Isaya 10:8 - Udél Dwata: Gna Kesfasad ne Lomi Kesfasad

⁸ Yó udélen heklabak, monen, “Ket tau malak yó kem sendaluu, tey kfasang le lómón ke tau le geta.

Isaya 10:8 Referans Kwoze

2 Bok Kem Tau Hol Geta 18:24

Yó kem sendalù ye là wen yó, là kô le na a gemmò bè yó kem sendalù hol glaan bélê me. Baluen ke wen klitun tók ne kem tau smakay kudà hwiten ebélê ye yóm tau hol geta bè Idyip, senged nóm là kô ye na a gemmò.

2 Bok Kem Tau Hol Geta 19:10

“Tulón ye ke Hisikaya bè Juda, mon ye, Béem hegtondo knóem bè yóm Dwata tendo snaligem, yóm deng fmasad du kóm yóm là angat knóen lem hólól yóm tau hol geta bè Asirya yóm syudad Jirusalim.

Danyél 2:37

Ne uu se yóm tau hol geta hol geta senta yó kem dumu tau hol geta. Yóm Dwata nô bè longit, du se hlamang yóm benwu nogotem ne bemlay kóm kfasang ne yóm kgisem mogot benwu. Ne bud du se htótól boluyem.

Isaya 36:8

Ni wen hmóyóu kuy hlanu bè boluy yóm tau hol geta bélê me. Angat benlayu yu lewu libu kudà ke wen lewu libu tau ye hulung smakay kul. Neet he.

Isaya 10:7

Okóm yóm tau hol geta bè Asirya yó, deng eles wen tey sidek atulen se kun. Yó atulen, gotu tô genlaen yó kem dumu benwu.

Isaya 10:9

Denge gemmò bè yó kem syudad Kalnu ne Karkimis ne Hamat ne Arpad. Denge gemmò bè yó kem syudad Samarya ne Damaskus snéen.

Jirimaya 9:23

Yó bud udél Dwata, monen, “Yóm tau hulung hedem, hol béen abay salù yóm khulungen hedem yó. Dalang se yóm tau alì kemgis, hol béen abay salù yóm kekgisen. Yóm tau wen kendengenen, hol béen abay salù yóm kwen kendengenen.