Isaya 14:3 - Udél Dwata: Gna Kesfasad ne Lomi Kesfasad

³ Angat henwós Dwata ta yó kem tau Israél yó kem tey dê gónó le glayam ne yó kem nmò alì blat gel hmò le kul.

Isaya 14:3 Referans Kwoze

Jirimaya 30:10

Ó kem dou tau, hol bê ye abay hlikò. Kem tau Israél, hol bê ye abay htafa nawa ye. Yakà bud nitu kuy semfulék ebè benwu ye gu bè yó kem tey benwu mayuk. Yó kem ngà ye, tebel le ne yóm benwu gónó le e megef kul. Angat le semfulék yó kem tau Israél ne angat menek kbenwu le ne laen kô dù bud knikò le.

Isaya 32:18

Yó kem tau Dwata, angat laen dù bud tnafa nawa le. Tódô menek lem yóm kul gónô nô, laen dù bang knikò le.

Sikaraya 8:8

Bud nwitu lu semfulék anì nô le bè ni bè Jirusalim. Lu se yó kem dou tau ne ou se kul Dwata. Là kóen na a monol yóm nawahu ebélê le ne angat hono tedeng yóm nmou bélê le.

Deng Hegfan 18:20

Okóm kuy du, yóm kdê ye gel nô bè longit, hol ye hligal lemwót bè yóm deng keglaen. Hligal ye ne, yu kem tau Dwata, ne yu kem tehe gel hógów Jisas, ne yu kem tehe gel tugod Dwata, abay se deng tnafak Dwata ne lemwót bè yóm tehe sidek nmoen bélê ye.

Isaya 12:1

Bè yóm kdaw yó, angat le lemingón yó kem tau, mon le, “Ó Dwata, tey kdóyón me kóm. Tehe tey kebutem do, okóm là ne ni, deng henyuhem nawahu.

Dwata 28:48

Ne yó gónóm mon, angat ye nô lem hólól yó kem hohon hwit Dwata ebélê ye. Laen kô dù bud ken ye ne laen kô dù bud ninum ye ne laen se dù bud nes ye. Angat lus Dwata yó kem hohon ye mò hemsidek kuy efet ye gotu meglà.

Sikaraya 8:2

“Ni se udél yóm Dwata laen dù là gbeken du. Tey alì kbong nawahu du yóm Bulul Sayun, là gbeku du ke là tnóbóngu yó kem tauhen. Lemwót bè yóm kbong nawahu kul, tey kutó nawahu yó kem hohon le.

Isaya 40:2

Hol genduf ye lu yó kem tau bè Jirusalim. Tulón ye kul deng geblaen yó ne yóm keglayam le ne deng gotu hnifótu ne yó kem salà le. Yóm deng ktafaku kul, tódô geblà du ne bè kdê yó kem salà tehe gel nmò le.”

Jirimaya 30:8

Yó bud udél yóm Dwata laen dù là gbeken du, monen, “Bè yóm kdaw yó gotu tenfoku yóm yok nô bè lihol yó kem dou tau ne gotu lenkasu yóm kdina fét le. Là kô le bud ghesek bè yó kem tólóng tau.