Biblia Todo Logo
Bib sou entènèt

- Piblisite -




Isaya 14:1 - Udél Dwata: Gna Kesfasad ne Lomi Kesfasad

1 Angat bud mulék kodu Dwata kul yó kem kun tau Israél. Angat bud néléken lu mò hol kun tau nfun. Angat bud huléken lu ebè yóm sana kul benwu ne wen se kem tólóng tau angat mung menwu bélê le bè yó.

Gade chapit la Kopi




Isaya 14:1
65 Referans Kwoze  

Angati mdà nam e knodu Jirusalim, ne ni se yóm kdaw bang kmodu du, ni se yóm kdaw deng fasadem nam e któbóng du.


Yó bud heglalagem, monem, ‘Yó udél yóm Dwata laen dù là gbeken du, monen, Yó kem benwu lemnek bè Israél, angat tey bud kehyu klowil le yó kem tauhen. Dalang se yó kem tau bè Sayun, angat tey bud ketgelu kul, angat bud néléku Jirusalim mò dou.’ ”


“Okóm yó kem tólóng tau bè dumu benwu, tódô lenwóten bè yó kem benwu fi dmata kdaw kól bè yó kem benwu fi desdef, tey kadat le du yóm dou boluy. Tódô keten benwu wen gel hboo le ebéléu yóm alì tilob boohen ne dsù le ebéléu yóm dsù alì knóón béléu,” udél yóm Dwata laen dù là gbeken du.


Ó kem longit seglafin, hol ye semngal dé. Ó Tonok, holi hligal mensag dé. Dalang se yó kem bulul, hol ye semngal. Angat henyu Dwata nawa yó kem kun tau. Ne yó kem tau alì glayam, tey kkoduhen kul.”


Tahu se, angat ton ye o,” mon Dwata. “Angat bud nwitu yu semfulék ebè yóm hol kuy benwu. Angat gotu sentifunu yu gu bè yó kem benwu deng gónów e semkla kuy, nwitu yu semfulék ebè yóm hol kuy benwu.”


Wen udél Dwata ebè yó kem tauhen Israél yóm Dwata laen dù belenen yóm lemwà kul. Abay se ni kem tauhen ni, hono tau kenhisik kem dumu tau ne gel knutó nawa le lu yó kem dumu benwu, deng le baling hesek bè yó kem tau mogot benwu. Yó udél Dwata ebélê le, monen, “Angat ton yó kem tau hol geta yóm kegewà ye. Bè yóm kton le kuy tódô le hteneng mdà, botong lan le hol madat kuy. Gotu ton le yu se kul yó kem ngà tau hol geta. Tey keheglaan le bélê ye, botong lan le madat kuy.” Hol tahu dohò nim ni, abay se deng nélék Dwata yóm mò tóbóng lówóhen. Yóm fmasad du kuy nim ni, duhen yóm Dwata yó kem tau Israél, yóm laen kô dù belenen. Là kóen bud mulék elem baken yóm deng fasaden yó.


Yó udél Dwata, monen, “Hol ye hmungol, kem tau Israél, kem tau tóbóng lówóhu. Yu se kem tau deng néléku, kem tau semfu gu bè tehe Jakub.


Yó udél Dwata, monen, “Yu kem tau Israél, hono kem dou tóbóng lówó. Deng néléku yu kem tau semfu gu bè yóm tehe weu Abraham.


Angat wen kdawen tey kdolil le yó kem tau Israél, yó kem tau semfu gu bè tehe Jakub. Hol lómón tô le koyu, tey kbulók le efet lengeben klamangen benwu yó kem bungu le. Là gomongen bè nili yóm bérs 7 kól bè 13. Bè bérs 7 wen snólók Isaya. Yó snólóken, “Deng tnafak Dwata kô Israél mkél bè yóm ktafaken yó kem hohon le? Là, olon tmafak kul néen yó kem tau Israél, mò olob yó kem salà le, okóm bè yó kem hohon le gotu genlaen lu kul.” Ne angat kól yóm kdawen bud nwit Dwata lu semfulék ebè Jirusalim yó kem kun tau deng negef ebè Asirya ne ebè Idyip, angat le bud tmaba ebè Dwata ditu bè kun bulul.


Lemwót bè yóm là konol yóm kbong nawam do, sulék hnatayem kdê yó kem hohonu, yakà ou du yóm tau tóbóng lówóhem.


Deng hendemen yóm tehe fasaden yó kem tau Israél, duhen yóm kbong nawahen kul ne yóm kteneben bélê le. Deng ton klamangen benwu yóm khewaen kum yóm kum Dwata.


Bè ket syudad ne ket prubinsya gónón e glalag yóm lomi udin yóm tau hol geta yó ya tey kehligal yó kem Ju nô bè yó. Gotu le hligal mò ken. Bè ktahuhen, bè yóm kdaw yó tey dê tólóng tau hbaling Ju lemwót bè klikò le kul.


