Isaya 10:9 - Udél Dwata: Gna Kesfasad ne Lomi Kesfasad

⁹ Denge gemmò bè yó kem syudad Kalnu ne Karkimis ne Hamat ne Arpad. Denge gemmò bè yó kem syudad Samarya ne Damaskus snéen.

Isaya 10:9 Referans Kwoze

2 Tutul Israél 35:20

Timbow deng kehetlob Jusaya du yóm Gónô Dwata, lemwót Niku yóm tau hol geta bè Idyip, mung du yó kem sendaluen mit le sfatay bè Karkimis bè Él Yufratis. Kewót Jusaya bè yó nundugen lu.

Isaya 37:13

Nô se lu du yó kem tau hol geta tehe mogot yó kem syudad Hamat ne Arpad ne Sifarbim ne Hina ne Iba? Là kô bud tonem kul ne.”

Isaya 36:19

Nô se lu du yó kem dwata bè syudad Hamat ne Arpad yóm deng genbà me? Ne yó kem dwata bè syudad Sifarbim, nô se lu du? Deng wen dwata kô lemwà yó kem tau bè yóm syudad Samarya? Laen duen.

Isaya 7:8

Yó gónóhu mon du yóm yó, abay se laen dù bud kgis Risin. Senged se yóm syudad Damaskus gónóhen nô ne yóm benwu Sirya nogoten, laen dù bud kgis le. Senged se yóm benwu Israél, là gefeten bè nem folò limu halay gu kni deng le sana gotu meglà, là buden mdà ne yóm benwu yó.

2 Bok Kem Tau Hol Geta 17:24

Yó nmò yóm tau hol geta bè Asirya, nwiten yó kem tau bè Babilun ne kem tau bè Kuta ne kem tau bè Hamat ne bè Sifarbim, suen lu bè Samarya ta yóm tonok yó kem tau Israél. Tódô nfun le yóm benwu Samarya, ne nô le bè yó kem syudad bè yó.

2 Bok Kem Tau Hol Geta 18:34

Nô se lu du yó kem dwata lennged bè Hamat ne bè Arpad? Nô se kul du yó kem dwata lennged bè Sifarbim ne bè Hina ne bè Iba? Deng lenwà le lem hólólu kô yó kem tau bè syudad Samarya?

2 Tutul Israél 32:14

Laen kô dù bè yó kem dwata deng genlà yó kem tau hol geta bélê me ke gembek lemwà yó kem tau le lem hólól me. Yó kô hendem ye gbek Dwata ye lemwà kuy lem hólólu? Neet he.

Isaya 10:8

Yó udélen heklabak, monen, “Ket tau malak yó kem sendaluu, tey kfasang le lómón ke tau le geta.

Isaya 37:11

Deng hónô gungolem se yóm gel nmò yóm tau hol geta bè Asirya ke wen benwu nóyô genbaen. Yó kô kóm hendem angati gewà lem tdoken?

Hbakuk 1:10

Tey kehnê le yó kem tau hol geta ne yó kem genlalen. Mom knuli le yóm kdê syudad mbegel beng hilolen. Mom yó nmò le muntud le tonok mò lan le mulé du.

Isaya 33:8

Ne laen dù bud gemlan bè yó kem lan bong abay se eles bnentey yó kem hohon me. Yó kem deng tehe senkotuk le bè dumu benwu là kóen dohò. Laen dù bud kessadat nô bélê le.