Biblia Todo Logo
Bib sou entènèt

- Piblisite -




Isaya 12:4 - Udél Dwata: Gna Kesfasad ne Lomi Kesfasad

4 Bè yóm kdaw yó, angat le lemingón yó kem tau, mon le, “Hol ye slamat bè Dwata. Hol ye tmaba ebéléen anì tnóbóngen yu. Tulón ye bè kdéen benwu yóm deng gendengen bélê ye. Hol tulón ye kul yóm tey kegetahen.

Gade chapit la Kopi




Isaya 12:4
42 Referans Kwoze  

Hol tekuy gel bemlay slamat bè Dwata. Hol gel heglalag tekuy yóm kegetahen. Tulón tekuy bè kem tau bè klamangen benwu yóm deng gendengen.


Uu se, Dwata, yóm hol geta, laen dù là gbekem du. Bud uu se yóm alì knóón, yóm gel gemmò bè kem hmohon kóm. Uu se yóm hol dandónen geta. Yóm kdê nô bè longit ne te tonok hono kóm funen, Dwata. Uu se kmamal yóm klamangen. Bud uu se yóm hol dandónen geta senta yóm kdéen.


Ó Dwata, uu se yóm dou gónó mogot. Tey kadatu kóm ne tey kdóyónu kóm. Tey hentaw ton yó kem deng nmoem. Gotu dnohoem yó kem deng tehe natulem là sekna.


Deng hetngónu kul se yóm kóm kmò, ne henlelu he mò du anì hol le sbong nawa lómón yóm kut kesbong nawa, ne anì tendohe gel nô bélê le se dou.”


Holi hegeta, Dwata, senta yó kem longit alì geta. Hyu ke hol gfan bè klamangen benwu yóm tey keslinangem.


Mowil yóm Dwata. Dóyónu yóm gónóhu heklung alì mbegel. Hegetahu yóm dou Dwata yóm Dwata gel lemwà dou.


Ominen bud wen bè yó kem sfu Libay fen mbut du yóm ktaba le ebè Dwata, duhen le Jéswa ne Kadmiyél ne Bani ne Hasabniya ne Siribiya ne Hodiya ne Sibaniya ne Pitahiya. Yó udél le, “Gotu tekuy mdà. Hol dóyón tekuy yóm sana kut Dwata hol gónó mogot. Yóm kun klowil laen dù buten ne laen se dù sónen. Hol dóyón tekuy yóm tey klinggel yóm kun boluy. Là kô gbek tekuy hmingón du yóm tey kegetahen.”


Mon Dwata se, “Hotu hiwesu bè soluhem yóm tey klinggelu ne heglalagu bè soluhem yóm dou boluy, yakà ou du se yóm sana Dwata hol gónó mogot. Tendo gel hegfanu bè yó kem tau deng néléku yóm tey kkoduhu kul.


Dwata yóm hol kemgis mofin dou. Du se yóm deng lemwà do. Du se yóm dou Dwata tendo dóyón. Du se Dwata yóm dou mà ne hmungu bè lingónu yóm tey kegetahen.


Tey kegetahen yóm Dwata. Gotu knamalen yóm klamangen. Gotu blayen bè Jirusalim yóm ktedeng kogot le kukum ne yóm klaen dù kéng yó kem tau malak bè yó.


Bè yóm kdaw yó, angat le lemingón yó kem tau, mon le, “Ó Dwata, tey kdóyón me kóm. Tehe tey kebutem do, okóm là ne ni, deng henyuhem nawahu.


Bè yóm kdaw yó, angat gesón yóm kehegmón tau ne yóm kehegeta le knô. Ne yó kem dwata kéng deng gel nmò le là kô bud tonem kul ne. Tek són sem Dwata yóm hol hegeta bè yóm kdaw yó.


Bè yóm kdaw yó, angat tódô gesón yóm alì kehegmón tau ne yóm alì keheklabak le. Tek són sem Dwata yóm hol geta bè yóm kdaw yó.


Tmau du se mkél bè yóm sana kut Dwata hol gónó mogot, yóm Dwata myón bè yóm gónón myón kmamal ditu hol fi tta?


Yake hol le demsù ebéléen mò gónó le slamat béléen, ne hlan le bè yóm kehligal le semngal. Yake hol tulón le du yóm deng nmoen bélê le.


Yakà uu du, Dwata yóm hol dandónen geta bè klamangen benwu. Uu se hol geta senta yó kem dumu dwata.


Hol heglalag tekuy bè yó kem dumu tau yóm tey kegetahen, ne yóm tey kegbeken lem blóng yóm kdéen tau.


Okóm béléu, alì hyu gemnóm du yóm kehlonihu ebè Dwata anì naw e heklung béléen, yóm Dwata hol gónó mogot. Tey hyu gemnóm du snéen yóm gel keheglalagu du yóm kdê gel nmoen.


Yó udélen, monen, “Henek ye ne anì tngón ye ou se Dwata. Ou se yóm hol dandónen geta bè kdéen tau, yóm hol dandónen geta bè klamangen benwu.”


Deng tey dê ne yó kem hentaw ton nmoem bélê me, Dwata. Uu se yóm Dwata gónó me mogot, laen kô dù semnged kóm. Deng tey wen kem atul knóón nmoem bélê me, là kô gbeku msó kul, tey le wen.


Gbót ye béléu tmulón du yóm tey kegeta Dwata. Hol dóyón tekuy dé boluyen.


Balù yó kem tau là dengen sut he, angat wen tmulón du kul. Yó angat tulón le kul, mon le, “Deng lenwà Dwata ne yó kem kun tau.”


Tey kdóyón me kóm, Dwata, bè yóm tey kekgisem. Sngal me ne dóyón me yóm tey kfasangem.


Sngal tekuy yóm sngal dmóyón ke Dwata yóm Dwata kmamal lemwót bè Sayun. Heglalag tekuy bè kem tau bè klamangen benwu yóm kdê deng nmoen.


Hol tekuy slamat bè Dwata. Hol gel heglalag tekuy yóm kegetahen. Tulón tekuy bè kem tau bè klamangen benwu yóm deng gendengen.


Yake tódô kdê le gotu dmóyón du yóm boluy Dwata, yóm Dwata gónó tekuy mogot. Laen kô dù dumu boluy geta sentahen. Yóm kegetahen, hol geta senta tonok, ne hol geta senta longit.


Tendo gel lolò me yóm kóm kóyô bélê me, són uu yóm nefet nawa me. Laen kô dù dumu sen-galu nawa me sónen u.


Yó kem tau nô bè yó kem benwu mayuk, yake hol megdóyón bélê ye Dwata ne hol dóyón ye se kuy yóm tey kegetahen.


Yó ne hewà ye gu bè Babilun, laen dù bud gónó ye gfét bè yó ne. Hol ye hligal mensag. Hol tulón ye bè klamangen yóm deng kehewà Dwata kuy kem kun tau Israél, kem tau tóbóng lówóhen.


“Okóm yó kem tólóng tau bè dumu benwu, tódô lenwóten bè yó kem benwu fi dmata kdaw kól bè yó kem benwu fi desdef, tey kadat le du yóm dou boluy. Tódô keten benwu wen gel hboo le ebéléu yóm alì tilob boohen ne dsù le ebéléu yóm dsù alì knóón béléu,” udél yóm Dwata laen dù là gbeken du.


Du se mà yó kem ngà hikit, ne du se gel mofin yó kem libun bolu. Yó se yóm kun kmò Dwata, tey mólós yóm gónóhen nô.


Swiv nou:

Piblisite


Piblisite