Isaya 1:6 - Udél Dwata: Gna Kesfasad ne Lomi Kesfasad

⁶ Tódô lenwóten bè kulu ye efet kól bè ti ye laen kô hyu du. Tódô hono lebened ne hono mgas ne hono halì. Bà udì ke olò wen hemgifat du, duhen ke wen mulung du, duhen ke wen hmunges du.

Isaya 1:6 Referans Kwoze

Jirimaya 6:14

Yó kem dou tau tey sidek khalì le, yóm halì là bud lowil le du. Yó nmò yó kem tau smukat yó, wen ngà bulung lunol le tahen, okóm là kóen mkó du.

Matyu 9:12

Mung kungol Jisas du yóm mon le yó, yó gónón mon du mò kul bede hningónen, “Yóm tau ke laen dù desen, là kô snoloen du kun yóm tau mulung. Són yóm tau wen desen mebel yóm tau mulung.

Jirimaya 33:6

Okóm angat wen he kdawu, bud temlob du yó kem deng gbà bè Jirusalim ne bud henyuhu klówó yó kem tauhen. Ne bud hefeneku ke benwu le ne laen kô dù bud hemen le yó kem tau nô lemen.

Kun Snulat Luk 10:34

Tódô hekteng mógów ebéléen anì bnulungen ne hnungesen yó kem halien, ominen mkay du eta yóm kudaen, ne hgefeten ebè yóm gónô gónó le gel mefet yó kem tau mógów, ne bè yó gónóhen semgifà du.

Malakay 4:2

Okóm bélê ye kuy kem tau wen klikò ye do, wen gónóhu tmóbóng kuy. Angat nwitu elem blóng ye yóm kukum tedeng. Yó angat kmoen bélê ye, lómón ke kdaw mnóng ebélê ye mò hkó des ye. Angat ye hligal abay se laen dù bud gónó ye gfét, lómó kligal ye lómón yóm ngà safì laen dù bud féten, hligal mlóy ne hkak.

Kem Lingón 77:2

Bè yóm tehe kdawen wen hlayamu, hnebelu Dwata. Suloyu buteng mni ebéléen igou hdà hólólu ebè longit. Laen kô dù kligalu ke là wen tóbóng lemwót gu béléem.

Job 5:18

Yóm Dwata ke hnalien uu, bud du se mulung du béléem. Ke kun tdok hemsidek kóm bud kun tdok se hkó du.

Nahum 3:19

Là gbek bulung du yóm haliem, yó se angat hatayem. Tey kligal le yó kem tau mungol du yóm gfaem. Gotu le mensag abay se laen dù tau bè klamangen benwu ke là deng gnóm le du yóm tey sidek kmò ye ebélê le.

Jirimaya 30:12

Yó bud udél Dwata ebè yó kem tauhen, monen, “Yóm halì ye là kô gbek bnulung du, tey halì sidek.

2 Samwél 14:25

Bè klamang Israél, laen dù logi ke mkél ke Absalum ktiloben. Lenwóten bè hólól tihen efet kól bè kuluhen, laen kô dù óngóhen.

Isaya 30:26

Yóm nóng bulón lómón ktatawen nóng kdaw. Ne yóm nóng kdaw alì mkay senta yóm gna gel knóngen. Ni se kmoen bè yóm kdaw angat kbulung Dwata du yó kem tehe halien kuy ne gotu hkóhen lu. Là gomongen bè nili yóm bérs 27 kól bè 33. Bud tulón Isaya yóm angat kkól Dwata mung du yóm tey sidek kebuten yó kem hohonen, kem tau Asirya. Ke uhayen eta le yóm sigelen alì kemgis mit du yóm ofi gónó meglà, mung du yóm hol yéen kulón bong, lel leték ne bulók kulón alì lembang mò na a gemlà kul. Bè yóm keglà yó kem hohon le, gotu le hligal semngal kdê yó kem tau Israél ne huni le yó kem tamburin le ne yóm sotu gel kenbit le. Yó monen bè bérs 33, “Yóm benwu Tufét, benwu gónó le gel mtem deng legen ne eles ketgama le du bè yóm tau hol geta bè Asirya, deng eles wen tey tumfuk koyu luduk le bè yó. Yó mò hdilóf du, yóm nawa gu lem bak Dwata, hol lómón ke ofi gu bè yóm bulul btù.”

Jirimaya 17:9

Yóm kehedem tau hol gónó gsukat, tey móyô mò sidek. Tau du se gbek temnef du yóm ksideken yóm kehedem tau?

Jirimaya 30:15

Bê ye abay bud tnalaw ne yóm halì ye, yóm halì là gbek bulung du. Yó gónów tmafak kuy lómón ni, abay se deng tey wen ne yó kem salà ye ne tey sidek kbongen yóm nô ta ye.