Isaya 11:1 - Udél Dwata: Gna Kesfasad ne Lomi Kesfasad

¹ Yóm kun kesfu tehe Dabid hol lómón yóm koyu deng nofok. Okóm yóm tuhoden bud wen lomi uléken. Hol lómón se yó ne ke Dabid, angat wen bud lomi tau hol geta semfu gu béléen.

Isaya 11:1 Referans Kwoze

Jirimaya 23:5

Yó bud udél Dwata, monen, “Angat kól yóm kdawen wen tau hol geta néléku lemwót bè ból Dabid, tey tau tedeng kmoen. Yó angat taba le du, Hanga Tedeng. Yóm tau hol geta angat néléku yó, tey hulung bè yóm kogoten tau ne hono tedeng yóm gel nmoen bè klamang yóm benwu knamalen.

Deng Hegfan 22:16

“Ou se Jisas. Deng wen hógówu ebéléem lemwót gu bè longit mò heglalag du bélê ye bè simbahan ni kem ni. Ou se semfu gu bè yóm tehe Dabid, ne ou se yóm blotik semla alì mnóng ke móyón mwas.”

Sikaraya 6:12

Tulónem du udél yóm Dwata laen dù là gbeken du, yó monen, ‘Ngem, yóm sotu tau bnoluy Hanga. Tey angat ktubeden, du mò bud hemdà du yóm dou Gónô.Tahu se, du se angat hemdà du yóm kun Gónô Dwata ne tey kadat le du lómón kadat le yóm tau hol geta ne nogoten yó kem tauhen lemwót bè yóm gónón myón kmamal. Ne lenwóten bè yóm gónón myón kmamal, bud du se mò blóng le ebè Dwata ne tey tilob kessogot yóm lewu nmoen yó.

Deng Hegfan 5:5

Okóm wen sotu bè yó kem tau tuha mudél ebéléu, monen mò do, “Béi mom mkikem dé. Ngem wen yóm bnoluy le Liyun, yóm semfu gu bè yóm tehe Juda. Bud du se yóm hol tótól tehe semfu gu bè Dabid. Deng matù bè yó kem hmohon du, yó gónón gembek mkó du yó kem hitu dket yóm sulat lenulun yóó, ne gbeken se mból du.”

Sikaraya 3:8

Ni mò hol hnungolem, Jéswa, yóm geta bè yó kem tau gel blóng ebéléu, dalang se kuy kem dumu tau gel blóng ebéléu, hol hnungol ye. Yu se hmigad du yó kem hyu móyón sut. Móyón nwitu elem blóng ye yóm dou tóbóng lówó, yóm bnoluy Hanga.

Jirimaya 33:15

Bè yóm kdaw yó, angat hyónu bè yóm gónón myón kmamal Dabid yóm kun sfu tau alì tedeng knawahen. Hono tedeng ne hono hyu yóm angat nmoen bè klamang yóm benwu nogoten.

Isaya 53:2

Bè yóm kenoken lem blóng me yóm tau tóbóng lówó Dwata yó, hol lómón yóm ngà hulu tmowok bè yóm gónón alì mékéng tonok. Laen dù kegeta ton me béléen, duhen ke wen ktiloben mò kenteng mata tau béléen. Laen dù bang alì hentaw me béléen mò gónón gmung nawa me.

Isaya 9:7

Angat sónmoen tendo temnù yóm kfasangen mogot tau ne angat senflósen menek yóm benwu nogoten. Du se mò tles Dabid bè yóm tehe kogoten benwu. Yóm kmò kogoten tau angat hlanen bè yóm tey kukum tedeng nwiten. Ni se angat kmoen lemwót bè kbuten kól bè hol sónen. Hol nô bè nawa Dwata mò du yóm kdéen ni yóm Dwata laen dù là gbeken du. Là gomongen bè nili yóm bérs 8 kól bè 21. Yó tulónen bè ni, yóm htulón Dwata ke Isaya bè yó kem tau Israél menwu fi bwak ne ebè yó kem tau Israél menwu lem syudad Samarya yóm yê yó kem syudad bè benwu le. Yó mon Isaya bè bérs 13, “Kogol yóm kdê tafak ni, ewenem sana là kehegsel yó kem tau ne là kô le mulék ebè yóm Dwata laen dù là gbeken du.” Mom yó udél yó kem dù tebel, mon le, “Deng tey kegbà nim benwu tekuy, okóm bud hol hbegel tekuy hemdà du mkay senta yóm gnahen.” Yó balà Dwata du yóm alì keheklabak le yó, duhen yóm bud kehwiten du elem blóng le yó kem benwu hohon le mò gemlà kul. Monen bè bérs 14-16, “Tek olo sendawen gemlà du Dwata yó kem gel malak bè Israél ne yó kem tugod Dwata gel mò kéng. Yakà yó kem malak bè Israél yóm mit kul meglà yó kem tau.”

