Isaya 11:5 - Udél Dwata: Gna Kesfasad ne Lomi Kesfasad

⁵ Sal hlanen bè ktedengen ne bè ktahuhen yóm kogoten tau.

Isaya 11:5 Referans Kwoze

Ifisus 6:14

Duhen yó, eles tekuy gel htifes dé. Yó henged hilet mget bè ówók tekuy, duhen yóm klaen dù kéng tekuy. Yó henged onit eles tendo gel lesek tekuy, duhen yóm ktedeng nawa tekuy.

1 Jan 1:9

Okóm ke gotu benkas ye ebè Dwata yó kem salà ye, là gbeken du ke là hnifóten kuy, yakà wen yóm tehe fasaden tekuy. Gotu hnifóten yó kem salà tekuy, ne gotu kóhen bélê tekuy yóm kdê nmò tekuy là hyuhen.

2 Kurin 6:7

Ne sotuhen, duhen yóm gel ktolok me du yóm hol ktahuhen, ne yóm gel kehegfan Dwata bélê ye yóm kun kfasang. Yóm ktedeng nawa me, yó se henged tók eles tendo kulóng sigel kwanan me, ne lómón ke klung eles tendo nogot me sigel iwóng.

Isaya 59:17

Bè yóm kehewaen kul yó, yó henged oniten, duhen yóm kukum tedeng nwiten. Yó henged sloung tóken, duhen yóm kfasangen lemwà kul. Yó henged nesen, duhen yóm hol óyóen tmóbóng kul ne yóm óyóen meles kul.

Isaya 25:1

Ó Dwata, uu se yóm dou gónó mogot. Tey kadatu kóm ne tey kdóyónu kóm. Tey hentaw ton yó kem deng nmoem. Gotu dnohoem yó kem deng tehe natulem là sekna.

Deng Hegfan 3:14

“Budi smulat do ebè yóm fen gel malak yó kem tau hemtahu bè Ludisya, monem mò du, ni se udélen ebélê ye yóm hol dohò tulónen. Du se yóm hol gulit, yóm hol gsalig, yóm tehe hedlimun Dwata yóm kentihen.”

Deng Hegfan 1:13

Ne bud tonu se yóm mkél bè tau mdà lem blóng le. Ne gnut te hólól tihen yóm nesen, ne wen blówón sminang nô bè kfuhen.

1 Pitér 4:1

Deng tehe glayam Krays ekni bè yóm tehe knóen te tonok. Ke yó se kmoen béléen, bê ye tnga du ke wen gónó ye gel glayam se kuy ni kmoen ni. Abay se ke wen gónóhen glayam yóm tau, là kô wen bud nawahen mò du yóm sidek.

Husiya 2:20

Htenebe bélê ye, nmou yu mò hol dou nfun ne angat tódô henmung tngón ye ou yóm sana kuy Dwata hol gónó mogot.”

Hibru 2:17

Bè yóm któbóngen tau, là gbeken du ke là nan tódô hbaling tau anì mkél bélê tekuy kem dumuhen setwoli. Yó gónón na gbót bè yóm kmò tekuy anì du mò blóng tekuy ebè Dwata, ne anì là mili nawahen mò du bélê tekuy, ne anì hol knoduhen tekuy. Bè yóm keseblóngen yó, yó se gónó Dwata hmifót salà tekuy.

Kem Lingón 93:1

Dwata se yóm hol dandónen geta mogot klamangen. Yó henged nes leseken, duhen yóm kegetahen ne yóm tey kekgisen. Tey mbegel kehdaen du yóm benwu, là kóen na a sliwo.

Kem Lingón 109:19

Hol hulékem etahen he yó kem hmulaen yó, lómón kedketen bè lówóhen, lómón yóm nes gel leseken, ne lómón yóm hilet gel féten bè owóken.

Isaya 9:7

Angat sónmoen tendo temnù yóm kfasangen mogot tau ne angat senflósen menek yóm benwu nogoten. Du se mò tles Dabid bè yóm tehe kogoten benwu. Yóm kmò kogoten tau angat hlanen bè yóm tey kukum tedeng nwiten. Ni se angat kmoen lemwót bè kbuten kól bè hol sónen. Hol nô bè nawa Dwata mò du yóm kdéen ni yóm Dwata laen dù là gbeken du. Là gomongen bè nili yóm bérs 8 kól bè 21. Yó tulónen bè ni, yóm htulón Dwata ke Isaya bè yó kem tau Israél menwu fi bwak ne ebè yó kem tau Israél menwu lem syudad Samarya yóm yê yó kem syudad bè benwu le. Yó mon Isaya bè bérs 13, “Kogol yóm kdê tafak ni, ewenem sana là kehegsel yó kem tau ne là kô le mulék ebè yóm Dwata laen dù là gbeken du.” Mom yó udél yó kem dù tebel, mon le, “Deng tey kegbà nim benwu tekuy, okóm bud hol hbegel tekuy hemdà du mkay senta yóm gnahen.” Yó balà Dwata du yóm alì keheklabak le yó, duhen yóm bud kehwiten du elem blóng le yó kem benwu hohon le mò gemlà kul. Monen bè bérs 14-16, “Tek olo sendawen gemlà du Dwata yó kem gel malak bè Israél ne yó kem tugod Dwata gel mò kéng. Yakà yó kem malak bè Israél yóm mit kul meglà yó kem tau.”

Isaya 32:1

Bè hulin kdaw angat wen tau hol dandónen geta laen dù kéngen mogot klamang benwu. Ne yó kem smugung béléen, hono tau tedeng kwit le kukum.

Sikaraya 8:16

Okóm ni mò hol nmò ye, ke wen gel tulón ye bè kem dumu ye, són tulón ye yóm tahu. Bè gónô skukum, hol hentedeng ye kkukum ye anì menek nawa ye.

Kem Lingón 45:4

Mlan bè kegetahem, kmudai mit kegmò. Nfihem yóm ktahuhen ne yóm kukum tedeng. Sigel kwananem mò du yó kem hentaw ton.

Kem Lingón 89:9

Gotu knamalem yóm tey mohin lamang, ne gbekem henek du balù nô kbong lewóken.

Isaya 9:6

Yakà wen yóm ngà sut lem blóng tekuy, logi yóm ngà sut yó. Du se hol angat gónó tekuy kmulu. Ne yó angat taba tekuy du yóm alì hulung hmau, yóm Dwata laen dù là gbeken du, yóm Mà tekuy laen dù tul sónen, Ngà yóm Tau Hol Dandónen Geta mit kenek nawa.