Isaya 10:21 - Udél Dwata: Gna Kesfasad ne Lomi Kesfasad

²¹ Angat wen he bè yó kem tau Israél bud semfulék ebè yóm kul Dwata laen dù là gbeken du yó.

Isaya 10:21 Referans Kwoze

Isaya 9:6

Yakà wen yóm ngà sut lem blóng tekuy, logi yóm ngà sut yó. Du se hol angat gónó tekuy kmulu. Ne yó angat taba tekuy du yóm alì hulung hmau, yóm Dwata laen dù là gbeken du, yóm Mà tekuy laen dù tul sónen, Ngà yóm Tau Hol Dandónen Geta mit kenek nawa.

Kul Nmò 26:20

Bè syudad Damaskus yóm hol tanay benwu gónóhu tmolok, ominu bud tmolok bè Jirusalim, efet lenngebu klamangen benwu yó kem tau Israél, ngangen ne efete tmolok lem blóng yó kem tau là Ju le. Yó gel monu bè yóm ktoloku, ‘Hegsel ye ne, ne nimón ye Dwata. Hdilô ye bè kmò ye yóm deng kehegsel ye.’

Husiya 14:1

Ó kem tau Israél, géhél ye bud semfulék ebè yóm sana kuy Dwata hol gónó mogot, yakà deng ye gotu meglà lemwót bè yó kem salà ye.

Husiya 6:1

Yó udél yó kem tau Israél, mon le, “Géhél ye ne, bud tekuy semfulék ebè yóm sana kut Dwata hol gónó mogot. Tehe hendesen tekuy, okóm angat bud bnulungen tekuy. Tehe hnalien tekuy, okóm angat bud bnausen yó kem halì tekuy.

Isaya 55:7

Yó kem tau gel mò sidek, yake hol tnagak le ne yó kem sidek gel nmò le, yake hol tenles le ne kmò kehedem le. Yake hol le semfulék ebè Dwata yóm Dwata hol gónó mogot. Tey knoduhen kem tau ne mahil béléen hmifót salà.

Isaya 19:22

Tahu se, angat tnafak Dwata yó kem tau Idyip, okóm kogolen bè yó bud tnóbóngen lu. Ne beklil le ebè Dwata ne hnungol Dwata se yó kem hni le ne tnóbóngen lu.

Isaya 7:3

Yó udél Dwata ebè Isaya yóm sotu tugoden, monen, “Nitem Sér Jasub yóm ngaem na ye e senlong Ahas. Angat ton ye bè yóm lan gónó le gel mò nes, bè hol són yóm kanal él lemwót bè yóm él senbusung le tofi ta.

Isaya 46:3

Hol hnungol ye ou dé yu kem sfu tehe Jakub, yu kem dù tebel bè yó kem dou tau. Tey kesegyoku kuy tódô lemwót bè ksut ye.

Isra 1:4

Bè yóm bud kulék le ebè Jirusalim ni kem tau ni, yó mò fen tmóbóng kul, duhen yó kem dumu le negef tolo tebel. Hol benlay le lu, kem blówón bukay ne tahu blówón, ne yó kem wen mu le du bè lan ne yó kem ógóf mò fen lemulón, hol néen yóm mò blay le bè yóm kun Gónô Dwata bè Jirusalim.” Yó se yóm udél snulat Sirus.

Isaya 37:31

Yó kem dù tau mowil bè Juda, bud hyu klowil le, mkél le bè yó kem hulu alì tilob ktowok le, ne baling ngelem kdolil le ne tilob kbungu le.

Isaya 59:20

Yó udél Dwata ebè yó kem tauhen, monen, “Yu yóm kdê deng kmogol yó kem salà ye, angate mógów elem blóng ye bè yó bè Jirusalim naw e nofin yu ne hewau yu.