Isaya 12:1 - Udél Dwata: Gna Kesfasad ne Lomi Kesfasad

¹ Bè yóm kdaw yó, angat le lemingón yó kem tau, mon le, “Ó Dwata, tey kdóyón me kóm. Tehe tey kebutem do, okóm là ne ni, deng henyuhem nawahu.

Isaya 12:1 Referans Kwoze

Kem Lingón 30:5

Yóm kebuten, tek likóten, okóm bè yóm klawi te mowil, tendo gnóm te yóm kehyuhen. Baluen ke suloyem buteng mkik, okóm budi mulék hligal ke hlafus.

Isaya 25:1

Ó Dwata, uu se yóm dou gónó mogot. Tey kadatu kóm ne tey kdóyónu kóm. Tey hentaw ton yó kem deng nmoem. Gotu dnohoem yó kem deng tehe natulem là sekna.

Isaya 54:8

Tehe knogolu yu lemwót bè yóm kebutu kuy, okóm olon likót. Okóm ni, htonu kuy yóm klaen dù sónen yóm kbong nawahu kuy.” Yó se udél yóm Dwata lemwà kuy.

Sikaraya 14:9

Angat Dwata se yóm hol geta bè klamangen benwu. Bè yóm kdaw yó laen dù dumu Dwata, tek sónen du ne tek són kun boluy gónó le gel tmaba.

Husiya 6:1

Yó udél yó kem tau Israél, mon le, “Géhél ye ne, bud tekuy semfulék ebè yóm sana kut Dwata hol gónó mogot. Tehe hendesen tekuy, okóm angat bud bnulungen tekuy. Tehe hnalien tekuy, okóm angat bud bnausen yó kem halì tekuy.

Isaya 35:10

Angat tey kligal le bè yóm kgefet le bè yóm benwu yó, tey kesngal le ne kehsag le lemwót bè kligal le. Ne laen kô dù sónen yóm kligal le yó. Là bud wen lenangag le ne laen dù bud kenblat nawa le.

Isaya 14:3

Angat henwós Dwata ta yó kem tau Israél yó kem tey dê gónó le glayam ne yó kem nmò alì blat gel hmò le kul.

Isaya 49:13

Ó kem longit seglafin, hol ye semngal dé. Ó Tonok, holi hligal mensag dé. Dalang se yó kem bulul, hol ye semngal. Angat henyu Dwata nawa yó kem kun tau. Ne yó kem tau alì glayam, tey kkoduhen kul.”

Isaya 25:9

Sok bangen kól du yóm yó, tódô kdéen tau gotu mon du, “Du se yóm hol kum Dwata. Sónen du yóm kum snalig ne deng lenwaen mi. Du se hol gónó me mogot ne tey bong kligal me yóm kmoen ni abay se deng lenwaen mi.” Là gomongen bè nili yóm bérs 10 kól bè 12. Yó tulónen bè ni kem bérs ni yóm ktafak Dwata yó kem tau bè benwu Muab lemwót bè yóm alì keheklabak le.

Sulat Pol Ebè Yó Kem Tau Hemtahu Bè Rom 11:15

Lemwót bè yóm kekbê Dwata kul, yó gónó le mit sefyu ebè Dwata yó kem tau là Ju le. Ke lómón yó, milud he yóm kehyuhen bélê ye sok le deng gotu bud semfulék ebè Dwata yó kem kun tau Ju. Hol lómó kegnóm tekuy du, lómón yóm tau deng mowil gu lem hatay.

Sikaraya 14:20

Bè yóm kdaw yó, balù bè yó kem tloyong kudà, sana ksulat le du yóm udél nii, “ke Dwata funen.” Ne bud ke Dwata funen snéen yóm kuleng gónó tmógó bè Gónô Dwata, lómón kfunen yóm tukung nô bè gónó gel demsù.

Husiya 11:8

Ó kem tau Israél, mò tô keblayu kuy elem hólól yó kem hohon ye du? Mò tô kbayau kuy bélê le du? Là gbeku du ke sulék genlau yu lómón yóm tehe keglau yóm lewu kem benwu Adma ne Sibuim. Lebà nawaw ke yó tô nmou. Tey mget yóm kbong nawaw kuy.

Isaya 26:1

Angat kól yóm kdaw klingón le du yó kem tau nô bè Juda yóm lingón ni, yóm monen, Tey mbegel yóm syudad tekuy, Dwata se kemlung du mò henged beng hilolen.

Isaya 2:11

Bè yóm kdaw yó, angat tódô gesón yóm alì kehegmón tau ne yóm alì keheklabak le. Tek són sem Dwata yóm hol geta bè yóm kdaw yó.

Isaya 10:4

Yó angat gfà ye, wen se bélê ye matay bè gida ne wen se bélê ye negef le. Baluen se ke lómón yó gfà ye, là kóen deng teflok he yóm kebut Dwata kuy. Sana tolo kuhayen sigelen tmafak kuy.

