Isaya 11:3 - Udél Dwata: Gna Kesfasad ne Lomi Kesfasad

³ Wen tey kligalen bè yóm kimónen du. Là kô kendel knukumen du yóm tau ke lemwót bè yóm olo tonen ta, duhen ke lemwót bè yóm olo tulón dumu tau.

Isaya 11:3 Referans Kwoze

Kun Snulat Jan 7:24

Bê ye tódô kendel hendeng kun kmò yóm sotu tau ke là deng hol hennagì ye du. Na ye hol hnénég dé yóm kmoen anì tedeng kmò kehedem ye du.”

Kun Snulat Luk 2:52

Ngangen ne lemnok Jisas, ne tendo temnù se yóm ketngónen. Ne tendo hyu nawa Dwata ebéléen, dalang se yó kem tau.

1 Samwél 16:7

Okóm yó mon Dwata mò ke Samwél, “Béem tenngel yó dum keklóónen logi ne yóm ktahaen, sundu du yóm néléku. Yóm dou kélék là mkélen bè kélék tau. Yóm tau, són olo tonen yóm gfan ta, okóm yóm dou tenngel yóm nô lem nawahen.”

Kem Udél Hlalak Tehe Selumun 2:5

Ke ni se yóm kmoem du, yó he kegetnefem du yóm klikò ke Dwata ne ktonem du yóm kesetngón ke Dwata.

Hibru 5:14

Okóm ke deng nimónen Dwata yóm tau, lómón ke deng gbeken mken yóm ken mgel. Abay se deng tendo gel dnalangen se kun milô du yóm hyu ne yóm sidek.

1 Bok Kem Tau Hol Geta 3:28

Timbow gungol yóm kdê tau Israél yóm kkukum Selumun yó, botong wen klikò le du yóm kdê le, abay se dilô le lemwót bè Dwata yóm khulungen hedem anì tedeng kwiten du yóm kkukumen.

Kem Udél Hlalak Tehe Selumun 2:9

Ominem yó he gemtnef du yóm tedeng ne yóm ktedeng kmoem ebè kem dumum ne yóm là keskihuhen ne tódô tngónem se yóm hyu.

1 Bok Kem Tau Hol Geta 3:9

Yó gónóm mon, hol benlayem ou khulung hedem anì hyu kwitu kul ni kem tauhem, ne anì hol dilóu yóm hyu bélê le ne yóm là hyuhen bélê le. Laen kô dù tau gembek mogot kul ni kem tey tau wen ni ke tek sotuhen?”

2 Samwél 14:17

Yó hendemu, ‘Udél yóm tau hol geta angat bemlay do kenek nawa.’ Abay se yóm uu, hol lómón ke hógów Dwata, dilóem yóm hyu ne dilóem se yóm sidek. Yó hem sana kóm Dwata hol gónó mogot tendo nô béléem.”

Kun Snulat Jan 2:25

Laen dù bud muhen tmulón du béléen yóm kmò le, abay se deng eles tngónen yóm nô lem hendem le.

Isaya 33:6

Tey kehbegelen yóm kbenwu le ne tendo gel nofinen yó kem tauhen. Benlayen lu khulung hedem ne ketngón. Yó hol mebtes du yóm blayen kul, duhen yóm klikò le du.

Mika 4:3

Ke wen gónó le seglius yó kem benwu lembang bè klamangen benwu, Dwata se angat kmukum kul. Lemwót bè yóm kkukumen kul, tódô mulék hsól le dadu yó kem sudeng le ne yó kem buyus le, ne kem bangkung le. Laen dù bud benwu sgida ne laen kô dù bud htolok sendalù.

2 Samwél 14:8

Omin yóm tau hol geta mon du bè yóm libun yó, “Muléki ebè gónóem, hemwite udél he anì laen dù hemen yóm ngaem.”