Isaya 2:11 - Udél Dwata: Gna Kesfasad ne Lomi Kesfasad

¹¹ Bè yóm kdaw yó, angat tódô gesón yóm alì kehegmón tau ne yóm alì keheklabak le. Tek són sem Dwata yóm hol geta bè yóm kdaw yó.

Isaya 2:11 Referans Kwoze

Kem Lingón 18:27

Sal gel lenwaem yó kem tau hulung heglaan, okóm yó kem tau hegeta knô, gel heglaanem lu.

Isaya 2:17

Bè yóm kdaw yó, angat gesón yóm kehegmón tau ne yóm kehegeta le knô. Ne yó kem dwata kéng deng gel nmò le là kô bud tonem kul ne. Tek són sem Dwata yóm hol hegeta bè yóm kdaw yó.

Malakay 4:1

Yó bud udél yóm Dwata laen dù là gbeken du, monen, “Ke sut yóm kdaw kkukumu tau, lómó kmou kul lómón ofi gotu himot kenen kdéen. Yó kem tau heklabak ne yó kem tau gel mò sidek, angat le gotu mlób bè ofi lómón klób lami. Gotu ken ofi lu lómón kken ofi yóm koyu, gotu gomong dolilen ne kem hangahen laen kô dù tebel du.

Isaya 12:4

Bè yóm kdaw yó, angat le lemingón yó kem tau, mon le, “Hol ye slamat bè Dwata. Hol ye tmaba ebéléen anì tnóbóngen yu. Tulón ye bè kdéen benwu yóm deng gendengen bélê ye. Hol tulón ye kul yóm tey kegetahen.

Mika 4:6

Yó udél Dwata, monen, “Bè yóm kdaw yó, angat gotu bud sentifunu lu yó kem dou tau deng tugô, duhen yó kem tau deng tehe negef le lemwót bè yóm ktafaku kul.

Husiya 2:18

Bè yóm kdaw yó angat wen senfasad me yó kem ógóf lóbô liwà lem bnes ne yó kem onuk koyu ne kdéen mowil manaf talak tonok anì là hensidek le kuy. Bè yóm kuy benwu yó, gotu kóhu bè yó, yó kem ngom sfatay, kdê yó kem sudeng ne kem hanak, abay se laen dù bud gida bè benwu ye, anì yó tódô ye henek laen dù hemen ye.

1 Pitér 5:5

Ne yu kem tau lomi lemnok, hol nimón ye yó kem tau tuha senta ye. Ni hlauhu kuy yóm kdê ye, hol dnalang ye yóm keheglaan bè kem dumu ye. Abay se wen monen bè Sulat Dwata, yóm monen, “Tey kekbê Dwata kul yó kem tau hegmón, bede tnóbóngen yó kem tau hulung heglaan.”

2 Kurin 10:17

Lómón yóm deng monen bè Sulat Dwata, yó monen, “Ke wen tau tô hton salù, yake yó dém nmò gónón mogot yóm hol saluen.”

2 Kurin 10:5

Dalang se yó kem tau hegmón hemkéng ke Dwata, gbek me malà kul anì laen dù gmò le. Bè yóm kbalà me kul yó, botong tenles le kehedem le, ne baling le tau mimón ke Krays.

Kun Snulat Luk 18:14

Tódô tulónu kuy ktahuhen,” mon Jisas, “bè yóm kuléken ebè gónóen nim tau gel mtuk bwis ni, deng baling tedeng kton Dwata du. Fen là kun yóm Farisi yó koni. Yó gónóm mon, yóm tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”

Sikaraya 9:16

Bè yóm kdaw yó, angat lenwaen yó kem tauhen yóm sana kul Dwata hol gónó mogot, lómón yóm tau semgyok ubiha, sal gel lenwaen yó kem ubihahen ke wen tô hemsidek kul. Yó kem tau Dwata yó, tódô le gotu semkyab lem yóm kun benwu, lómón kesekyab yóm botu sminang gel sù le bè kuruna.

