Isaya 1:8 - Udél Dwata: Gna Kesfasad ne Lomi Kesfasad

⁸ Tek són Jirusalim dù tebel yóm syudad deng tódô kem senibut le ne laen dù lan ye mofin du. Lómón tô yóm lowig gónó ye nô igò ye mentey yó kem hulu ye, laen kô dù bang kmò kofin ye du.

Isaya 1:8 Referans Kwoze

Sikaraya 9:9

Yó bud udél Dwata, monen, “Ó kem tau bè Sayun, hol ye hligal dé. Hol ye hligal mensag dé, kem tau bè Jirusalim. Ngem, sut lem blóng ye yóm tau hol geta bélê ye. Tey tedeng kmoen ne gel gemmò bè yó kem hohonen, lelen hulung heglaan, tódô smakay kudà asnu, snakayen yóm ngà natihen.

Kun Snulat Jan 12:15

“Bê ye hlikò, kem tau bè Sayun. Ngem yó dém tau hol geta bélê ye. Deng sut, ne smakay ngà nati asnu.”

Sikaraya 2:10

Yó udél Dwata, monen, “Hol ye hligal mensag kem tau bè Jirusalim, yakà móyóne kól elem blóng ye, tódóe nô bélê ye.

Isaya 37:22

Yó monen mò du, “Yó udél Dwata ebè Sinakirib yóm tau hol geta bè Asirya, monen, Ó Sinakirib, tey kkuli le kóm yó kem tau bè Jirusalim ya tey kehnê le kóm.

Kem Lingón 9:14

anì bud dóyónu uu bè gónón wen bè bak tikeb Jirusalim, anì hligale dmóyón kóm bè yó lemwót bè yóm deng kehewaem dou.

Isaya 8:8

Tódô lenumfaken yóm benwu Juda yó yóm tey dunuk mulé te kembu. Tódô gotu limes klamangen. Dwata he tendo nô bélê tekuy. Lómón ke deng nbólen hafaken mò kemlung yóm benwu tekuy. Ou se Dwata yóm hol gónó mogot mon du nim ni.”

Isaya 1:7

Yóm klamangen benwu ye deng gotu genbà yó kem hohon ye. Ne yó kem syudad gónó ye tehe nô deng gotu ntem le. Igò ye temngel, tódô nled yó kem tólóng tau yóm tonok ye ne gotu hensidek le yóm kdéen nô tahen.

Isaya 1:9

Ke là lemwóten bè Dwata yóm Dwata laen dù là gbeken du, deng gotu genbà le ne Jirusalim, balù udì ke wen dù tebel du hol lómón yóm tehe kegbà yó kem syudad Sodom ne Gomora.

Isaya 49:21

Ne angat monem se kóm, ‘Gónó le gu lemwót du ni kem tey dê ngau ni? Igò le se deng lana béléu yó kem ngau ne là kóe bud mngà. Igò le deng megef do ne nit le o mayuk. Tau du de fen henok kul ni kem tey ngà ni? Tek sotuhu yóm tagak. Gónó le gu lemwót du ni kem tey dê ngà nii?’ ”

Isaya 30:17

Anien ke tek sotu sendalù hohon kemtes kuy, botong lemibu bélê ye hemlóy du. Ke wen limu kemtes kuy, tódô kdê ye gotu mlóy. Balù yóm kuy sendalù laen kô dù tebel bélê le, gotu le mlóy. Són olo tagak són yóm hehek gónó le tehe tméwéng flag mdà te bulul.

Isaya 37:4

Deng hógów yóm tau hol geta bè Asirya yóm sotu geta bè yó kem genlalen anì nan e hennê yóm Dwata là matayen. Yake yó hem Dwata gónóhem mogot hol mungol du yóm kehnê le yó anì gotu tnafaken lu. Duhen ni, holi mni kut bè Dwata bè yó kem dù tau tebel bélê tekuy.”