Isaya 10:1 - Udél Dwata: Gna Kesfasad ne Lomi Kesfasad

¹ Deng ye golu elem hatay ne kem tau Israél. Là kóen tedeng yóm kukum nmò ye. Hono kukum hemgnok yó kem dou tau.

Isaya 10:1 Referans Kwoze

Kun Snulat Luk 11:52

Angat tey tafak ye, yu kem tau gel tmolok hlau. Ten-geed ye hemseng du yóm tahu lan ebè Dwata. Là dog lolò ye du se kuy yóm lan yó, lel ye yó he hemseng yó kem tau tô lemolò du.”

Matyu 23:23

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Balù yó kem som lemnaw ye, sana keblay ye ke Dwata yóm gesfoloen. Okóm deng mom knogol ye yó kem hlau bong muhen, duhen yóm hlau bè ktedeng kmò, ne bè keskodu, ne bè kessalig. Laen dù gónón sidek yóm keblay ye ke Dwata yóm kun ólól, okóm bê ye klifót yó dum hol bong muhen.

Kun Snulat Jan 19:6

Timbow ton le Jisas yó kem tau hol geta bè yó kem gel demsù ebè Dwata ne yó kem tau gel mentey bè Gónô Dwata, gotu le hetê, mon le, “Htutukem bè kros dé. Htutukem bè kros.” Mon Paylét se, “Ke tnutuk ye bè kros, tódô yu mò du, laen dù dou du. Laen se dù salà tonu béléen ke mò gónóhu hmatay du.”

Kun Snulat Jan 9:22

Yó gónó le mon du yóm mon le yó, abay se likò le yó kem Ju wen glal le. Yakà deng mon le du, ke wen tau hemtahu ke Jisas ke du yóm Misaya, là kô bud hmung le du lem gónó le gel stifun yó kem Ju yóm tau yó.

Hbakuk 2:6

Okóm angat kól yóm kdawen tey sidek udél le ebélê le yó kem tau tehe negef le yó, mon le mò kul, ‘Hatay ye kuy kem tau ma yóm sundu kul du. Hatay ye kuy kem tau wen kendengen ye lemwót bè kgaga ye yó kem tau mutóng bélê ye. Kegenen de tendo bud kmò ye du yóm yó?’

Sulat Jud 1:11

Tey angat gfà le yó kem tmolok sekban abay se lolò le yóm tehe kun kmò sidek Kain ekni, hnatayen Abél yóm twolihen, ne yóm tehe kun nmò Balaam, móyô mò du yóm sidek anì wen filak gutahen. Ne sotuhen, mkél le bè yóm tehe katù Kura ke Musis ekni. Tódô genlà Dwata lu.

Matyu 26:24

Yóm Ngà Tau nan na matay he,” mon Jisas, “lómón yóm deng tehe eles tulónen bè Sulat Dwata. Bede tey angat kegtafaken yóm tau bemlay sumóng. Mom tumù ne ke béen dog tehe tau.”

Matyu 23:29

“Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Tey tilob yóm gel nmò ye bè yóm tehe gónó le lembeng yó kem tugod Dwata ekni, ne tey keheklóón ye yóm tehe gónó le lembeng yó kem tau tehe tedeng kmò le.

Matyu 23:27

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Hol ye mkél bè yóm lungun tilob bentulà bukay tahen, okóm lemen hono tiol tau matay, hono unged bolok.

Hbakuk 2:12

Hatay ye se kuy kem tau hefdà yóm syudad mlan bè yóm filak lemwót bè gel kbonok ye ne lemwót bè yóm gel kmò ye sidek.

Hbakuk 2:9

Hatay ye se kuy kem tau wen kendengenen mlan bè là ktedengen. Ofo kuy mon du ke lemwót bè kendengen ye gónón wen kenek kbenwu ye, lel ye hlayuk yó kem fes lówó ye bè yóm gónón wen gfà.

Matyu 11:21

Yó monen mò kul, “Angat tey tafak ye, yu kem tau bè Kurasin. Ne tey tafak ye se kuy, yu kem tau bè Bitsayda. Ke deng tehe ton yó kem tau là Ju le bè Tayal ne bè Sidon ni kem hentaw ton deng nmou lem blóng ye ni, ngem kà tódô le lemsek nes sakù, ne bnulus le kohù lówó le mò ilô yóm deng kehegsel le, ne yóm deng kkogol le yó kem sidek tehe gel nmò le.

Hbakuk 2:19

Hatay ye se kuy kem tau gel mudél bè yóm koyu lennged là mudélen. Gel mon ye, ‘Btiki,’ duhen ke bud mon ye bè yóm botu, ‘Mdai.’ Wen kô gbek htonen kuy yóm dwata lenbù nmò yó? Déke olo le lemafin du blówón bukay ne tahu blówón, okóm laen dù klowil nô du.

Hbakuk 2:15

Hatay ye se kuy kem tau gel nwit le hlengel kem dumu le sebét. Nubug ye lu minum efet le lengel anì ton ye yóm klaen dù nes le ne yóm kyak le.

Jirimaya 22:13

Yó udél Dwata, monen, “Megtafak kun ke Jihuyakim. Hdaen yóm kun gónô bong mlan bè alì kdanda kdóken yó kem tau. Balù udì se ke snukéyen lu. Balù yóm tey ktilob yó kem dfél hmoen, okóm sal lemwót bè là ktedengen lanen gmaga mdók yó kem tau hmoen du.

Kem Lingón 58:2

Kaem là, sal sigol yóm gel kwit ye, ne són hemsidek tau yóm gel nmò ye, laen kô dù tedeng du.

1 Bok Kem Tau Hol Geta 21:13

Ominen wen lewu tau gel mò sidek sut, ne myón le bè solu Nabot. Yó nmò le, klamo le bè yó bè gónón wen, klamo le yóm deng kehmulaen ke Dwata ne homongen lemen yóm tau hol geta. Duhen yó, nwit le ebè lewà yóm syudad le ne hnatay sentudà le botu.

Isaya 59:4

Gel ye skukum, okóm là kô ndà ye du yóm kukum tedeng mom snalig ye yóm kéng anì gemmò ye. Tey mahil bélê ye mò du bè kem dumu tau yóm sidek gel natul ye.

Isaya 59:13

Deng tey là kimón me kóm. Tey kekbê me kóm. Là kô me móyô lemolò kóm. Deng gel hen-gnok me kem dumu me, tódô knogol me uu. Là tedengen yóm gel hendem me ne yó kem gel tulón me hono kéng.

Amus 2:7

Gotu ndà le lem kfung yó kem tau laen dù bang tmóbóng kul. Là kô nmò le du yóm kukum tedeng bè yó kem tau gel hen-gnok le. Botong le tódô lewu maen ne yóm ngaen logi gel semtungô yóm sotu libun, yóm alì sidek béléu, alì henyak le yóm dou boluy.