Sifanaya 3:16

Bè yóm kdaw yó, yó angat mon le ebè yó kem tau nô bè Jirusalim, “Bê ye abay bud hlikò, kem tau bè Sayun ne bê ye abay hlingay.

Sifanaya 3:11

Bè yóm kdaw yó, laen dù gónó ye myak béléu, abay se deng nimón ye ou. Angat kóhu lem blóng ye yó kem tau alì heklabak. Bè yóm dou bulul, laen kô dù bud tau heklabak bè yó ne.

Mika 5:10

“Okóm bè yóm kdaw yó,” yó udél Dwata ebè yó kem kun tau, monen, “angat gotu genlau yó kem kudà gel nwit ye bè gida ne gotu genbau yó kem klitun tók gel dyol le.

Ubadaya 1:8

Bè yóm kdaw yó,” mon Dwata, “balù sotu ke wen tau hulung hedem tebel bè klamang yóm benwu Idom abay se bè yó kem bulul bè Idom angat gónóhu gotu gemlà kul yó kem tau hulung hedem ne yó kem tau hulung temnef.

Amus 9:11

Yó udél Dwata, monen, “Bè yóm kdaw yó, angat bud hen-gulék hdau yóm tehe kun nogot Dabid. Yóm kmoen ni, yóm benwu nogot Dabid yó, hol lómón ke yóm gónô deng gbà, okóm angat bud hdau yó kem bengen ne bud huléku yóm tehe tey keklóónen.

Juwél 3:18

Bè yóm kdaw yó, tódô hono lefà grép bè yó kem bulul lembang ne bè yó kem bulul lemnek, tódô hono safì mótób bè yó. Angat bud wen él mlel bè yó kem sbong deng kti bè Juda. Ne angat wen él tembul gu lem yóm kun Gónô Dwata, gotu hnéféen yóm Datal Koyu Akasya yóm datal mékéng tonoken.

Husiya 2:21

Bud mudél Dwata, monen, “Bè yóm kdaw yó bnalau yóm kni longit béléu lobun anì kmulón mò balà longit yóm kni tonok béléen.

Husiya 2:16

Bud mon Dwata, “Ó kem tau Israél bè yóm kdaw yó, yó angat bud taba ye do ‘tuha logihu.’ Là bud tnaba ye do ‘ogotu.’

Jirimaya 9:24

Ke wen tau móyô megsalù, yó dé salù le yóm ketngón le dou ne yóm ketnef le yóm dou kmò. Salù le ou dé yóm Dwata tedeng kkukumen ne tedeng kmoen. Ne yóm kbong nawahu tau là kóen monol. Ni kem ni koni gónóhu hligal. Ou se Dwata nim mudél ni.”

Isaya 52:6

Okóm angat wen kdawen, ketngón ye du ou se Dwata yóm deng mudél ebélê ye ni.”

Isaya 37:23

Deng tngónem kô kóm kun kegeta yóm hennéem yó? Ou se yóm là nadatem du yó, yóm Dwata yó kem tau Israél, yóm Dwata laen dù belenen.

Isaya 30:23

Duhen yó, ke wen hulu ye tódô hkulón Dwata etahen anì tey wen angat nuta ye. Ne yó kem ógóf ye tey wen gónó le mótób.

Isaya 28:5

Okóm angat kól yóm kdaw Dwata htótól yó kem dù tau tebel bè Israél, hol lómón ke du yóm bulók là menesen suub bè kulu le. Yó se nmò yóm Dwata laen dù là gbeken du.

Isaya 26:1

Angat kól yóm kdaw klingón le du yó kem tau nô bè Juda yóm lingón ni, yóm monen, Tey mbegel yóm syudad tekuy, Dwata se kemlung du mò henged beng hilolen.

Isaya 25:9

Sok bangen kól du yóm yó, tódô kdéen tau gotu mon du, “Du se yóm hol kum Dwata. Sónen du yóm kum snalig ne deng lenwaen mi. Du se hol gónó me mogot ne tey bong kligal me yóm kmoen ni abay se deng lenwaen mi.” Là gomongen bè nili yóm bérs 10 kól bè 12. Yó tulónen bè ni kem bérs ni yóm ktafak Dwata yó kem tau bè benwu Muab lemwót bè yóm alì keheklabak le.