Du henged layag mò hegfan yóm kóm kóyô bè yó kem dumu tau là Ju le, ne bud du se gónón lemwót yóm angat kdóyón le kum mi kem tau Israél.”


Là kô klifóten du yóm tehe fasaden bè yó kem tehe fù tekuy ekni, ne ni deng bang ksuten yóm tóbóngen tekuy kem kun tau Israél.


Deng gotu sentifunu yu lemwót gu bè hol són tonok, deng tnabahu yu lemwót gu bè doli benwu. Ne yó monu mò kuy, ‘Yu se yó kem mò tóbóng lówóhu.’ Là kô naw e kenbê kuy igò sem yu yóm dou nélék.


Yó udél Dwata ebè yó kem tau Israél, monen, “Angat blayu kuy yó kem kendengen yó kem tau Idyip ne yó kem tau Sudan. Tódô le baling hesek bélê ye yó kem tau lembang tahà bè benwu Siba. Tódô le huli kuy, igò le kendina. Ne mtud le bukol bè solu ye, yó mon le, ‘Tahu Dwata yóm nô bélê ye, laen kô dù dumu dwata, són du.


Laen dù bud angat gónó le bitil ne laen kô dù bud gónó le meeng. Balù yóm alì sidek kkinien bè yóm benwu là hyu menwu du, là kô gehsideken kul abay se eles nalaken lu yóm kembong nawa kul. Angat gel nalaken lu ebè yó kem tbul él.


Yó balà Dwata kul, monen, “Gbek yóm libun kô kmifót yóm ngaen hanà hulô ne là dog kenbong nawahen du yóm kun ngà hesut? Anien he ke gbek yóm yéen kmifót yóm ngaen, okóm yó dum dou là kô naw e gbek klifót kuy.


Yó bud udél Dwata, monen, “Okóm yó se angat dou nmò. Angat lenwau lem hólól yó kem sendalù yó kem knukub le. Gotu nwahu yó kem kimu deng negef yóm tau hol geta alì lóbô. Gotu senfatayu yó kem tau semfatay kuy ne lenwau yó kem ngà ye.


Bud lebétem du yóm gu hilol kililen. Bud tódô nwa yó kem tauhem yóm kul tonok deng nô lem hólól yó kem tólóng tau. Yó kem syudad deng tehe tnagak le, tódô bud henok tau.


Yó kem tau gel mò sidek, yake hol tnagak le ne yó kem sidek gel nmò le, yake hol tenles le ne kmò kehedem le. Yake hol le semfulék ebè Dwata yóm Dwata hol gónó mogot. Tey knoduhen kem tau ne mahil béléen hmifót salà.


Yó udél Dwata ebè Jirusalim, monen, “Angat wen kem tólóng tau fen bud hemgulék hemdà yóm beng hilolem. Ne yó kem kul tau hol geta, angat tnóbóng le u. Tey tehe kebutu kóm, yó se gónóhu tmafak kóm. Okóm ni ne, hegfanu béléem yóm tey kehyu nawahu ebéléem ne yóm tey kkoduhu kóm.


Yó kem ngà logi yó kem tau tehe hemgnok kóm, angat le mógów ebéléem na le e heglaan béléem, yó se mò lan le hol hegfan du yóm kadat le kóm. Kdê yó kem tau tehe kemhisik kóm, angat tey keheglaan le béléem. Yó angat boluy le kóm, ‘Syudad Dwata.’ Sotu bud kboluy le kóm, ‘Sayun, syudad yóm kul Dwata yó kem tau Israél yóm Dwata laen dù belenen.’


Yakà tey hen-gulam le yó kem botu bengen yó kem tau tóbóng lówóhem, balù yó kem kfung bè lan, tey kkamà le du.


Ke sok kól yóm kdaw yó yóm udél Hibru baling udél le bè yóm limu kem syudad bè Idyip. Yó kem tau bè yó ke mò le safà, tódô hlan le bè boluy yóm Dwata laen dù là gbeken du. Ne yó boluy le du yóm sotu bè yó kem syudad le “Syudad Kdaw.”


Yó bud udél yóm Dwata laen dù là gbeken du, monen, “Bè yóm kdaw yó gotu tenfoku yóm yok nô bè lihol yó kem dou tau ne gotu lenkasu yóm kdina fét le. Là kô le bud ghesek bè yó kem tólóng tau.


Angat bud hdau yu kem tau Israél. Lómó ktonu kuy hol lómón ke tolo ye sawang libun béléu. Angat bud nogot ye yó kem tamburin gel nuni ye anì bud ye hligal madal.


Swiv nou:

Piblisite


Piblisite