Isaya 12:2 - Udél Dwata: Gna Kesfasad ne Lomi Kesfasad

² Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Isaya 12:2 Referans Kwoze

Kehewà 15:2

Dwata yóm hol kemgis mofin dou. Du se yóm deng lemwà do. Du se yóm dou Dwata tendo dóyón. Du se Dwata yóm dou mà ne hmungu bè lingónu yóm tey kegetahen.

Kem Lingón 27:1

Dwata se henged layagu, ne du se lemwà dou. Yó gónóm mon, laen dù bang knikou. Tendo kenlungen ou bè yó kem gfà, yó gónóhu là bud likò.

Kem Lingón 118:14

Wen tey kfasang blayen do, ne hekgisen ou, ne deng lenwaen ou.

Deng Hegfan 7:10

Tey kehgel le udél le, mon le, “Deng tekuy gewà gu lem hatay lemwót bè yóm Dwata tekuy, yóm nô bè gónón myón kmamal, ne lemwót bè yóm Ngà Ubihahen.”

Juna 2:9

Okóm do, angat sngalu yóm sngal dmóyón kóm ne demsue ebéléem ne hol nmou he yóm deng fasadu kóm. Abay se yóm kegewà gu lem hatay, són béléem gónón gu lemwót, Dwata.”

Isaya 45:17

Okóm yó kem tau Israél deng lenwà Dwata lu kul. Yóm kegmò le bè yó kem hohon le laen kô dù tul sónen. Laen kô bang gónó le bud myak bè kem dumu le tau.’ ”

Jirimaya 23:6

Bè yóm angat kogoten benwu, angat le gotu gewà yó kem tau bè Juda ne laen kô dù hemen le yó kem tau Israél. Yó angat taba le du, ‘Yóm Dwata mit kut tedeng.’

Jirimaya 3:23

Yóm gel ktaba me ebè yó kem dwata kéng ne yóm kessamuk me gu ta yóm kdéen bulul, hono là hyuhen. Tek són bè yóm sana kum Dwata hol gónó mogot gónó me gewà.

Kem Lingón 83:18

anì tngón le tek sónen uu Dwata, ne tek sónen uu yóm Hol Dandónen Geta mogot klamangen benwu.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Sulat Pol Ebè Yó Kem Tau Hemtahu Bè Rom 1:16

Nim Tulón Hyu gel nwitu ni, laen kô bang gónóhu myak heglalag du. Kaem bè yó se gónón gfan yóm kfasang Dwata lemwà kdéen tau gu lem hatay ke hemtahu le bè Jisas, lemwót bè yó kem tau Ju kkólen bè yó kem tau là Ju le.

Husiya 1:7

Okóm yó kem tau bè Juda, angat hegfanu bélê le yóm kkoduhu kul. Tódô ou angat lemwà kul lem tdok yó kem hohon le, bede là mlanen bè gida ne là mlanen bè boho le duhen ke bè sudeng le. Là mlanen bè yó kem tey kudà le duhen ke bè yó kem sendalù smakay kudà, bede mlan bè yóm dou kfasang yóm sana kul Dwata hol gónó mogot.”

Isaya 32:2

Kehlingónu kul, hol lómón ke lu mò seng bè lenos ne mò gónó e mlóy ke sut yóm tey kulón bong. Sotun, lómón ke lu yóm él mlel bè yóm benwu laen dù élen. Ne lómón ke lu yóm olung yóm botu semlung gónó hgolung bè yóm benwu laen dù koyuhen.

Isaya 7:14

Duhen yó, Dwata ne tódô mò béléem ilô. Yó ilô nmoen, wen sotu sawang libun angat mlutut ne angat mngà logi ne angat boluyen du Imanyuwél.

1 Samwél 2:1

Omin Hana mni bè Dwata, monen, “Tey kehefligalen do Dwata. Ya tey któbóngen dou. Laen dù bud gónóhu myak ne bè yó kem hohonu, tey kligalu ne ni lemwót bè yóm tey któbóng Dwata do.

