ngem, là kô lugun Dwata du là tnafak yóm tau heklabak.

Sulat Jim 4:6

Okóm tey bong któbóng Dwata tekuy senta yóm óyô mò sidek. Wen bud monen bè Sulat Dwata, yóm monen, “Tey kekbê Dwata du yóm tau hegeta knô. Bede tey któbóngen du yóm tau hulung heglaan béléen.”

1 Tisalunika 5:2

Abay se deng hónô tngón ye se kuy yóm kektuten tau yóm kdaw kkól yóm gónó tekuy mogot, hol lómón kektuten tekuy yóm tau mnagaw kifu laen hemkól du.

1 Kurin 5:5

na ye tódô bayà bè Seitan he yóm tau yó anì nan hol glayam lówóhen, syan ke bud mulék nawahen ebè Dwata anì là gehlósen elem hatay bè yóm kdaw angat kehdaen du bè soluhen yóm gónó tekuy mogot.

Matyu 23:12

Yó se tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”

Malakay 4:5

Ngem, gu laanen là deng sut yóm kun kdaw ktafak yóm sana Dwata hol gónó mogot, angat wen hwitu elem blóng ye duhen Ilaydya yóm sotu tau tugodu.

Amus 5:18

Angat hatay ye kuy, kem tau tendo hemdón yóm kun kdaw Dwata. Tedu se angat guta ye du yóm kdaw yó? Yóm kdaw yó kdaw kmifu, sundu layag du.

Danyél 4:37

Ne ni ou Nibukadnisar, dóyónu yóm Dwata hol geta bè longit ne henlelu hol hegeta du, mung du yóm tey kadatu du. Kdê yó kem gel nmoen, sal tedeng ne hono hyu. Hulung heglaan du yóm tau hegetahen knóen.”

2 Samwél 22:28

Sal gel hewaem yó kem tau hulung heglaan, okóm gel tonem yó kem tau hegeta knô ne heglaanem.

Kem Lingón 131:1

Ó Dwata, deng tebelu ne yóm kehegetahu knô, ne deng knogolu ne yóm keheklabaku. Là bud ktesu du ne yó kem nmò alì geta, duhen ke yó kem dumu nmò là bang gbek du.

Isaya 42:15

Angat gotu genbau yó kem bulul lemnek kkólen bè yó kem bulul geta ne gotu hlenesu yó kem bnesen ne koyuhen. Yó kem benwu tehe wen él mlel du, angat henbalingu lu benwu là hyu menwu du ne gotu hektihu yó kem él tehe bnusungu.

Isaya 61:2

Hógówen o anì heglalagu bè yó kem kun tau yóm deng kkólen yóm kdaw kehewaen kul ne kehegmoen kul bè yó kem hohon le. Hógówen o snéen mò hemyu nawa yó kem tau wen lenangag le.

Jirimaya 30:7

Móyónen kól ne yóm kdawen wen tey glumfak, kdaw laen dù bud gónóm e hmingón du, kdaw le hol glayam yó kem dou tau Israél, okóm bè hol sónen gewà le.”

Mika 2:3

Yó gónóm mon, ni se udél Dwata, monen, “Deng natulu ne yóm kehwitu ebélê ye hlayam mò balà yóm gel kehlayam ye yó kem dumu ye tau ne là kô ye gewà du. Ke deng gnóm ye yóm hlayam hwitu ebélê ye yó, là kô ye bud mógów heklabak gu bè lan.”

Mika 5:11

Angat gotu genbau yó kem beng botu deng hdà ye hilol yó kem syudad ye ne yó kem dumu deng nmò ye mò gónó ye heklung.

Sifanaya 1:16

kdaw ye mungol uni féw gemduf kem sendalù hohon ye. Tódô hnusek le yó kem syudad mgemel beng hilolen.

Sifanaya 3:11

Bè yóm kdaw yó, laen dù gónó ye myak béléu, abay se deng nimón ye ou. Angat kóhu lem blóng ye yó kem tau alì heklabak. Bè yóm dou bulul, laen kô dù bud tau heklabak bè yó ne.

Kem Lingón 18:28

Ó Dwata yóm Dwata hol gónóhu mogot, uu se dou layag. Tendo hlayagem yóm gónón kmifu béléu.

Kem Lingón 37:13

Okóm mom knuli Dwata lu, yó kem tau gel mò sidek, abay se tngónen móyón le meglà.

Kem Lingón 94:2

Uu se fen kmukum yóm kdéen tau, géhél nem e knukum yó kem tau hegmón. Kukumem kul yóm tafak geblà bè yóm deng nmò le.

Isaya 10:12

Okóm yó udél Dwata, monen, “Sok deng yóm nmou bè yó kem dou tau bè bulul Sayun ne bè Jirusalim, angat tnafaku yóm tau hol geta bè Asirya bè yóm alì keheklabaken ne kehegetahen.”

Isaya 14:15

Okóm dengi mom gefet tlaan bè yóm hol gónón nelem bè benwu yó kem tau deng matay.

Isaya 40:23

Gotu heglaanen yó kem tau mfasang mogot benwu, tódô hlanahen boluy le.