Isaya 10:12 - Udél Dwata: Gna Kesfasad ne Lomi Kesfasad

¹² Okóm yó udél Dwata, monen, “Sok deng yóm nmou bè yó kem dou tau bè bulul Sayun ne bè Jirusalim, angat tnafaku yóm tau hol geta bè Asirya bè yóm alì keheklabaken ne kehegetahen.”

Isaya 10:12 Referans Kwoze

2 Bok Kem Tau Hol Geta 19:31

Yakà yó kem dù tau nô bè Jirusalim ne bè Bulul Sayun, angat tey kból le bè klamangen. Yóm kkinì nawa Dwata hol hemdohò mò du nim ni, yóm Dwata alì gembek.

1 Pitér 4:17

Deng hto ne yóm buteng Dwata kmukum tau, ne fen hegnahen yó kem tau nogoten. Ke nbuten bélê tekuy, mò kmoen se bè yó kem tau là mimón du yóm Tulón Hyu lemwót gu bè Dwata?

Matyu 15:19

Kdê yó kem nmò sidek, hono lemwót bè kehedem tau, lómón yóm monok, ne mdà yehen, ne mò samuk, ne mnagaw, ne mò kéng, ne yóm tódô gel semtulón dumu tau.

Matyu 12:33

Bud mon Jisas mò kul, “Yóm koyu hyu, hyu se kbunguhen. Ne yóm koyu sidek, sidek se kbunguhen. Tódô ket koyu mungu, sal dilóem bè kmò kbunguhen ke hyu duhen ke sidek.

Danyél 4:37

Ne ni ou Nibukadnisar, dóyónu yóm Dwata hol geta bè longit ne henlelu hol hegeta du, mung du yóm tey kadatu du. Kdê yó kem gel nmoen, sal tedeng ne hono hyu. Hulung heglaan du yóm tau hegetahen knóen.”

Isaya 50:11

Ne yu kem tau gel natul hensideken kem dumun, angat bud mulék eta ye yóm ksidek atul ye yó. Hol hdohò Dwata yóm monu ni. Angat sidek gónón e kól klowil ye. Là gomongen bè nili yóm tsaptér 51. Yó tulónen yóm kdók Dwata ke Isaya anì nan e ten-gel nawa yóm kdê tau Israél senflós smalig bè Dwata ne mimón du balù yóm tolo keglayam le bè yóm kegef le kul. Yó mon Isaya mò kul là buden legen ne yóm kehefewà le kuy. Angat ye gotu bud semfulék ebè Jirusalim, ne bud ye gotu semngal yó kem sngal kligal, yóm kligal kól bè laen tul sónen. Yó monen bè bérs 22-23, “Ni se yóm udél yóm Dwata hol dandónen geta, yóm kuy Dwata gel mofin kuy, monen, ‘Ngem, kóhu bélê ye yóm alì keglayam ye. Là bud ye glayam du ne yóm kebutu kuy. Deng hlanahu ne. Okóm angat hnayamu lu yó kem gel hmayam kuy. Angat hegnómu yó kem tau gel mdà kuy elem tonok.’ ”

Isaya 2:11

Bè yóm kdaw yó, angat tódô gesón yóm alì kehegmón tau ne yóm alì keheklabak le. Tek són sem Dwata yóm hol geta bè yóm kdaw yó.

Kem Udél Hlalak Tehe Selumun 30:13

Wen se kem tau alì salù le knô le abay se hendem le laen dù dumu tau gemsenged du yóm kul kehyu kmò.

Kem Lingón 76:10

Yóm kebut le kóm yó kem tau, yó se sotu hol gónóm megdóyón. Yóm kebut le kóm yó, mò sudengem tmafak tau.

Kem Lingón 21:10

Angat gotu genlaem yó kem ngà le dini talak tonok, ne laen kô dù bud semfu gu bélê le.

Kem Lingón 18:27

Sal gel lenwaem yó kem tau hulung heglaan, okóm yó kem tau hegeta knô, gel heglaanem lu.

Kem Lingón 76:5

Yó kem sendalù hohon me alì lóbô, deng gotu negef me yóm kdê nô bélê le, yakà deng le gotu matay yóm kdê le. Laen dù bélê le gembek hemsidek kum.

Isaya 33:1

Deng le gotu golu elem hatay ne yó kem hohon tekuy. Deng tey wen hennagaw le ne tey wen gel snukat le, balù yóm klaen dù tau deng mnagaw bélê le ne laen dù tau smukat kul. Okóm yóm knagaw le yó ne yóm gel ksukat le wen sónen. Ne bud wen se hennagaw le bélê le ne smukat kul.

Isaya 37:23

Deng tngónem kô kóm kun kegeta yóm hennéem yó? Ou se yóm là nadatem du yó, yóm Dwata yó kem tau Israél, yóm Dwata laen dù belenen.

Isaya 37:29

Deng gefet béléu yóm alì kebutem do ne yóm alì keheklabakem. Ne ni wen nmou béléem. Hol lómón ke wen dulé kebengu bè ilungem ne nmou kakangem anì bud benklilu u mulék, hlanu u bè yóm lan tehe loloem bè yóm kógówem edini.”

Lista 24:24

Lemwót le mówóng gu bè Siprus yó kem tau gemlà. Angat nled le Asirya ne Ibir okóm angat le bud meglà se kul.”

Dwata 32:27

Okóm là kóe móyô ke salù yó kem hohon le yóm kegmò le bè yó kem dou tau, igoen ou yóm gemlà kul.’

Kem Udél Hlalak Tehe Selumun 21:4

Bè yóm kehtonen salù ne keheklabaken gónón galak yóm tau gel mò sidek ne yó se mit du gemsalà.

Isaya 2:12

Bè yóm kdaw yó, gotu heglaan Dwata yó kem tau alì mfasang, yó kem tau hegmón, yó kem tau hegeta knô. Yó se angat nmò yóm Dwata laen dù là gbeken du.