Biblia Todo Logo
Bib sou entènèt

- Piblisite -




Isaya 14:4 - Udél Dwata: Gna Kesfasad ne Lomi Kesfasad

4 Bè yóm kdaw kmoen du bélê le yóm yó, yó nmò le sendekà le yóm tau hol geta bè Babilun, yó mon le, “Deng matay ne yóm tau hol geta alì sidek baluhen. Là buden hemgnok tau ne.

Gade chapit la Kopi




Isaya 14:4
35 Referans Kwoze  

Yó angat nmou bè yó kem tau hemgnok kuy, tódô senfatayu lu honon lu. Tódô le sbonok honon lu. Lemwót bè yóm alì sidek kebut le là kô tngón le du yóm nmò le, lómón yó kem tau lengel là kô tngón le du yóm nmò le. Bè yóm kehewau yóm kdéen tau bè klamangen benwu gónó le temngón du ou yóm hol Dwata gónó mogot, yóm msok kuy ne yóm lemwà kuy. Angat tngón le ou se yóm Dwata yó kem tau Israél, yóm laen kô dù là gbeken du.”


Okóm kuy du, yóm kdê ye gel nô bè longit, hol ye hligal lemwót bè yóm deng keglaen. Hligal ye ne, yu kem tau Dwata, ne yu kem tehe gel hógów Jisas, ne yu kem tehe gel tugod Dwata, abay se deng tnafak Dwata ne lemwót bè yóm tehe sidek nmoen bélê ye.


“Weyò, weyò. Kamaen yóm tey syudad bong yóó. Tehe tey tilob yóm nes gel leseken, yóm nes bukay ne yóm hulô megem hitem ne yóm alì tógó hulô. Tehe tódô tfeng lówóhen yóm ngom gónón alì knóón, yóm nmò le bè blówón ne bè yó kem botu sminang mebtes ne bè yó kem pérlas.


Ne tódô tonu se deng hlengel yóm libun yó lemwót bè yóm gel kinumen yóm litô yó kem tau hemtahu bè Dwata deng hnatayen ne litô yó kem tau là monol nawa le ebè Jisas. Bè yóm ktonu du, ya tey sidek kehtawu du.


Deng gotu nofok ye yó kem koyu dlag bè Libanun. Ne ni, bud yu tles nofok le. Ne yóm tehe gotu keglà ye yó kem ógóf lem bnes ne ni bud lu tles hmikò kuy. Ni se gfà ye lemwót bè yóm tey dê tau hnatay ye ne tey dê benwu genlà ye gomong yó kem syudaden ne yó kem tau nô lemen.


Gotu hkamalen kóm yó kem tau bè klamangen benwu. Là són du tau knamalem, bud gotu homong hkamalen kóm yóm kentihen ógóf lem bnes ne kentihen onuk koyu, gotu hkamalen kóm. Uu se yóm kulu blówón tonem yó.


Angat tey wen hlayam hwitu elem blóng le. Ne kdê yó kem dumu tau bè klamangen benwu, angat le gotu likò bè yóm kton le kul. Balù kihu benwu gónów e hógów kul, laen kô dù tau bud madat kul. Angat sendekà le lu ne senkbê le lu ne tendo henmulà le lu.


Ni kô yóm tau gel gemlà yó kem syudad ne henbalingen benwu là hyu menwu du yóm klamangen? Ni kô yóm tau là hewaen kul yó kem tau knukuben ne là dog huléken kul ebè benwu le?”


Lemwót bè kebut le, gel hen-gnok le yó kem tau ne laen kô dù sónen yóm kehsidek le yó kem tau bè yó kem benwu deng gled le.


Gotu nuku yóm tau hol geta bè Babilun kdê yó kem ngom mebtes wen mu le du lem yóm Gónô Dwata. Nukuhen snéen yó kem dumu kimu mebtes henyu le lemen kkólen bè yóm kimu mebtes yóm tau hol geta bélê le, ne kul kimu mebtes yó kem tau genlal bè yó. Tódô gotu nwiten bè yóm kuléken ebè Babilun yóm kdê deng nukuhen yó.


Yakà deng tódô tenfokem du yóm yok tehe alì hmayam kul. Dalang se yóm bogul tehe gel bogul le bè abal le, deng tódô tenfokem. Abay se deng gotu genlaem yó kem hohon le tehe alì mongò hemsidek kul. Hol lómón keglaem kul lómón yóm tehe keglaem yó kem tey sendalù wen lemwót bè benwu Midyan.


Deng nmò Dwata sónen ne yóm kul kfasang yó kem tau sidek kogot le.


Yó hol hembegel kuy, duhen yóm kukum tedeng nwit ye ne yóm hol kgulit nmò ye. Laen kô dù bud gembek hemgnok kuy ne hmikò kuy.


Swiv nou:

Piblisite


Piblisite