Isaya 10:2 - Udél Dwata: Gna Kesfasad ne Lomi Kesfasad

² Yóm nmò ye yó mò lan ye hemseng yó kem tau élél anì laen dù kwalis le lemwót bè klaen dù kukum tedeng lem blóng le. Yó se mò lan ye gemwa yó kem kimu yó kem libun bolu ne yó kem ngà hikit.

Isaya 10:2 Referans Kwoze

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Isaya 1:23

Yó kem tau malak kóm hono tau kmogol ke Dwata, swè le bè yó kem tau mnagaw. Sal gel henmóyô le yóm filak gel blay le kul mò wa nawa le dalang se yó kem dumu gel blay le kul. Ke wen senkukum le, là kô nfi le kul yó kem ngà hikit ne là kô hnungol le du ke wen klamo yó kem libun bolu.

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.

Amus 2:7

Gotu ndà le lem kfung yó kem tau laen dù bang tmóbóng kul. Là kô nmò le du yóm kukum tedeng bè yó kem tau gel hen-gnok le. Botong le tódô lewu maen ne yóm ngaen logi gel semtungô yóm sotu libun, yóm alì sidek béléu, alì henyak le yóm dou boluy.

Jirimaya 7:6

Tenflok ye ne smukat yó kem tólóng tau nô lem blóng ye dalang se yó kem ngà hikit ne yó kem libun bolu. Tenflok ye ne hmatay kul yó kem tau laen dù salà le. Tenflok ye ne tmaba ebè yó kem dumu dwata, abay se yó yóm hemsidek knô ye.

Isaya 5:7

Yó kem tau Israél lómón ke tonok gónó Dwata mò hulu, yóm Dwata laen dù là gbeken du. Ne yó kem tau semfu gu bè tehe Juda lómón ke lu yóm grép huluhen. Yó hendónen bélê le ke hyu nmò le okóm là. Mom yó nmò le deng le mom monok. Hendónen bélê le ke tedeng yóm kwit le kukum okóm là. Deng mom yó gungolen taba yó kem tau là tedeng kwit le kul. Là gomongen bè nili yóm bérs 8 kól bè 30. Lem ni kem bérs ni yó tulón Isaya yóm khilu dulék Dwata mon du, “Là megewu nawan gemlà kul.” Deng gotu listahen salà yó kem tau. Bérs 8-10 Yóm udélen ebè yó kem tau tendo hlamang tonok anì laen dù gónó le nô kem dumu. Bérs 11-17 Udélen ebè yó kem tau alì móyô mken ne minum okóm balù udì ke hendem le yó kem nmò Dwata. Bérs 18-19 Udélen ebè yó kem gel mò kéng ne hemlò ke Dwata yóm gel mon du, “Géhél htonem kum kun ke wen gbekem. Móyô me mton du ke wen atulem.” Bérs 20 Udélen ebè yó kem tau mon du, “sidek yóm hyu ne hyu yóm sidek.” Bérs 21 Udélen ebè yó kem tau hemdem du, tey le temngón. Bérs 22-23 Udélen ebè yó kem tau gel ma mò wa nawa, fen hewà le yó kem tau wen salaen ne fen tnafak le yó kem tau laen dù salà le. Lemwót bè yóm kdê salà le ni, gotu htaba Dwata yó kem dumu benwu mò na a gembà yóm benwuhen ne yó kem tauhen.

Kem Lingón 94:6

Botong hnatay le yó kem libun bolu ne yó kem tau milo, ne bnonok le kem ngà hikit.

Isaya 32:6

Yóm tau là tedengen yó, hono nungel kestulónen ne tey dê nmò sidek natulen. Kdê yó kem gel nmoen ne kdê yó kem gel udélen gónón gfan yóm là kadaten ke Dwata. Là kô henkenen kul yó kem tau bitil ne là kô hinumen kul yó kem tau meeng.

Isaya 59:15

Laen kô bud tonem ke wen tau lemolò du yóm ktahuhen. Ke tói hlayuk bè yó kem sidek, mom henayam le uu yó kem tau gel mò sidek.” Deng gotu ton Dwata yó kem sidek deng nmò le yó ne tey sidek kegnómen du abay se là tedengen yóm kukum nwit le.

Job 31:16

Là deng wen gónóhu tmóbóng kul he kô yó kem tau élél? Ne yó kem libun bolu gel htóbóng béléu, là deng gel tnóbóngu kul he kô?

Kem Udél Hlalak Tehe Selumun 22:22

Béem nongò yóm tau élél baluen ke gbekem mò du duhen ke nitem skukum igoen élél.

Kem Udél Hlalak Tehe Selumun 30:14

Wen se kem tau alì sidek kongò le yó kem tau élél mò lan le temnù yóm kul gónó wen.

Isaya 1:17

ne hol dnalang ye mò du yóm hyu. Hotu ye gel ye mit du yóm kukum tedeng. Tnóbóng ye yó kem tau gel ndà le elaan. Ne nfi ye yó kem ngà hikit anì guta le yóm kul ólól. Senged se yó kem libun bolu, hol nfi ye lu.”

Amus 2:6

Yó bud udél Dwata, monen, “Deng tendo sensulit le mò sidek yó kem tau bè Israél, là kô gbeku du ke là tnafaku kul. Deng mom hbalù le mò hesek yó kem tau tedeng kmò le, luluk le lu bè filak ne yó kem tau élél deng luluk le lu bè snilas.

Amus 5:19

Yóm kdaw yó hol lómón ke yóm tau hemlóy liyun, mom bud geslongen yóm ógóf lóbô boluyen bér. Duhen ke mulék ebè gónóen ne mnok bè beng, mom bud nékét ulal.

Mika 3:1

Ó kem tau malak bè Israél, ni mò hol hnungol ye. Igò sem yu du temngón du yóm kukum tedeng bè yóm là tedengen.