Isaya 10:22 - Udél Dwata: Gna Kesfasad ne Lomi Kesfasad

²² Balù yóm tey kwen yó kem tau Israél nim kmoen ni, lómón kwen le helek bè kilil mohin, okóm là kóen hol wen bélê le bud gesfulék. Angat le gotu meglà yó kem dumu tau Israél ne yó se yóm hol knóón bélê le.

Isaya 10:22 Referans Kwoze

Isaya 6:13

Baluen ke olon sotu dù tebel bè yóm sfolò kem tauhen, kaem senged snéen angat bud keglà le du yó kem hohon le. Hol lómón ke du yóm tuhod koyu tehe nofok le.” Bede yóm tuhoden yó sal wen uléken, hningónen yóm bud kehgulék Dwata kul yó kem kun tau.

Deng Hegfan 20:8

Tódô bud lemwót Seitan nan e bud smukat kem tau bè klamangen benwu, duhen yóm gel bnoluy le Gog ne Magog. Gotu sentifunen lu anì na le e gnida Dwata. Ya tey kwen le, lómón kwen le helek bè kilil mohin.

Danyél 9:27

Yóm tau mogot benwu angat sut yó, angat wen tey senfasad le yó kem tau lem yóm benwu yó lem yóm hitu halay, hol kesfasad mget. Okóm hanà tolo sóól yóm hitu halay, nmoen sónen yóm gel kedsù le ebè Dwata yó kem tau ne yó kem dumu gel blay le du. Yóm alì sidek bè kdê yóm gel nmò yóm tau angat sut yó, mom hdaen bè yóm Gónô Dwata yóm alì sidek bè yó efet yóm kkok Dwata etahen yóm tafak mò hol gemlà du, yóm deng eles olu Dwata etahen.”

Sulat Pol Ebè Yó Kem Tau Hemtahu Bè Rom 2:5

Okóm balù udì ke dogi hegsel, deng mom hgelem kuluhem. Yóm nmoem yó, deng mom eles hlinokem yóm gónó Dwata angat tmafak kóm bè yóm kdaw kehegfanen yóm kukum tedeng nogoten, ne yóm tey kebuten yó kem sidek gel nmò tau.

Kul Nmò 17:31

Yakà dengen mdengen kbuteng Dwata du yóm angat kkukumen yóm kdéen tau, hlanen bè yóm tau deng néléken, ne tey tedeng yóm angat kkukumen kul. Wen gónó Dwata hdilô du bè kdéen tau yóm tau deng néléken yó, duhen yóm deng kehlowilen du.”

Isaya 8:8

Tódô lenumfaken yóm benwu Juda yó yóm tey dunuk mulé te kembu. Tódô gotu limes klamangen. Dwata he tendo nô bélê tekuy. Lómón ke deng nbólen hafaken mò kemlung yóm benwu tekuy. Ou se Dwata yóm hol gónó mogot mon du nim ni.”

Isaya 6:11

Ominu smólók ke Dwata, monu mò du, “Étey, Dwata. Kmò kegenen de yóm kgel kulu le yó?” Yó balaen do, monen, “Yó kmò kegenen efet deng gotu gbà yó kem syudad le ne laen dù bud tau le ne laen dù bud gmónô tonem ne laen dù bud hulu tonem ta yó kem tonok le.

1 Bok Kem Tau Hol Geta 4:20

Yóm kwen yó kem tau bè Juda ne kem tau bè Israél, hol lómón kwen le yó kem helek bè kilil mohin. Tey gsengel nawa le du yóm klowil le, abay se laen dù gónó le élél bè ken.

Tekang Kbuten 18:25

Bè ktahuhen là kô na a yó du nmoem ke tô homong hnatayem lu yó kem tau tedeng bè yó kem tau sidek nmò le. Ke yó nmoem, deng le mom gomong megtafak yó kem tau tedeng bè yó kem tau sidek nmò le. Hol mou kun ne yóm fen kmukum yóm kdéen tau bè klamangen benwu ke tô là tedeng kkukumen.”

Husiya 1:10

Okóm angat kól yóm kdawen bè yó kem tau Israél yó, angat tey kwen le lómón helek bè kilil mohin, là gbekem msó kul. Ominen bè yóm benwu tehe gónó Dwata mon du mò kul, ‘Là do tau du,’ bud bè yó se angat gónó Dwata mon du mò kul, ‘Yu se hol kun ngà yóm Dwata laen tul katayen.’

Isaya 46:3

Hol hnungol ye ou dé yu kem sfu tehe Jakub, yu kem dù tebel bè yó kem dou tau. Tey kesegyoku kuy tódô lemwót bè ksut ye.

Isaya 48:19

Ke deng tehe hnungol ye, deng le tey mobung ne yó kem sfu ye lómón kwen le helek. Ne lemwót bè yóm kofinu kul laen dù tau gembek gemlà kul.”

Isaya 60:22

Balù yóm fes lówó là wenen ne alì gdanà bè kdéen, angat wen kfasang le lómón yóm benwu alì mfasang. Ke sok sut yóm bang kdawu mò du, tódô kendel nmou nim ni. Ou se yóm Dwata hol gónó mogot.”

2 Bok Kem Tau Hol Geta 19:31

Yakà yó kem dù tau nô bè Jirusalim ne bè Bulul Sayun, angat tey kból le bè klamangen. Yóm kkinì nawa Dwata hol hemdohò mò du nim ni, yóm Dwata alì gembek.

Isaya 37:31

Yó kem dù tau mowil bè Juda, bud hyu klowil le, mkél le bè yó kem hulu alì tilob ktowok le, ne baling ngelem kdolil le ne tilob kbungu le.

Isaya 59:20

Yó udél Dwata ebè yó kem tauhen, monen, “Yu yóm kdê deng kmogol yó kem salà ye, angate mógów elem blóng ye bè yó bè Jirusalim naw e nofin yu ne hewau yu.

Jirimaya 3:14

“Ó kem tau là mimón, semfulék ye ebéléu ne. Ou se mfun kuy. Angat bud nwitu yu semfulék ebè yóm kuy benwu Israél lemwót gu bè yóm kdê benwu deng gónóhu e semkla kuy, sotu bélê ye angat lemwót bè yóó ne lewu se angat lemwót bè yóm benwu tuu.