Isaya 12:6 - Udél Dwata: Gna Kesfasad ne Lomi Kesfasad

⁶ Yu kem tau menwu bè Sayun hol ye mensag dé, hol ye lemingón yakà teyen geta yóm Dwata yó kem tau Israél. Hol du se yóm Dwata laen kô dù belenen ne tódô henek nô lem blóng yó kem tauhen.” Là gomongen bè nili yóm tsaptér 13. Bè yóm tsapter ni htulón Dwata ke Isaya bè yó kem tau yóm angat kegbaen yóm benwu Babilun. Nélék Dwata yó kem tau Mid mò hemdeng gembà du. Laen dù kô kodu le ni kem tau ni. Monen bè bérs 19-22, “Babilun yóm benwu alì heklóón senta yó kem dumu benwu, angat gebà lómón yóm tehe benwu Sodom ne Gomora ne là buden gebtik. Balù hilu bud lugod sut, okóm yóm benwu Babilun laen kô dù tau bud menwu du. Balù yó kem tau menwu mógów là kô le móyô kmamfù du. Ne yó kem tau mentey ubiha là móyô le nô bè yó kifu. Yó kem ógóf lem bnes temles nô bè yóm syudad gbà yó. Deng eles lenidan ne yóm kdaw Babilun. Deng móyón kól ne yóm udas kegbaen.”

Isaya 12:6 Referans Kwoze

Sikaraya 2:5

Yakà ou du yóm ofi beng hmilol yóm syudad Jirusalim ne bud ou yóm klóón tendo nô lemen. Dwata se mon du nim ni.’ ”

Kem Lingón 9:11

Sngal tekuy yóm sngal dmóyón ke Dwata yóm Dwata kmamal lemwót bè Sayun. Heglalag tekuy bè kem tau bè klamangen benwu yóm kdê deng nmoen.

Isaya 41:14

Bud mon Dwata, “Yu kem tau Israél, là kô ye hol wen se kuy ne laen kô kgis ye. Okóm hol bê ye abay hlikò, ou se tmóbóng kuy. Ou se yóm kuy Dwata kem tau Israél yóm Dwata laen dù belenen. Ou se lemwà kuy.

Isaya 54:1

Ó Jirusalim, hol lómón ke tehe uu yóm libun atil laen dù ngaen. Okóm ni, holi semngal ne holi hligal hegwoy, abay se angat tey dê ngaem senta yóm libun là tnagak yehenen du.

Isaya 41:16

Sotun, lómón ke tmeef halay kmò ye kul. Gotu sohul ye lu eta ne mung le holis bè lenos. Angat wen lenos bong gotu semkla kul. Angat ye hligal bè yóm kdaw yó abay se ou se kuy Dwata. Angat tey kdóyón ye dou, yóm kuy Dwata yó kem tau Israél, yóm Dwata laen kô dù belenen.

Isaya 40:9

Ó kem tau bè Jirusalim, mneged ye eta yó kem bulul, heglalag ye bè yó yóm tulón hyu. Yu kem tau bè Sayun, hol hgel ye dé yóm udél ye, heglalag ye yóm tulón hyu. Hol tulón ye, bê ye abay hlikò. Tulón ye bè tu kem benwu lemnek bè Juda, móyónen kól ne yóm Dwata le.

Kem Lingón 71:22

Ó Dwata, lemwót bè yóm là konol nawahem ebéléu, dóyónu u hlanu bè yóm gel kenbitu. Sngalu yóm sngal dmóyón kóm mung bè yóm sotu gel kenbitu. Uu se yóm Dwata laen dù belenen bè Israél.

Sifanaya 2:5

Angat hatay ye kuy, kem tau Flistin nô bè kilil mohin bè benwu Kanan, yakà ebélê ye du snéen gónón e gbak nim kukum Dwata ni. Angat gotu genlà Dwata yu, balù sotu ke wen tebel bélê ye.

Isaya 49:26

Yó angat nmou bè yó kem tau hemgnok kuy, tódô senfatayu lu honon lu. Tódô le sbonok honon lu. Lemwót bè yóm alì sidek kebut le là kô tngón le du yóm nmò le, lómón yó kem tau lengel là kô tngón le du yóm nmò le. Bè yóm kehewau yóm kdéen tau bè klamangen benwu gónó le temngón du ou yóm hol Dwata gónó mogot, yóm msok kuy ne yóm lemwà kuy. Angat tngón le ou se yóm Dwata yó kem tau Israél, yóm laen kô dù là gbeken du.”

