Isaya 10:5 - Udél Dwata: Gna Kesfasad ne Lomi Kesfasad

⁵ Yó udél Dwata, monen, “Yó kmou yó kem tau Asirya, hol lómón ke bogul kulóngu mò bogulu yó kem dou tau Israél lenbutu.

Isaya 10:5 Referans Kwoze

Sifanaya 2:13

Angat tnafak Dwata snéen Asirya yóm benwu fi bwak, deng eles tayalen eta le sigelen. Ne dalang se Ninibi yóm hol yê yó kem syudaden, angat henbaling Dwata benwu laen dù tauhen, heskélen bè yóm benwu là hyu menwu du.

Isaya 14:25

Yó angat nmou, genlau yó kem tau Asirya bè dou benwu Israél. Angat gotu ndau lu elaan bè yó kem dou bulul. Angat kóhu bè yó kem dou tau yóm blat alì htihang le kul yó kem tau Asirya. Angat henwósu bélê le yó kem blat tendo gel hbô le kul.

Isaya 10:15

Okóm yó bud udél Dwata, monen, “Gbek yóm beyung kô hegeta bè yóm tau mogot du? Ne yóm legadì, bong muhen kô kun senta yóm tau lemgadì? Ne yóm bogul, gbeken kô kmayang yóm tau mogot du? Là kô yó du. Kaem tau dé kmayang yóm bogul.”

Isaya 8:4

Gu laanen là deng hulung tmaba ‘yê’ ne ‘mà’ yóm ngà ye, lemwót yóm tau hol geta bè Asirya gotu negefen yó kem kendengen yó kem tau bè Damaskus ne yó kem kendengen yó kem tau bè Samarya.”

Kem Lingón 125:3

Yó kem tau gel mò sidek, là kô senflós le du kmamal du yóm kul benwu yó kem tau tedeng. Ke yó nmò le, déke gbót le mò sidek se kul yó kem tau tedeng nmò le.

Kem Lingón 17:14

Hol lenwaem ou, Dwata, mlan bè yóm alì kegbek sigelem. Lenwaem ou bè yó kem tau són hendeen le ke wen gel guta le yóm igò le mowil. Hol tnafakem lu, Dwata. Ne yóm ktafakem kul yó, yake hol gefet bè yó kem ngà le efet bud kól bè yó kem lugod le.

2 Bok Kem Tau Hol Geta 19:25

Ilóem là deng gungolem du kô?’ mon Dwata, ‘kaem ou se Dwata yóm tehe matul du yóm deng nmoem yó. Tehe yu ne ekni eles katulu du yóm kdéen ni, ne ni se deng kehdohou du, duhen yóm gotu kehegbau du kóm yó kem syudad mbegel beng hilolen.

Isaya 7:17

Senged se béléem, Ahas, angat wen tey gfaem se kóm, dalang se yó kem tau nogotem ne yó kem fes lówóhem. Yóm gfà monu ni, bong sidek senta yóm tehe gfà yó kem fù ye bè yóm kdaw tehe keskó le benwu Israél yóm benwu Juda nogotem. Yó angat nmò Dwata, hógówen yóm tau hol geta bè Asirya mò gmida kuy.

Isaya 7:20

Bè yóm kdaw yó, wen tau bnayad Dwata tau lemwót fi gu fatu yóm él Yufratis, duhen yóm tau hol geta bè Asirya. Yó nmoen, hol lómón yóm tau gmunting wek gotu nkihen bnget ye ne wek ye ne bul bè lówó ye anì gotu ye myak.

Isaya 8:7

yó angat nmou bélê le hlusu elem blóng le yóm tau hol geta bè Asirya ne yóm kdê sendaluen na le e nundug yóm benwu Juda yó. Yóm angat kundug le, hol lómón ke mamà yóm él bong boluyen Yufratis.

Isaya 14:24

Ni se yóm fasad alì mget deng nmò Dwata yóm Dwata laen dù là gbeken du, monen, “Yóm deng eles natulu angat dohò. Yóm deng eles hendemu angat nmou.

Isaya 26:20

Ó kem dou tau, husek ye elem gónô ye na ye tnikeb beng ye. Hebnos ye likót efet lembó yóm kebut Dwata.

Hbakuk 1:12

Ó Dwata, yóm hol dou gónó mogot yóm laen dù belenen, uu se yóm sana Dwata laen dù buten ne laen dù sónen, là kói na a matay se kóm. Yó kem tau Babilun yó, yó kô oluhem kul lu gemlà kum? Là. Là kô gbekem du yó, abay se uu yóm Dwata gel mofin kum. Okóm yó nmoem deng nélékem lu mò tmafak kum ne mò hemtedeng kum.

Lista 24:24

Lemwót le mówóng gu bè Siprus yó kem tau gemlà. Angat nled le Asirya ne Ibir okóm angat le bud meglà se kul.”

2 Bok Kem Tau Hol Geta 18:25

Ne sotuhen, là kô lenbuu du gembà benwu ye ke là dók Dwata do. Yó mon Dwata mò do, ‘Nundugem, ne gotu genbaem.’ ”

Isaya 30:9

Tódô senflós le kmogol ke Dwata, tódô senflós le mò kéng, tódô senflós le kembê du yóm kun tolok.

Nahum 1:1

Ni se yóm udél Dwata gbak bè yóm benwu Ninibi, htonen ke Nahum yóm tau menwu bè Élkus.