Isaya 12:1

Bè yóm kdaw yó, angat le lemingón yó kem tau, mon le, “Ó Dwata, tey kdóyón me kóm. Tehe tey kebutem do, okóm là ne ni, deng henyuhem nawahu.

2 Tisalunika 1:10

bè yóm kdaw kkólen yó. Yó se yóm kdaw hol kegdóyónen bè yó kem kun tau, yóm kdaw hol kadat le du yó kem tau hemtahu. Angat ye gomong se kuy, abay se deng hentahu ye yóm tehe tulón me kuy.

2 Samwél 22:28

Sal gel hewaem yó kem tau hulung heglaan, okóm gel tonem yó kem tau hegeta knô ne heglaanem.

Kem Lingón 20:8

Yó kem tau yó koni, angat le mom tlokob du ne masà du yóm tô snalig le. Okóm kum, là kô me na a masà, mbegel kdà me.

Kem Lingón 46:10

Yó udélen, monen, “Henek ye ne anì tngón ye ou se Dwata. Ou se yóm hol dandónen geta bè kdéen tau, yóm hol dandónen geta bè klamangen benwu.”

Kem Udél Hlalak Tehe Selumun 30:13

Wen se kem tau alì salù le knô le abay se hendem le laen dù dumu tau gemsenged du yóm kul kehyu kmò.

Isaya 30:18

Baluen he ke yó nmò ye, yóm Dwata sana tolo kangaten du yóm kesfulék ye anì hegfanen bélê ye yóm kkoduhen kuy. Deng eles nô bè nawahen ne yóm tey kkoduhen kuy abay se yóm Dwata là gbeken du ke là nmoen du yóm hyu. Hligal le kul yó kem tau smalig bè Dwata.

Mika 2:3

Yó gónóm mon, ni se udél Dwata, monen, “Deng natulu ne yóm kehwitu ebélê ye hlayam mò balà yóm gel kehlayam ye yó kem dumu ye tau ne là kô ye gewà du. Ke deng gnóm ye yóm hlayam hwitu ebélê ye yó, là kô ye bud mógów heklabak gu bè lan.”

Kem Lingón 18:28

Ó Dwata yóm Dwata hol gónóhu mogot, uu se dou layag. Tendo hlayagem yóm gónón kmifu béléu.

Kem Lingón 46:11

Nô lem blóng tekuy yóm Dwata laen dù là gbeken du. Du se yóm Dwata tehe Jakub, ne du se gónó tekuy e mlo.

Kem Lingón 94:2

Uu se fen kmukum yóm kdéen tau, géhél nem e knukum yó kem tau hegmón. Kukumem kul yóm tafak geblà bè yóm deng nmò le.

Kem Udél Hlalak Tehe Selumun 16:5

Tey keklit Dwata du yóm keheklabak tau. Ngem, là kô lugun Dwata du là tnafak yóm tau heklabak.

Isaya 10:12

Okóm yó udél Dwata, monen, “Sok deng yóm nmou bè yó kem dou tau bè bulul Sayun ne bè Jirusalim, angat tnafaku yóm tau hol geta bè Asirya bè yóm alì keheklabaken ne kehegetahen.”

Isaya 14:15

Okóm dengi mom gefet tlaan bè yóm hol gónón nelem bè benwu yó kem tau deng matay.

Isaya 40:23

Gotu heglaanen yó kem tau mfasang mogot benwu, tódô hlanahen boluy le.

Danyél 4:34

Yó udél Nibukadnisar, monen, “Timbow deng yóm hitu halay, lengalae ebè longit. Tódô mulék ebéléu yóm sana kehedemu ne tey kdóyónu ke Dwata, tmabahe ebéléen yóm Dwata hol geta bè kdéen ne tey kadatu du yóm Dwata laen dù sónen yóm kun klowil. Laen dù sónen kogoten tau, balù hilu bud lugoden, sana yó ne yóm kun kogot.