Isaya 1:4 - Udél Dwata: Gna Kesfasad ne Lomi Kesfasad

⁴ Yu kem tau Israél, deng ye golu elem hatay ne yóm kdê ye lemwót bè yóm alì kmò ye sidek. Laen kô dù hyu du yóm gel nmò ye. Deng bong blat yóm salà nô ta ye. Deng mom kenbê ye yóm gónó ye mogot yóm Dwata yó kem tau Israél ne yóm Dwata laen dù belenen. Deng mom knogol ye ne.

Isaya 1:4 Referans Kwoze

Jirimaya 2:17

Ó kem tau Israél, yóm glumfak ye ni lemwót bè yóm ktagak ye dou yóm sana kuy Dwata hol gónó mogot, igou malak kuy bè yóm lan hyu.

Jirimaya 2:13

“Yakà deng wen lewu salà nmò le béléu yó kem dou tau. Deng tebel le ou, yóm sfut él gónó le mowil ne deng wen sol nokol le nbeng le botu mò gónó le hemsù él, okóm deng mom molo yóm él sù le lemen.”

Sulat Pol Ebè Yó Kem Tau Hemtahu Bè Rom 8:7

Yóm tau són ktesen kun knóyô, hnohonen Dwata, abay se là kô nimónen du yóm kun hlau Dwata. Bè ktahuhen, là kô gbeken mimón du.

Matyu 3:7

Timbow ton Jan yóm kógów le ebéléen yó kem Farisi dalang se yó kem Sadyusi na le e tô hbabtays béléen, tódô monen mò kul, “Ya nim yu, hol ye mkél bè ulal, gel henlóyen ofi. Ilóu ofo kuy ke tô ye gewà lemen yóm angat tafak Dwata tau ke olo ye hbabtays.

Jirimaya 7:19

Okóm bè yóm gel nmò le yó là ou du yóm henyak le, kaem kul knô.”

Jirimaya 2:19

Yó kem sidek tendo gel nmò ye, bud mulék eta ye. Gnóm ye he yóm tey khééten ne yóm tey ksideken yóm ktagak ye dou yóm sana kuy Dwata hol gónó mogot. Yó se ulék yóm là klikò ye dou. Ou se yóm Dwata hol dandónen geta, yóm Dwata laen dù là gbeken du nim mudél ni.”

Kulasi 1:24

Ni kmoen ni, hligale du nim gónóhu glayam ni mò lanu tmóbóng kuy. Nim keglayamu ni, deng tehe olu Dwata do, ne tódô henlelu ne gemnóm du efet kdengen mò lanu tmóbóng yó kem tau hemtahu béléen, yó se kem tau mò henged lówóhen.

1 Kurin 10:22

Ke yó se tô nmò tekuy, deng hélés tekuy ne nawa yóm gónó tekuy mogot. Ofo tekuy mon du kô ke là gbeken tmafak tekuy?

Matyu 23:33

Ya nim yu kem tau knawa ulal, hono ye semfu gu bè yó kem tau knawa ulal. Tedu kmò kegewà ye lemen du yóm deng kgolu ye elem lanaw ofi?

Matyu 11:28

Mógów ye ebéléu dé, yu kem tau miteg lemwót bè yóm keblat yóm gel nbô ye. Fen henwósu bélê ye yóm blat yó.

Jirimaya 7:26

Okóm balù sotu bélê ye ke wen hmungol kul duhen ke kemmón kul. Mom hgel ye kulu ye ne knogol ye o senta yóm kul kkogol do yó kem tehe fù ye.

Jirimaya 2:33

Deng hónô tngón ye se kuy yóm kmò kektes ye du yó kem dumu dwata nóyô ye. Balù yóm libun hdóyón, sana kwen dnalangen bélê ye bè yóm khulung ye kemtes.

Jirimaya 2:31

Ó kem tau Israél, hol hnungol ye nim udélu ebélê ye ni, udél yóm sana kuy Dwata hol gónó mogot. Deng lómó kmou ebélê ye kô lómón ke ou yóm benwu là hyu menwu du hlós wen gónó ye élél du? Lómón ke ou kô yóm benwu alì mget kkifuhen, là ton ye du lan ye? Ke là tahuhen se yó, moen de ke mom mon ye là bud ye gfét béléu ne, ne là bud ye móyô semfulék ebéléu?

Jirimaya 2:5

Yó udélen ebélê ye, “Salà du de yóm tehe ton le béléu yó kem tehe fù ye? Tedu se ton le mò gónó le hlayuk béléu? Deng le mom tmaba ebè yó kem dwata lenbù nmò laen dù muhen. Ne yó uléken baling le tau laen dù mu se kul.

Isaya 65:3

Sónmò le hefebut dou yó kem tau yó, laen kô yak le. Wen gónó le gel demsù ebè yó kem dwata kéng lem blóng yó kem hulu hmilol kul gónô ne gel le mtem insinsu bélê le bè yó.