Isaya 33:24

Laen kô dù tau bud gemnóm des bè benwu tekuy ne gotu hnifót Dwata yóm kdê salà tekuy. Là gomongen bè nili yóm tsaptér 34. Yó tulónen yóm kmò ktafak Dwata yó kem but tau talak tonok bè yóm gotu keglaen kul. Bè yóm ktafaken kul yó, tódô kmanas yóm longit ne gotu btang yó kem blotik. Bud tulónen yóm alì ksidek kegbà Dwata yóm benwu Idom ne keglaen yó kem tau bè yó lemwót bè yó kem sidek deng nmò le bè yó kem kun tau Israél. Laen kô dù tau bud menwu bè Idom. Yó kmò Dwata du yóm benwu yó mò gónó le nô yó kem ógóf lem bnes ne yó kem onuk bnes kól bè laen dù tul sónen.

Isaya 30:19

Yu kem tau nô bè Jirusalim laen dù bud nkik ye ne. Yóm Dwata tey kkoduhen tau. Ke hol ye mni tóbóng béléen bnalaen yu.

Isaya 8:18

Ni ou, mung do yó kem ngà deng blay Dwata do. Yóm klowil me hol lómón ke tulón gdek lem blóng yó kem tau Israél, yóm tulón hwit yóm Dwata laen dù là gbeken du, yóm Dwata myón bè yóm gónón kmamal bè bulul Sayun.

Kem Lingón 132:14

Yó monen, “Ni se yóm benwu mò gónóhu nô kól bè laen dù sónen. Bè ni gónów nô, abay se ni se yóm benwu hol dou nóyô.

Kem Lingón 89:18

Uu se, Dwata, deng tehe mélék du bélê me yóm tau mò mofin kum, yakà uu du yóm Dwata yó kem tau Israél yóm Dwata laen dù belenen. Uu se tehe mélék du yóm tau mò tau hol geta bélê me.

Kem Lingón 68:16

Ó bulul alì temfusù, moen du ke nélés nawa ye yóm Bulul Sayun, yóm bulul deng nélék Dwata mò hol gónón nô, laen kô dù tul sónen yóm knóen du.

Kem Lingón 46:5

Bè yóm syudad yó, yó se kun gónó nô Dwata, ne laen kô gembek gembà du yóm kun benwu. Hanà hlafus deng sana sut na a tmóbóng.

Kem Lingón 99:2

Tey mfasang yóm Dwata bè Sayun. Du se hol mogot yóm kdéen tau bè klamangen benwu.

Isaya 1:24

Duhen yó, hol hnungol ye yóm udél yóm Dwata hol gónó mogot yóm Dwata laen dù là gbeken du, yóm Dwata kem tau Israél yóm alì mfasang. Yó monen, “Angat bnelesu yu, yu kem tau deng hmohon do ne là bud gehlala ye do ne.

Isaya 60:16

Yó kem dumu benwu ne yó kem tau hol geta mogot kul, angat hol sen-gyok le uu hol lómón yóm libun gel sen-gyoken ngaen. Bè yó se gónóm temngón du ou se yóm Dwata hol lemwà kóm, yóm Dwata yó kem tau Israél yóm Dwata laen dù là gbeken du.

Jirimaya 10:6

Ó Dwata, laen kô dù semnged kóm. Laen kô dù là gbekem du ne tey mfasang yóm boluyem.

Husiya 11:9

Là. Là kô tnafaku kuy ke là lemwóten bè yóm alì sidek kebutu kuy. Là kô hensulék genlau kuy, kem tau Israél, yakà ou du yóm hol Dwata, là tauhe tonok. Ou yóm laen dù belenen tendo nô bélê ye. Là kô yó du nmou ke naw e hensulék genlà yu lemwót bè yóm tey kebutu kuy.

Lista 23:21

Yó kem tau Israél, deng eles tonu yóm angat tey kehyuhen yóm kul klowil elem hulin kdaw ne laen dù sidek angat glumfak le. Tendo seflós nô bélê le yóm sana Dwata hol kul gónó mogot. Ne deng gel heglalag le se kul, Dwata yóm geta bélê le.

Kem Lingón 135:21

Hol dóyón tekuy Dwata gu bè Sayun, yakà bè ni du bè Jirusalim gónóhen nô. Hol dóyón tekuy Dwata.

Isaya 33:21

Bè yóm kdaw yó, hegfan Dwata bélê tekuy yóm tey kegetahen. Ne nô tekuy bè kilil yóm tey él lamang ne laen dù kafal yó kem hohon tekuy bud gemlan bè yó.

Juwél 2:27

Bè yó ne gónó ye angat temngón du yóm tendo knóu bélê ye kem dou tau Israél, tek són ou yóm sana kuy Dwata hol gónó mogot. Laen dù bud gónó le myak ne yó kem dou tau elem hulin kdaw lómón yóm gfà le ni.”

Sikaraya 2:9

Ngem, deng tayalu eta le yóm dou henmù mò tmafak kul ne yó kem kimu le angat negef yó kem hesek le. Ke deng dohò yóm ni, yó he ketngón ye du deng duhen yóm Dwata laen dù là gbeken du, yóm deng hógów do.”