Isaya 19:25 - Udél Dwata: Gna Kesfasad ne Lomi Kesfasad

²⁵ Ne tey któbóngen kul yóm Dwata laen dù là gbeken du yó kem benwu yó. Ne yó udélen ebélê le, monen, “Tnóbóngu yu kem tau Idyip kem dou tau. Ne tnóbóngu yu snéen kem tau Asirya kem dou tau tehe nifil. Ne bud tnóbóngu yu kem tau Israél kem dou tau tehe nélék.” Là gomongen bè nili yóm tsaptér 20 kól bè 24. Yó htulón Dwata ke Isaya bè ni kem tsaptér ni yóm kegbà benwu. Monen bè bérs 5, “Glayam yóm klamang benwu lemwót bè salà yó kem tau nô tahen, abay se deng gotu senkban le yóm kun hlolò Dwata, nulé le yó kem hlauhen ne genbà le yóm tehe kesfasad le laen tul sónen. Yó gónóm mon, megtafak tonok gomong kem tauhen. Gotu lana bélê le yóm kdéen, gotu mlób bè ofi. Là buden dê tau tebel mowil.” Okóm yó kem dù tebel yó, gotu le hemsag ne semngal bè yóm tey kligal le. Monen bè bérs 16, “Hnungol ye lu bè yóm tey kesngal le ebè Dwata lemwót bè són tonok. Hnungol ye yóm kdóyón le yóm Dwata Hol Tedeng Kmoen mlan bè kesngal le.” Monen bè tsaptér 24:21-23, “Bè yóm kdaw yó gotu tnafak Dwata yó kem gel hógówen gu bè longit deng mung ke Seitan. Bud tnafaken yó kem tau hegmón kmamal yó kem but tau talak tonok. Gotu senbungen lu ne gotu suen lu lem blanggù efet le golu elem hatay. Ominen yó myón bè yóm gónón myón kmamal bè Bulul Sayun yóm Dwata laen dù là gbeken du. Tey minggel kwiten du yóm benwu Jirusalim. Lemwót bè yóm tey ktiloben lómón ke kmanas yóm layag kdaw ne bulón.”

Isaya 19:25 Referans Kwoze

Husiya 2:23

Bè yóm kdaw yó, hol lómón ke huluhu lu yó kem tau Israél ta yóm dou tonok mò hol dou nfun. Yó kem tau tehe bnoluyu ‘Là kenbong nawa’ hol hegfanu bélê le yóm kbong nawahu kul. Ne yó kem tau tehe bnoluyu ‘Là dou tau du’ yó se angat monu mò kul, ‘Yu se kem dou tau.’ Ne yó se kul balà do, mon le, ‘Uu se yóm kum Dwata.’ ”

Kem Lingón 138:8

Angat hendohò Dwata yóm atulen bè klowilu. Yóm kbong nawahem là monolen, Dwata, laen kô dù tul sónen. Béem tódô baya o, abay se uu yóm mò dou.

Kem Lingón 115:15

Dwata he hol tmóbóng kuy. Yóm Dwata tehe mò longit ne tonok.

Dwata 32:9

Yakà deng néléken du yó kem sfu Jakub mò kun nfun.

Isaya 61:9

Angat le tey tótól bè yó kem dumu benwu. Ket tau mton kul, tódô tngón le lu se yó kem dou tau tnóbóng.”

Isaya 60:21

Tódô kdê yó kem tauhem, Jirusalim, angat gotu nmò le yóm tedeng. Laen kô dù tul sónen yóm angat kfun le yóm tonok deng blayu kul. Hol lómón ke huluhu lu yó kem tau deng nmou mò gónón gfan yóm kegetahu bè kdéen.

Lista 6:27

Ne yó udél Dwata, monen, “Bè yóm kuyag le Aron kul yó kem tau Israél mò gónón gdilô yóm kfunu kul ne ou se yóm muyag kul yó.” Là gomongen bè nili yóm tsaptér 7. Tulónen yóm kul gel blay ebè Dwata yó kem tau gel malak yó kem tau Israél bè yóm kehdà le yóm Gónô Dwata. Là gomongen bè nili yóm tsaptér 8. Tulónen yóm kmò khólós yó kem sfu Libay ne yóm kmò kehetfing le kul ebè Dwata.

Lista 6:24

‘Dwata he tendo muyag kuy ne kmudung kuy.

Flipay 1:6

Ne tódô eles tngónu yóm hyu deng nbut Dwata bélê ye, là kô tebelen du efet bè yóm kehdengen du bè yóm kdaw bud kkól Krays Jisas edini.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

Glasya 6:15

Laen kô muhen yóm tnulì duhen ke là tnulì du. Yó dé hol bong muhen bè Dwata ke deng nô bélê tekuy yóm lomi klowil lemwót béléen.