Sulat Pol Ebè Yó Kem Tau Hemtahu Bè Rom 15:12

Ne bud wen se kun mon yóm sotu tehe tugod Dwata ekni boluyen Isaya, yó monen, “Angat wen semfu gu bè yóm tehe Jisi. Du se yóm angat sut mò mogot yó kem tau là Ju le. Béléen hol gónón mefet nawa le.”

1 Samwél 17:58

Ne yó snólók Sol béléen, “Tau du de maem, Tò?” Bnalà Dabid se, monen, “Yó mau, Jisi, sotu tóbóng lówóhem lemwót bè Bitlihim.”

Rut 4:17

Ne yó fen mò boluyen yóm ngà yó, yó kem libun dumu le sebét. Yó boluy le du Ubid. Ne yó gel tulón le bè yó kem dumu tau, mon le, “Deng wen ngà Numi logi.” Tikóng deng myehen Ubid ne mngà, duhen Jisi yóm mà Dabid.

Matyu 1:1

Ni se kmò kestugoden yóm gónó Jisas Krays gu semfu bè yóm tehe kehbalingen tau. Semfu gu bè yóm tehe Dabid. Ne ke Dabid, sfu yóm tehe Abraham.

Hibru 7:14

Bong bè yóm gónó tekuy mogot, tódô kdéen tau se temngón du yóm kesfuhen gu bè Juda. Bè yóm tehe gel kehlau Musis yó kem tau mò blóng le ebè Dwata ekni, laen kô dù monen bè yó kem kun sfu Juda.

2 Samwél 23:3

Mudél ebéléu yóm Dwata yó kem tau Israél, yóm Dwata gónó le tendo gel heklung, monen, ‘Yóm tau mogot benwu, ke tedeng kwiten kukum, ne ke wen klikoen ke Dwata,

Isaya 6:13

Baluen ke olon sotu dù tebel bè yóm sfolò kem tauhen, kaem senged snéen angat bud keglà le du yó kem hohon le. Hol lómón ke du yóm tuhod koyu tehe nofok le.” Bede yóm tuhoden yó sal wen uléken, hningónen yóm bud kehgulék Dwata kul yó kem kun tau.

Isaya 9:6

Yakà wen yóm ngà sut lem blóng tekuy, logi yóm ngà sut yó. Du se hol angat gónó tekuy kmulu. Ne yó angat taba tekuy du yóm alì hulung hmau, yóm Dwata laen dù là gbeken du, yóm Mà tekuy laen dù tul sónen, Ngà yóm Tau Hol Dandónen Geta mit kenek nawa.

Isikél 37:25

Angat le nô bè benwu Israél, yóm benwu tehe gónó le nô yó kem tehe fù le, yóm benwu tehe blayu ke Jakub, yóm sotu tau tóbóng lówóhu. Laen kô dù sónen yóm knô le bè yó, dalang se yó kem ngà le kkólen bè yó kem angat lugod le elem hulin kdaw. Ne Dabid yóm tau tóbóng lówóhu, angat laen kô dù sónen yóm kegetahen bélê le.

Mika 5:2

Okóm kóm Bitlihim Ifrata yóm sotu benwu lemnek snakuf Juda, béléem angat gónón lemwót yóm tau néléku mò mogot yó kem tau Israél. Yóm kun kbut yóm tau néléku ni, tehe kem yu ne ekni.

Kem Lingón 145:11

Angat gotu sentulón le yóm tey kehyuhen yóm kogotem tau, ne yóm tey kegbekem,

Isikél 17:22

Ne yó bud udél yóm sana Dwata hol dandónen geta, monen, Wen sotu ngà tubed angat nwahu bè tnulun yóm sotu koyu sidar alì tahà, ominu mulu du ta yóm bulul alì geta bè Israél.