Isaya 1:7 - Udél Dwata: Gna Kesfasad ne Lomi Kesfasad

⁷ Yóm klamangen benwu ye deng gotu genbà yó kem hohon ye. Ne yó kem syudad gónó ye tehe nô deng gotu ntem le. Igò ye temngel, tódô nled yó kem tólóng tau yóm tonok ye ne gotu hensidek le yóm kdéen nô tahen.

Isaya 1:7 Referans Kwoze

Dwata 28:43

Angat wen kem tólóng tau menwu lem blóng ye, sónmoen temnù yóm kfasang le mogot kuy, okóm yóm kuy kfasang sónmoen se minut lana.

Dwata 28:33

Angat gotu nwa yó kem tólóng tau yó kem hulu alì leniteg ye, laen dù guta ye se kuy. Mom hen-gnok le yu ne hensidek le yu.

Jirimaya 2:15

Hol lómó kmò le ebélê le yó kem hohon le yó hol lómón ke mngel yó kem liyun. Yóm kul benwu yó kem tau Israél, deng mom nmò yó kem hohon le benwu là hyu menwu du. Deng tódô gbà yó kem syudad tehe gónó le nô, ne deng hol tahu gbayà.

Isaya 9:5

Angat gotu mlób bè ofi tlumfà yó kem sendalù tô gemlà kul yó. Ne yó kem nes le tódô tfeng litô, gotu mlób snéen.

Isaya 6:11

Ominu smólók ke Dwata, monu mò du, “Étey, Dwata. Kmò kegenen de yóm kgel kulu le yó?” Yó balaen do, monen, “Yó kmò kegenen efet deng gotu gbà yó kem syudad le ne laen dù bud tau le ne laen dù bud gmónô tonem ne laen dù bud hulu tonem ta yó kem tonok le.

Kem Lingón 107:39

Bè yóm tehe kdaw laen dù gmò le bè yó kem hohon le yó kem tau Dwata, tey kehyak le kul, ne tey kdà le kul elaan, ya tey sidek keglayam le.

Kem Lingón 107:34

Ne yóm tonok hyu mò hulu tahen, deng henbalingen tonok laen dù bud hulu tmowok du. Yó gónón mò du yóm yó, lemwót bè yóm sidek nmò yó kem tau nô tahen.

Kem Lingón 109:11

Yó kem tau gónón gel mutóng yóm tau hmohon do yó, hol nwa le yóm kdê nfunen, ne hol bud nwa yó he kem tau milo yóm kdê deng gnayamen.

Isaya 1:8

Tek són Jirusalim dù tebel yóm syudad deng tódô kem senibut le ne laen dù lan ye mofin du. Lómón tô yóm lowig gónó ye nô igò ye mentey yó kem hulu ye, laen kô dù bang kmò kofin ye du.

Isaya 49:19

Balù yóm deng kegbaem, Jirusalim ne laen dù tauhem, okóm angat tódô seklot yó kem tau bud mulék ebéléem. Bong yó kem tau gembà kóm, angat gotu hdóhu lu mayuk.

Isaya 60:15

Là bud knogolu kóm ne, Jirusalim ne là bud knutó nawahu kóm. Là bud sentagak le kóm ne yó kem tauhem ne là bud gnómem du ne yóm kifut nawa. Angat tey kehegetahu kóm ne tey keheklóónu kóm. Angati baling benwu hligal, yóm kligal laen dù tul sónen.

Isaya 64:10

Yó kem kóm syudad, hol lómón ke deng le baling benwu là hyu menwu du. Yóm Jirusalim, deng gotu gbà, laen dù bud tau nô lemen.

Jirimaya 7:34

Bè yó kem syudad bè Juda ne bè yó kem lan bè Jirusalim, angat nmou sónen yóm kehligal le bè yó. Dalang se yóm udél yó kem tau lomi myehen, angat nmou sónen. Abay se nim benwu ni, angat henbalingu benwu laen dù tauhen.”

Mika 5:11

Angat gotu genbau yó kem beng botu deng hdà ye hilol yó kem syudad ye ne yó kem dumu deng nmò ye mò gónó ye heklung.