Isaya 65:23

Tey bong gendeng le bè yó kem nmò le ne laen kô dù gfà sut bè yó kem ngà le. Laen kô dù sónen yóm któbóngu kul kkólen bè yó kem angat lugod le.

Isaya 64:8

Okóm uu se, Dwata, kum mà. Lómón ke mi yóm tonok gel nmò le kuleng ne uu se yóm mifil kum. Uu se tehe dmimun kum.

Isaya 45:11

Yóm Dwata laen dù belenen gónó le mogot yó kem tau Israél, du se eles matul yóm mò kmoen elem haya. Yó udélen, “Laen dù kwalis ye smólók do ke tedu kmou kul yó kem dou ngà, duhen ke yu tô tmulón du dou yóm hyu mò nmou bélê le.

Kem Lingón 100:3

Hol bê tekuy abay klifót, yóm Dwata gónó tekuy mogot, du se yóm hol tahu Dwata. Tehe nifilen tekuy, du se hol mfun tekuy, ne tekuy se yó kem kun tau. Hol lómón ke tekuy yóm ubiha tendo gel sen-gyoken.

1 Pitér 2:10

Tehe yu ekni, là kô ye tau Dwata se kuy, okóm ni kmoen ni, deng ye baling kun tau ne. Tehe là tngón ye du yóm kkoduhen kuy, okóm ni kmoen ni deng tngón ye ne.

Ifisus 2:10

Yakà Dwata du yóm deng hmomi tekuy. Ne lemwót bè yóm deng kessotu tekuy ke Krays Jisas, deng henbalingen tekuy ne tau mò du yóm hyu. Ne yóm hyu gel nmò tekuy ni kmoen ni, deng tehe eles kem hendem Dwata ne ekni yóm kmò tekuy du.

Sulat Pol Ebè Yó Kem Tau Hemtahu Bè Rom 3:29

Déke wen mon du, són kem tau Ju nogot Dwata, fen là yó kem tau là Ju le. Là kô yó du.

Lista 24:1

Bè yóm kkól le bè yó, tódô eles tngón Balaam yóm kóyô Dwata muyag kul yó kem tau Israél, yó gónón là bud wen gónón e solu na a mebel ilô yóm kóyô Dwata lómón yóm deng gna gel nmoen. Mom yó nmoen, temngel eta yóm benwu laen hol wen tauhen

Isaya 19:24

Bè yóm kdaw yó yóm ngà benwu Israél, tódô senged bè benwu Idyip ne benwu Asirya yóm kbegelen ne mlan bè yóm tlu kem benwu yó gónó Dwata tmóbóng yó kem tau bè klamangen benwu.

Isaya 45:14

Yó udél Dwata ebè yó kem tau Israél, monen, “Angat blayu kuy yó kem kendengen yó kem tau Idyip ne yó kem tau Sudan. Tódô le baling hesek bélê ye yó kem tau lembang tahà bè benwu Siba. Tódô le huli kuy, igò le kendina. Ne mtud le bukol bè solu ye, yó mon le, ‘Tahu Dwata yóm nô bélê ye, laen kô dù dumu dwata, són du.

Sikaraya 8:13

Ó kem tau bè Juda ne kem tau bè Israél, bè kton le kuy yó kem tau bè tólóng benwu, yu se yó kem tau deng henmulà Dwata. Okóm ni, là ne. Lenwau yu ne hlanu bélê ye yóm któbóngu yó kem dumu tau. Yó gónóm mon, bê ye abay hlikò, hol hgel ye nawa ye, henlel ye mò du yóm dou Gónô.

Isaya 63:17

Moen de ke hlusem mi tabag? Moen de ke alì hgelem kulu me efet knogol me u? Géhél bud senfulékem mi, Dwata, igoen tolo wen kem tau bélê me he mimón kóm, igoen sem mi du yó kem kóm tau lemwót bè hol kbuten.

Jirimaya 2:7

Bè yóm tehe kwitu kuy eta yóm tey tonok tembas gónó ye hligal mken du yó kem hyu tmowok tahen, deng mom nmò ye yóm sidek ta nim tonok ni, yóm tonok deng tehe fasadu kuy.

Jirimaya 10:16

Yóm kun Dwata tehe Jakub, là kóen mkél bélê le. Du se mò du yóm kentihen. Deng néléken yó kem tau Israél mò hol kun tau nfun. Yó hol kun boluy, Dwata laen dù là gbeken du.