Isaya 10:6 - Udél Dwata: Gna Kesfasad ne Lomi Kesfasad

⁶ Hógówu Asirya mò na a mundug yó kem benwu laen dù bud klikò le do, yó kem tau alì hebut do. Hógówu lu mò na a megef ne mò na a mnagaw ne mò mdà kul elaan yó kem tau yó. Yó kmò le kul, hol lómón ke hitok bè lan.”

Isaya 10:6 Referans Kwoze

Sikaraya 10:5

Yó angat gónó le mkél yó kem tau bè Juda, lómón yó kem sendalù alì kemgis bè gida, gotu sninà ndà le yó kem hohon le, lómón mdà hitok. Lemwót bè yóm knô Dwata bélê le bè yóm kesfatay le, sal le gel gemmò bè yó kem hohon le, balù bè yó kem hohon le smakay kudà.

Jirimaya 25:9

gotu sentifunu lu yóm kdéen sendalù lemwót bè yóm benwu fi bwak nogot Nibukadnisar bè Babilun, yóm deng néléku mò tóbóng lówóhu. Nwitu lu edini mò gmida bè ni bè Juda ne bè yó kem tauhen dalang se bè yó kem dumu benwu hmilol du. Gotu genlau yu gomong yó kem benwu hmilol kuy. Yó kem benwu yó, baling benwu knikò ne laen kô tul sónen yóm kegbaen.

Isaya 19:17

Yó kem tau bè Idyip yó, tey klikò le yó kem tau Juda bè ket kegtulónen bè nawa le yóm angat nmò Dwata bélê le yóm Dwata laen dù là gbeken du.

Matyu 15:7

Tey tau hemtedeng knô nim yu. Deng yu se gónón e gbak yóm tehe udél Isaya, yóm monen,

Mika 7:10

Ominen yó kem hohonu, angat ton le snéen kul yóm tey kfi Dwata do. Ne tey sidek kyak le bè yóm tehe gel udél le ebéléu, yóm gel kmon le du, “Nô se yóm Dwata gónóm mogot?” Tódô hol dou mata se angat mton du yóm kdà le kul elaan hol lómón hitok bè lan. Là gomongen bè nili yóm bérs 11 kól bè bérs 17. Yó tulónen bè ni kem bérs ni, kogol yóm ktafak Dwata kul yó kem kun tau, angat bud hen-guléken klowil le dalang se yóm benwu le bud hetloben. Lemwót bè yóm bud kulék le ebè Dwata yó kem kun tau, ya tey bud któtól le bè klamangen benwu. Okóm yó kem hohon le, tey ktafak Dwata kul. Okóm lemwót bè yóm kton le du yóm deng nmò Dwata bè yó kem tauhen, ya tey klikò le se kul, botong le kenkel bè yóm kadat le ke Dwata.

Isaya 63:6

Lemwót bè kebutu, gotu ndau lu elaan yó kem hohonu bè klamangen benwu, gotu genlau lu. Gotu gamà bè tonok litô le.”

Isaya 63:3

Yó balà Dwata du yóm sólók yó, monen, “Deng gotu ndau elaan yó kem hmohon do bè klamang benwu. Lómó kmou kul lómón smóyów mdà bungu grép. Ne laen kô dù tau na a tmóbóng dou mò du. Gotu ndau lu elaan lemwót bè kebutu kul. Yóm litô le tódô gotu demket bè nesu.

Isaya 33:14

Yó kem tau gel mò sidek bè Sayun, tey sidek kesetbol kkel le lemwót bè yóm tey alì klikò le. Yó udél le, “Yóm kkukum Dwata tekuy hol lómón ke dilóf ofi laen dù tul katayen. Laen kô dù bélê tekuy bud mowil du yóm ofi lómónen yó.”

2 Samwél 22:43

Gotu lenunahu lu efet le meblibù lómón kfung, gotu ndau lu elaan efet le lemuna lómón hitok bè yó kem lan.

Isaya 5:5

Ni se angat nmou bè yó kem huluhu yó. Angat kóhu labaten ne gotu lenbau yóm beng mbegel hilolen anì wen lan le elemen yó kem ógóf lem bnes ne anì ken le ne snóyów ndà le.

Isaya 7:17

Senged se béléem, Ahas, angat wen tey gfaem se kóm, dalang se yó kem tau nogotem ne yó kem fes lówóhem. Yóm gfà monu ni, bong sidek senta yóm tehe gfà yó kem fù ye bè yóm kdaw tehe keskó le benwu Israél yóm benwu Juda nogotem. Yó angat nmò Dwata, hógówen yóm tau hol geta bè Asirya mò gmida kuy.

Isaya 8:8

Tódô lenumfaken yóm benwu Juda yó yóm tey dunuk mulé te kembu. Tódô gotu limes klamangen. Dwata he tendo nô bélê tekuy. Lómón ke deng nbólen hafaken mò kemlung yóm benwu tekuy. Ou se Dwata yóm hol gónó mogot mon du nim ni.”

Isaya 32:6

Yóm tau là tedengen yó, hono nungel kestulónen ne tey dê nmò sidek natulen. Kdê yó kem gel nmoen ne kdê yó kem gel udélen gónón gfan yóm là kadaten ke Dwata. Là kô henkenen kul yó kem tau bitil ne là kô hinumen kul yó kem tau meeng.

Isaya 33:1

Deng le gotu golu elem hatay ne yó kem hohon tekuy. Deng tey wen hennagaw le ne tey wen gel snukat le, balù yóm klaen dù tau deng mnagaw bélê le ne laen dù tau smukat kul. Okóm yóm knagaw le yó ne yóm gel ksukat le wen sónen. Ne bud wen se hennagaw le bélê le ne smukat kul.

Isaya 49:17

Móyónen sut ne yó kem tau mò bud hemdà kóm. Bong yó kem tau tehe gembà kóm, gotu le bud mdó.

Isaya 49:25

Yó bud udél Dwata, monen, “Okóm yó se angat dou nmò. Angat lenwau lem hólól yó kem sendalù yó kem knukub le. Gotu nwahu yó kem kimu deng negef yóm tau hol geta alì lóbô. Gotu senfatayu yó kem tau semfatay kuy ne lenwau yó kem ngà ye.

Hbakuk 1:12

Ó Dwata, yóm hol dou gónó mogot yóm laen dù belenen, uu se yóm sana Dwata laen dù buten ne laen dù sónen, là kói na a matay se kóm. Yó kem tau Babilun yó, yó kô oluhem kul lu gemlà kum? Là. Là kô gbekem du yó, abay se uu yóm Dwata gel mofin kum. Okóm yó nmoem deng nélékem lu mò tmafak kum ne mò hemtedeng kum.

2 Bok Kem Tau Hol Geta 18:25

Ne sotuhen, là kô lenbuu du gembà benwu ye ke là dók Dwata do. Yó mon Dwata mò do, ‘Nundugem, ne gotu genbaem.’ ”

Isaya 8:4

Gu laanen là deng hulung tmaba ‘yê’ ne ‘mà’ yóm ngà ye, lemwót yóm tau hol geta bè Asirya gotu negefen yó kem kendengen yó kem tau bè Damaskus ne yó kem kendengen yó kem tau bè Samarya.”