Isaya 19:19 - Udél Dwata: Gna Kesfasad ne Lomi Kesfasad

¹⁹ Ke sok kól yóm kdaw yó, wen mò gónó le gel demsù ebè Dwata bè yó bè Idyip ne wen botu tmahà hdà le bè kilil yóm tonok Idyip mò ilô yóm deng kehtahu le bè Dwata.

Isaya 19:19 Referans Kwoze

Tekang Kbuten 28:18

Timbow hol hlafus bè yó, tódô kendel btik Jakub ne ominen ma yóm botu tehe tdananen ne hdaen eta mò hlós ilóen du bè yóm benwu yó gónón hegfan béléen Dwata. Ominen temwél du hnolo ulib mò ilô yóm kehetfingen du ebè Dwata.

Kehewà 24:4

Gotu snulat Musis yó kem kdê hlau Dwata. Hol hlafus hayahen bè yó, wen botu sensodoen mò gónó le demsù ebè Dwata bè yó bè but yóm bulul. Bud wen sfolò lewu botu tmahà hdaen hilolen, ket sotu botu bè ket ból yóm sfolò lewu kem ngà logi yóm tehe Israél.

Sikaraya 6:15

Bè yóm angat kehdà le yóm Gónô Dwata, tey dê tau lemwót bè benwu mayuk semtóbóng hemdà du. Ke deng dohò yóm ni, bè ni gónó ye temngón du yóm Dwata laen dù là gbeken du yóm hógów do ebélê ye. Ke hteneb ye mimón du yó kem hloloen kuy yóm sana kuy Dwata hol gónó mogot, angat gotu dohò ni kem ni.’ ”

Tekang Kbuten 12:7

Bè yóm kkól Abram bè yó, tódô hegfan béléen Dwata, yó monen mò du, “Ó Abram, ni se yóm benwu angat blayu yó kem tau semfu gu béléem.” Omin Abram semsodò yó kem botu mò gónón demsù ebè Dwata yóm Dwata hol kun gónó mogot, yóm deng hegfan béléen.

Hibru 13:10

Deng wen se mdengen dsù tekuy yóm kdê tekuy deng hemtahu bè Jisas. Okóm yó kem Ju gel demsù bè yóm kul gónô gel demsù, laen dù kwalis le mken du kul yóm dsù tekuy yó.

Kem Lingón 68:31

Yó kem tau bè Idyip, hyu ke mit le kem tembaga alì mebtes mò basa le kóm. Yó kem tau Ityupya, hyu ke hol le heglaan béléem.

Isaya 60:7

Gotu nwit le ebéléem yó kem ubiha lemwót bè benwu Kidar ne Nibaot mò dsù ye ebè Dwata mò gónó ye hefligal du. Angat tey keheklóón Dwata du yóm Gónóen mkay senta yó hem gna kmoen du.