Isaya 19:16 - Udél Dwata: Gna Kesfasad ne Lomi Kesfasad

¹⁶ Yó kem tau bè Idyip, angat kól yóm kdaw le lunog lómón klunog libun. Tódô setbol kkel le bè yóm tey klikò le bè yóm kegnóm le du, yóm deng kkuhay Dwata sigelen na a tmafak kul yóm Dwata laen dù là gbeken du.

Isaya 19:16 Referans Kwoze

Nahum 3:13

Ngem, angat le gotu lunog yó kem sendaluem, hol lómón klunog kem libun. Yó kem bak tikeb yóm syudadem, deng tódô mngal bè yó kem hohonem, deng ntem le ne gotu le mkekeb.

Sikaraya 2:9

Ngem, deng tayalu eta le yóm dou henmù mò tmafak kul ne yó kem kimu le angat negef yó kem hesek le. Ke deng dohò yóm ni, yó he ketngón ye du deng duhen yóm Dwata laen dù là gbeken du, yóm deng hógów do.”

Hibru 10:31

Ke Dwata fen tmafak tekuy, yóm Dwata laen dù tul katayen, yó se yóm tafak alì knikò.

Isaya 30:17

Anien ke tek sotu sendalù hohon kemtes kuy, botong lemibu bélê ye hemlóy du. Ke wen limu kemtes kuy, tódô kdê ye gotu mlóy. Balù yóm kuy sendalù laen kô dù tebel bélê le, gotu le mlóy. Són olo tagak són yóm hehek gónó le tehe tméwéng flag mdà te bulul.

Kem Lingón 48:6

Ne tódô setbol kkel le, ya tey sidek kegnóm le du, lómón yóm libun kmuleng blututen,

1 Kurin 2:3

Duhen yó, bè yóm tehe ktoloku lem blóng ye lemwót bè yóm alì klikou hol lómón ke laen dù kgisu, botonge kenkel.

2 Kurin 5:11

Ne lemwót bè yóm deng ketngón me du yóm angat kdà tekuy bè solu yóm gónó tekuy mogot, yó gónón wen klikò me du. Yó gónó me hotu du gel me mit kem tau anì baling le hemtahu. Gotu tngón Dwata yóm kum kmò, ne kóyóu ke gotu tngón ye snéen kuy.

Kehewà 11:6

Tey wen demumu mkik bè klamangen Idyip, ne langat là deng sulék gungolem du ne là bud gungolem du ne elem hulin kdaw.

Ubadaya 1:9

Ne angat tey sidek klikò yó kem sendalù ye bè Timan deng alì layam bè sfatay. Yó nmò yó kem hohon le, gotu hnatay le lu sudeng yóm kdéen tau bè yó bè bulul Idom.”

Sikaraya 2:13

Yóm kkól Dwata bè ni gu bè yóm kun gónó nô hol mólós, hol bê le abay hebnes bè soluhen yóm kdéen tau.”

Sikaraya 10:11

Angat le mlan gu lem yó kem tey dê gónó le glayam, hol lómón ke wen mohin nifal le, okóm laen dù gfà le lemwót bè yóm któbóngu kul. Hensengu lewók yóm mohin nifal le yó, ne botong hektihu yóm tey él nelem boluyen Nayl. Yóm alì keheklabak yó kem tau Asirya, són ketngónem du ne yóm alì kfasang yó kem tau Idyip, deng gesón.