Isaya 2:10 - Udél Dwata: Gna Kesfasad ne Lomi Kesfasad

¹⁰ Bè yóm kdaw ktafak Dwata kul angat le gotu hebnos bè yó kem kilib bè but yó kem léhék ne yó kem dumu gotu le mokol sol lem tonok mò tô gónó le hebnos. Tô henlóy le yóm tey sidek kebut Dwata kul. Tô henbnos le yóm tey kfasangen ne yóm tey kegetahen.

Isaya 2:10 Referans Kwoze

Jirimaya 10:7

Tau du se là likò kóm, igoen uu yóm hol geta bè klamangen. Uu se yóm hol knóón bang gónó likò. Bè yó kem tau alì temngón bè klamangen benwu laen kô dù tau semnged kóm. Ne laen kô dù bè yó kem tau hol geta mogot kul ke semnged kóm.

2 Tisalunika 1:9

Angat gnóm le yóm tafak laen tul sónen. Gotu hdóhen lu bè solu yóm gónó tekuy mogot, tódô hlós ne yóm keskó le béléen ne là se bud ton le du yóm tey alì kfasangen

Kun Snulat Luk 23:30

Ke sok deng angat bangen kól du yóm kdaw yó,” monen, “yó angat mon yó kem tau ebè yó kem bulul, ‘Lubék ye kum eta me.’ Ne yó bud mon le, ‘Bnos ye mi.’

Kun Snulat Luk 12:5

Tódô tulónu kuy yóm mò hol knikò ye,” monen. “Hol knikò ye Dwata, abay se ke deng hnatayen lówó ye, wen kwalisen tmudà kuy elem lanaw ofi. Du dé yóm hol tahu knikò ye.

Jirimaya 10:10

Okóm uu, Dwata yóm hol gónó mogot, tahuhi Dwata se kóm. Uu se yóm Dwata là matayen, uu se yóm laen dù tul són yóm kegetahen. Ke sok bangem lembut tódô megsinsig yóm klamangen tonok. Gotu le hebnos yó kem tau bè dumu benwu lemwót bè yóm kebutem.

Isaya 42:22

Okóm ni, deng wen tau megef kul yó kem kun tau, gotu nwa le kimu le. Wen se bélê le deng knukub le lem sol nelem, wen se bélê le bnos le gónó le kmukub kul. Gotu negef le kimu le ne laen kô dù tau tmóbóng kul.

Isaya 10:3

Tedu se kmò ye du du bè yóm angat ktafak Dwata kuy? Tedu tô kmò ye du du yóm kwen glumfak bong angat hwiten ebélê ye lemwót bè dumu benwu mayuk? Gónó ye e tô mlóy mni tóbóng du? Gónó ye e tô bemnos du du yóm tey kendengen ye?

Kem Lingón 90:11

Tau du de deng gemnóm du yóm alì ksidek kebutem, Dwata? Ke deng gnómen, nawaw deng tey sidek klikoen.

Job 31:23

Là gbeku mò du yóm yó lemwót bè yóm tey sidek klikou yóm tafak Dwata. Ke deng nmou yó kem yó, tô kmò kdau du bè solu yóm Dwata hol dandónen geta?

Job 40:13

Gotu lebengem lu yóm kdê le. Fétem lu bè benwu yó kem tau deng matay.

Kem Lingón 145:12

anì kdéen tau gotu temngón du yóm tendo gel nmoem, ne yóm tey klinggelen yóm kóm kogot.

Nahum 3:11

Ne uu Ninibi, angati glénggé snéen kóm, hol lómón yóm tau lengel. Angat sónmoem hebnos, knikoem yó kem hohonem mundug kóm.