Isaya 10:23 - Udél Dwata: Gna Kesfasad ne Lomi Kesfasad

²³ Tahu se, angat genlà Dwata yóm klamangen benwu le, yóm Dwata laen dù là gbeken du yóm hol dandónen geta gónó le mogot. Yó se yóm tehe monen mò kul. Là gomongen bè nili yóm bérs 24 kól bè bérs 34. Yó tulónen yóm kehtugod Dwata ke Isaya ebè yó kem tau dù tebel bud mulék ebè Dwata. Monen mò kul bê le abay likò bè yó kem tau Asirya ke hen-gnok le yu. Là legenen se yó abay se tódô Dwata yóm mógów mò gemlà kul. Mon Isaya bè bérs 33-34, Okóm tenngel ye, nofok yóm Dwata laen dù là gbeken du yóm koyu mtétél. Gotu genlaen yó kem tey sendalù wen bè Asirya, yó kem genlal bélê le ne yó kem gónó le kmulu. Yó kmò yóm Dwata laen dù là gbeken du, yó kem hohonen gotu nofoken lu lómón yóm beyung mofok yó kem koyu dlag bè Libanun.

Isaya 10:23 Referans Kwoze

Sulat Pol Ebè Yó Kem Tau Hemtahu Bè Rom 9:28

Abay se angat wen kdaw Dwata kendel smolò du yóm kegsalà tau bè klamangen benwu, ne gotu tnafaken lu.”

Danyél 4:35

Kdê yó kem tau talak tonok, le hilu he yóm kul kegbek ke hesengedem bè yóm kun. Wen kegbeken mò du yóm kun kóyô lem blóng yó kem hógówen gu bè longit, dalang se bè kdê yó kem tau nô dini talak tonok. Laen dù gembek hemseng du ne laen kô dù mlos smólók du yóm kun nmò ke mon le, ‘Na, tedum nmoem ni du?’

Danyél 9:27

Yóm tau mogot benwu angat sut yó, angat wen tey senfasad le yó kem tau lem yóm benwu yó lem yóm hitu halay, hol kesfasad mget. Okóm hanà tolo sóól yóm hitu halay, nmoen sónen yóm gel kedsù le ebè Dwata yó kem tau ne yó kem dumu gel blay le du. Yóm alì sidek bè kdê yóm gel nmò yóm tau angat sut yó, mom hdaen bè yóm Gónô Dwata yóm alì sidek bè yó efet yóm kkok Dwata etahen yóm tafak mò hol gemlà du, yóm deng eles olu Dwata etahen.”

Kem Lingón 46:9

Tenfloken yó kem tau sgida bè klamangen benwu. Gotu tenfoken yó kem boho le, ne hensideken yó kem buyus le. Gotu nlóben yó kem klung le.