Isaya 11:6 - Udél Dwata: Gna Kesfasad ne Lomi Kesfasad

⁶ Bè yóm benwu nogoten yó, angat le gotu tódô segbót yó kem ógóf lóbô lem bnes yó kem ubiha. Yó kem ógóf lóbô boluyen lipard tódô mingum kesdulil le bè yó kem ngà kambing. Ne yó kem ngà safì tódô mingum keslomong le bè yó kem liyun. Ne kem ngà lemnek se fen semgifà kul.

Isaya 11:6 Referans Kwoze

Isaya 65:25

Yó kem ógóf lóbô lem bnes ne yó kem ngà ubiha, angat le tódô gotu segbót mken. Yó kem liyun, angat le baling mótób lómón safì. Ne yó kem ulal, laen dù bud knikoem bélê le ne. Bè yóm dou bulul Sayun yó, laen dù bud hemsidek tau bè yó ne laen kô dù bud sidek bè yó snéen.”

Husiya 2:18

Bè yóm kdaw yó angat wen senfasad me yó kem ógóf lóbô liwà lem bnes ne yó kem onuk koyu ne kdéen mowil manaf talak tonok anì là hensidek le kuy. Bè yóm kuy benwu yó, gotu kóhu bè yó, yó kem ngom sfatay, kdê yó kem sudeng ne kem hanak, abay se laen dù bud gida bè benwu ye, anì yó tódô ye henek laen dù hemen ye.

Isikél 34:25

Angat wen senfasad me yó kem dou tau, duhen yóm kenek kbenwu le. Ne yó kem ógóf lóbô lem bnes nô ta yóm tonok le, gotu lohu lu mayuk ani yó gbek le tódô tungô lem dlag yó kem dou tau, laen kô dù bud knikò le.

Sulat Pol Ebè Yó Kem Tau Hemtahu Bè Rom 14:17

Bè yóm kogot Dwata tau, là mlanen bè yóm gel ken ne ninum tekuy. Okóm mlan bè ktedeng nawa, ne kenek nawa, ne yóm kligal blayen tekuy yóm Tulus Dwata.

Job 5:23

Ne baluen ke alì bnotu yóm dnaduhem laen dù gónó le sidek yó kem huluhem. Dalang se yó kem ógóf lóbô lem bnes laen dù bélê le hemsidek kóm.

Isaya 2:4

Angat knukum Dwata yó kem gónó le seglius yó kem benwu lembang bè klamangen benwu. Lemwót bè yóm kkukumen kul angat tódô gotu hsól le lu dadu yó kem sudeng le. Ne yó kem buyus le angat gotu hsól le lu mò suk le hemgifat hulu. Yó gónó le mò du yóm yó abay se là kô le bud sgida ne yó kem tau bè klamangen benwu. Ne là bud tolok le du bè kem tau le yóm kmò kesgida.