Isaya 10:16 - Udél Dwata: Gna Kesfasad ne Lomi Kesfasad

¹⁶ Yó angat nmò yóm Dwata laen dù là gbeken du, angat wen des hwiten ebè yó kem tau mabù tilob kken le mò tmafak kul. Hol lómón ke wen ofi senflós mken lem lówó le.

Isaya 10:16 Referans Kwoze

2 Tutul Israél 32:21

Ominen wen hógów Dwata gu bè longit ebè yóm kul kamfù yó kem sendalù Asirya. Gotu hnatayen yó kem sendalù Asirya alì kemgis, ne yó kem kmandér le ne kem genlal bè yó kem sendalù le. Yó gónóm mon, tódô mulék ebè benwuhen Sinakirib ne tey kyaken. Bè yóm kkólen bè gónô yóm kun dwata, wen bè yó kem ngaen monok du sudeng bè yó.

Kul Nmò 12:23

Tódô sen-gengen se wen hógów Dwata gu bè longit, tódô wen des hegnómen ke Hirod, lanen là madat ke Dwata. Tódô gotu ken kuled tnahihen, ne matay.

Kem Lingón 106:15

Tahu se, blayen kul yóm hni le, bede wen des mit hatay hmungen du.

Isaya 37:36

Bè yóm kifu yó, wen sotu hógów Dwata gu bè longit ebè yóm kul kamfù yó kem sendalù Asirya. Botong lematu bud wolu folò limu libu sendalù Asirya hnatayen. Bè yóm deng kwasen tódô hgasà kem sendalù, deng le gotu matay.

Isaya 37:29

Deng gefet béléu yóm alì kebutem do ne yóm alì keheklabakem. Ne ni wen nmou béléem. Hol lómón ke wen dulé kebengu bè ilungem ne nmou kakangem anì bud benklilu u mulék, hlanu u bè yóm lan tehe loloem bè yóm kógówem edini.”

Isaya 10:18

Gotu mlób snéen yóm tey dlag lamang alì tilob ne yó kem tey tilob gónó mò hulu. Yóm alì klóben yó, hol lómón yó se kmò yóm des hmatay tau.

Isaya 9:5

Angat gotu mlób bè ofi tlumfà yó kem sendalù tô gemlà kul yó. Ne yó kem nes le tódô tfeng litô, gotu mlób snéen.

Isaya 8:7

yó angat nmou bélê le hlusu elem blóng le yóm tau hol geta bè Asirya ne yóm kdê sendaluen na le e nundug yóm benwu Juda yó. Yóm angat kundug le, hol lómón ke mamà yóm él bong boluyen Yufratis.

Kem Lingón 78:31

msut bélê le yóm tey kebut Dwata kul, tey wen hnatayen bè yó kem logi alì kemgis bélê le. Hnatayen yó kem logi lomi lemnok bè yó kem tau Israél.

Isaya 31:9

Yóm tau hol geta bélê le angat mlóy se kun lemwót bè ksidek klikoen. Ne yó kem genlal bè sendalù le gotu le mlóy se kul lemwót bè yóm alì ksidek klikò le, botong gtebel le yó kem flag gel nwit le bè gida.” Yó se yóm deng udél Dwata, yóm Dwata gel tnaba yó kem tau bè Jirusalim, yóm Dwata wen ofihen gónó le gel mtem yóm gel dsù le ebéléen.

Isikél 34:16

Angat bud nebelu lu yó kem deng lana, nwitu lu semfulék yó kem deng tabag. Bnausu ke wen tfok bélê le ne hekgisu yó kem lunog. Okóm yó kem deng mabù ne kemgis bélê le, gotu genlau lu. Ou se yóm semgyok ubiha tedeng kkukumen.

Nahum 1:12

Yó udél yóm sana Dwata hol gónó mogot ebè yó kem kun tau Israél, monen, “Yó kem tau Asirya, baluen he ke hilu kwen le ne balù yóm tey kekgis le, angat gotu genlau lu anì gotu le lana talak tonok. Ó kem dou tau, deng suléku ne tmafak kuy, là kô bud budu du ne.

Sifanaya 2:13

Angat tnafak Dwata snéen Asirya yóm benwu fi bwak, deng eles tayalen eta le sigelen. Ne dalang se Ninibi yóm hol yê yó kem syudaden, angat henbaling Dwata benwu laen dù tauhen, heskélen bè yóm benwu là hyu menwu du.

Isaya 9:4

Yakà deng tódô tenfokem du yóm yok tehe alì hmayam kul. Dalang se yóm bogul tehe gel bogul le bè abal le, deng tódô tenfokem. Abay se deng gotu genlaem yó kem hohon le tehe alì mongò hemsidek kul. Hol lómón keglaem kul lómón yóm tehe keglaem yó kem tey sendalù wen lemwót bè benwu Midyan.

Isaya 26:11

Là kô tngón kem hohonem du yóm angat ktafakem kul. Hol henyakem lu dé, Dwata, ne hol hnayamem lu. Hol hlayamem kul yóm tafak deng eles tgamahem bélê le. Ne hegfanem bè yó kem kóm tau yóm tey kbong nawahem kul.

Sikaraya 7:4

Ne yó udélen ebéléu yóm Dwata laen dù là gbeken du mò balà yóm snólók le yó koni, monen,