Kem Lingón 9:1

Ó Dwata, hotuhu nawahu dmóyón kóm. Gotu tulónu yóm kdê tey tennga deng nmoem.

Kem Lingón 71:21

Angat tey bud kehegetahem dou, ne bud henyuhem nawahu.

Isaya 54:7

“Tek likóten yóm ktebelu kuy. Okóm lemwót bè yóm kbong nawahu kuy, yó gónóhu bud semfulék kuy.

Isaya 54:9

“Bè yóm tehe kun kdaw Nuwa ekni, yó fasadu du là bud hdunuku du ne elem benwu. Ne ni kmoen ni, wen se fasadu kuy, duhen yóm là bud kebutu kuy. Là bud nudélu kuy ne là bud tnafaku kuy.

Isaya 61:10

Tey kligalen kun yóm Jirusalim lemwót bè yóm deng nmò Dwata béléen. Hol lómó kligalen lómón yóm libun myehen deng hen-get le. Yó henged nes hesek Dwata du yóm syudaden yó, yóm kegewaen bè yó kem hohonen ne yóm kegmoen bélê le.

Isaya 64:5

Tey któbóngem kul yó kem tau hligal mò du yóm tedeng ne là klifót le du yóm hloloem kul bè klowil le. Tehe tey kebutem kum, okóm tódô senflós me mò du yóm sidek. Igò yóm tey kebutem kum mom henlel me mò du yóm sigol lemwót bè kbuten.

Isaya 65:18

Angat tey kehyu nawa ye ne kligal ye bè yóm nmou yó ne laen kô dù sónen yóm kligal ye yó. Yóm lomi Jirusalim nmou yó, angat tey benwu hligal ne tey kligal le yó kem tau nô lemen.

Jirimaya 30:19

Yó kem tau angat bud nô lem Jirusalim, tey kesngal le dmóyón do, tey kehligal le mensag. Tey kehbólu kul yó kem dou tau, henbalingu lu sotu benwu tótól ne benwu nadat.

Sikaraya 8:11

Okóm ni, là bud nmou du bè yó kem dù dou tau tebel ne yóm tehe nmou yó, udél yóm Dwata laen dù là gbeken du.

Sikaraya 8:19

“Yóm kfasting gel nmò ye bè gfaten bulón ne bè glimuhen bulón duhen ke bè ghituhen bulón ne bè gesfoloen bulón, là bud nmò ye du ne. Yóm gel kestifun ye bè kfasting ye yó ne bè klangag ye, angat baling kdaw kehligal ye mò kem bong kem tau bè Juda. Yó gónóm mon, henlom ye nawa yóm ktahuhen ne yóm gónón menek nawa ye.

Nihimaya 8:10

Ne ni, mulék ye ebè gónô ye ne hol ye hligal ne mò ye ken. Benlay ye yó kem tau là kóyówen yóm kul. Nim kdaw ni, kdaw hetfing tekuy ebè Dwata. Yó gónóm mon, hol bê ye abay heblat nawa abay se yóm kligal lemwót bè Dwata, yó se hol gónón lemwót yóm kgis tekuy.”

Kem Lingón 85:4

Bud hesfulékem mi ebéléem, Dwata yóm Dwata gel lemwà kum. Hol klifótem ne yóm kebutem kum.

Kem Lingón 86:17

Hegfanem dou kun ilóen yóm kehyu nawahem ebéléu, anì ton yó kem tau kmutó nawa dou, ne angat le bud mulék myak. Abay se uu, Dwata, yóm gel tmóbóng dou ne gel hemyu nawahu.

Isaya 60:10

Yó udél Dwata ebè Jirusalim, monen, “Angat wen kem tólóng tau fen bud hemgulék hemdà yóm beng hilolem. Ne yó kem kul tau hol geta, angat tnóbóng le u. Tey tehe kebutu kóm, yó se gónóhu tmafak kóm. Okóm ni ne, hegfanu béléem yóm tey kehyu nawahu ebéléem ne yóm tey kkoduhu kóm.

Jirimaya 31:13

Omin le yó gotu madal yó kem sawang libun, tey kligal le. Dalang se yó kem logi, kem ngà logi kólen bè kem tuha gotu le hligal se kul. Wen kligal blayu kul mò tles yóm klangag le ne wen klaan nawa blayu kul mò tles yóm keblat nawa le.

Sikaraya 1:16

Yó gónóm mon, yó bud udél Dwata, monen, Denge bud mulék ebè Jirusalim lanu kmodu yó kem dou tau. Angat bud tenlob le yóm dou Gónô bè yó, dalang se yóm dou syudad, angat bud hdà le. Yóm Dwata laen dù là gbeken du nim mudél ni.’