Isaya 14:5 - Udél Dwata: Gna Kesfasad ne Lomi Kesfasad

⁵ Deng nmò Dwata sónen ne yóm kul kfasang yó kem tau sidek kogot le.

Isaya 14:5 Referans Kwoze

Isaya 9:4

Yakà deng tódô tenfokem du yóm yok tehe alì hmayam kul. Dalang se yóm bogul tehe gel bogul le bè abal le, deng tódô tenfokem. Abay se deng gotu genlaem yó kem hohon le tehe alì mongò hemsidek kul. Hol lómón keglaem kul lómón yóm tehe keglaem yó kem tey sendalù wen lemwót bè benwu Midyan.

Kem Lingón 125:3

Yó kem tau gel mò sidek, là kô senflós le du kmamal du yóm kul benwu yó kem tau tedeng. Ke yó nmò le, déke gbót le mò sidek se kul yó kem tau tedeng nmò le.

Isaya 10:5

Yó udél Dwata, monen, “Yó kmou yó kem tau Asirya, hol lómón ke bogul kulóngu mò bogulu yó kem dou tau Israél lenbutu.

Isaya 14:4

Bè yóm kdaw kmoen du bélê le yóm yó, yó nmò le sendekà le yóm tau hol geta bè Babilun, yó mon le, “Deng matay ne yóm tau hol geta alì sidek baluhen. Là buden hemgnok tau ne.

Isaya 14:6

Lemwót bè kebut le, gel hen-gnok le yó kem tau ne laen kô dù sónen yóm kehsidek le yó kem tau bè yó kem benwu deng gled le.

Hbakuk 1:17

Ó Dwata, tódô hlós lusem kul ne kô yóm nmò le ni efet kól bè sónen? Tódô lusem kul ne kô yóm tendo keglà le tau, balù udì ke wen kodu le?

Kem Udél Hlalak Tehe Selumun 28:15

Yóm tau élél laen kô dù gmoen bè yóm tau hol geta gel mò sidek, tey sidek klóbóen hol lómón ke mngel yóm mon le liyun, ne yóm klóngónen sembitek yóm mon le bér.

Isaya 9:3

Tey kligal blayem kul, Dwata. Tey kehefligalem kul. Hligal le lemwót bè yóm deng nmoem bélê le. Lómón kehligal le lómón kehligal yó kem tau muta ne lómón kehligal yó kem tau semsólól yó kem kimu negef le bè gida.