Kem Lingón 112:8

Là kô dê tnafa nawa le yó kem tau yó, laen dù knikò le. Tódô tngón le laen kô gmò le bélê le yó kem hmohon kul.

Isaya 27:5

Okóm ke tô le hofin béléu yó kem tau hmohon yó kem dou tau, yake na le gna mit sefyu béléu. Tahu se, yake na le gna mit sefyu béléu.”

Isaya 49:5

Balù yóm gu laanu là deng sut, deng eles nélék Dwata ou. Nmoen ou tóbóng lówóhen mò malak kul mulék yó kem tauhen Israél deng gotu sekla. Bè Dwata se gónón lemwót yóm kadat le do yó kem tau. Béléen se gónón lemwót yóm kwen kgisu.

Isaya 50:10

Bong bélê ye kuy, yu kem tau wen klikoen ke Dwata, yu kem gel mimón du yóm udél yóm tau tóbóng lówóhen, anien ke tey kmifu yóm lan lolò ye, hol snalig ye yóm gónó ye mogot, hol ken-gel nawa ye Dwata.

Isaya 61:10

Tey kligalen kun yóm Jirusalim lemwót bè yóm deng nmò Dwata béléen. Hol lómó kligalen lómón yóm libun myehen deng hen-get le. Yó henged nes hesek Dwata du yóm syudaden yó, yóm kegewaen bè yó kem hohonen ne yóm kegmoen bélê le.

Isaya 65:18

Angat tey kehyu nawa ye ne kligal ye bè yóm nmou yó ne laen kô dù sónen yóm kligal ye yó. Yóm lomi Jirusalim nmou yó, angat tey benwu hligal ne tey kligal le yó kem tau nô lemen.

Danyél 3:28

Omin Nibukadnisar mon du, “Hol dóyón tekuy yóm kul Dwata le Sadrak ne Misak ne Abidnigu. Deng wen hógówen gu bè longit mò lemwà yó kem tau tóbóng lówóhen smalig béléen. Là nimón le du yóm hlolou kul, mom hyu bélê le he ke matay le olo ke tô le tmaba ebè yó kem tólóng dwata. Tek són kul Dwata nimón le.

Juwél 2:23

Ó kem tau bè Jirusalim, hol ye hligal se kuy. Hnigal ye yóm sana kuy Dwata hol gónó mogot. Yóm kulón hwiten ebélê ye mò gónón hegfan du yóm nawahen kuy. Angat bud hwiten ebélê ye yóm kulón geblà bè yóm kdaw ye mulu ne yóm kulón geblà bè yóm kdaw ye muta, lómón yóm gnan.

Hbakuk 3:18

okóm sana yó ne kligalu ebè yóm sana Dwata hol gónó mogot, abay se du yóm hol Dwata yóm fen lemwà do.

2 Samwél 7:24

Ne deng hbegelem yó kem tauhem Israél mò hol kóm nfun ne laen dù tul sónen, ne deng uu se baling hol kul Dwata.

Kem Lingón 65:6

Tey mdengen gónóm hemsù kul yó kem bulul mlan bè yóm tey kfasangem. Yó se gónón gfan yóm tey kegbekem.

Kem Lingón 68:20

Yóm kut Dwata, du se yóm Dwata gel lemwà tekuy. Du se yóm Dwata hol gónó tekuy mogot gel lemwà tekuy gu lem hatay.

Kem Lingón 68:21

Angat lenuna Dwata kulu yó kem hohonen, kulu yó kem tau tendo seflós mò sidek.

Kem Lingón 118:21

Tey kdóyónu kóm, Dwata, abay se deng hnungolem ou, ne deng hegmoem ou bè kem hohonu.

Isaya 33:22

Ke wen bud mlan bè yó, gotu sidek yó kem htegen, baling laen dù bud muhen. Là bud gbek le mból du yó kem layalen. Yóm kdê kendengen yó kem hohon bè yóm kafal yó, gotu nwa tekuy. Ya tey kwenen, balù yóm tau tugô sana kwen kun nwa. Dwata se yóm hol geta bélê tekuy. Du se hol mogot tekuy ne mofin tekuy.