Isaya 41:20

Yó kem nmou yó, angat kdéen tau gotu mton du ne temngón du ou se yóm Dwata hol gónó mogot fen mò du. Ne tódô tngón le yóm kul Dwata yó kem tau Israél yóm Dwata laen dù belenen, du se mò du yóm ni.” Là gomongen bè nili yóm bérs 21 kól bè bérs 29. Bè ni kem bérs ni, htulón Dwata ke Isaya yóm kewóten béléen yóm kegmò Sayrus yóm tau hol geta bè Persya, bè yóm kleden yó kem dê benwu ne yóm bud keblayen kul kwalis mulék ebè kul benwu yó kem tau deng negef le. Yó sotu htulón Dwata ke Isaya yóm klaen dù muhen yóm gel ktaba le bè yó kem dwata kéng, abay se là gbek le tmulón du yóm mò kmoen bè yóm gnahen ne là se gbek le tmulón du yóm mò kmoen bè hulin, ne là se gbek le mò du yó kem hentaw ton. Mon Isaya mò kul yóm kul dwata kéng yó, laen kô dù lemen lómón lenos. Okóm gbek Dwata eles tmulón du kul yóm mò kmoen elem haya. Yó tulónen kul yóm kóyónen kól yóm sotu mò tmóbóng kul bè yó kem hohon le, deng sana gu ditu ne. Dwata se tmóbóng du mò gemlà yó kem hohon le.

Isaya 41:16

Sotun, lómón ke tmeef halay kmò ye kul. Gotu sohul ye lu eta ne mung le holis bè lenos. Angat wen lenos bong gotu semkla kul. Angat ye hligal bè yóm kdaw yó abay se ou se kuy Dwata. Angat tey kdóyón ye dou, yóm kuy Dwata yó kem tau Israél, yóm Dwata laen kô dù belenen.

Isaya 41:14

Bud mon Dwata, “Yu kem tau Israél, là kô ye hol wen se kuy ne laen kô kgis ye. Okóm hol bê ye abay hlikò, ou se tmóbóng kuy. Ou se yóm kuy Dwata kem tau Israél yóm Dwata laen dù belenen. Ou se lemwà kuy.

Isaya 37:23

Deng tngónem kô kóm kun kegeta yóm hennéem yó? Ou se yóm là nadatem du yó, yóm Dwata yó kem tau Israél, yóm Dwata laen dù belenen.

Isaya 30:15

Wen udélen ebè yó kem tauhen yóm Dwata hol dandónen geta, yóm Dwata yó kem tau Israél yóm laen kô dù belenen. Yó monen mò kul, “Bud ye mulék ebéléu. Ke tódô ye henek béléu ne ke hol ye smalig béléu, wen kgis ye ne laen kô dù bud knikò ye.” Okóm mom là dog ye móyô mimón du yóm udél Dwata yó.

Isaya 30:9

Tódô senflós le kmogol ke Dwata, tódô senflós le mò kéng, tódô senflós le kembê du yóm kun tolok.

Isaya 14:20

Lemwót bè kehsidekem du yóm kóm benwu ne lemwót bè khatayem yó kem tau nogotem, yó gónó le là hsenged du bè dumu tau hol geta yóm kebeng le kóm. Laen dù bè yó kem fes lówóhem alì sidek balu le angat mowil.

Isaya 10:6

Hógówu Asirya mò na a mundug yó kem benwu laen dù bud klikò le do, yó kem tau alì hebut do. Hógówu lu mò na a megef ne mò na a mnagaw ne mò mdà kul elaan yó kem tau yó. Yó kmò le kul, hol lómón ke hitok bè lan.”

Isaya 1:23

Yó kem tau malak kóm hono tau kmogol ke Dwata, swè le bè yó kem tau mnagaw. Sal gel henmóyô le yóm filak gel blay le kul mò wa nawa le dalang se yó kem dumu gel blay le kul. Ke wen senkukum le, là kô nfi le kul yó kem ngà hikit ne là kô hnungol le du ke wen klamo yó kem libun bolu.

Kem Lingón 89:18

Uu se, Dwata, deng tehe mélék du bélê me yóm tau mò mofin kum, yakà uu du yóm Dwata yó kem tau Israél yóm Dwata laen dù belenen. Uu se tehe mélék du yóm tau mò tau hol geta bélê me.

Kem Lingón 78:40

Deng hilu dulék le ne là mimón ke Dwata bè yóm benwu laen hol wen tauhen, ne tendo heblat le nawahen bè yóm benwu laen hol wen tauhen.

Kem Lingón 78:8

Ke lómón ni, là mkél le bè yó kem fù le, kem tau mgel kulu, ne là nimón le ke Dwata, là mbegelen yóm klolò le ke Dwata, ne là kô le teneb béléen.

Kem Lingón 58:3

Ni kem tau mò sidek ni, tódô mung bè ksut le gemsalà. Kewóten bè ksut le yóm kmò le kéng.

Dwata 32:19

Bè yóm kton Dwata du nim nmò le ni, tey sidek kebuten kul. Botong kenbéen lu, lu se yó kem tau Israél, kem ngaen logi ne kem ngaen libun.

Dwata 31:16

Yó mon Dwata mò ke Musis, “Bang kukol towokem ne. Kesoki deng matay, là kô le bud teneb béléu ne yó kem tau ne angat nulé le yóm deng senfasad tekuy. Tódô knogol le ou ne tmaba le ebè yó kem dwata kéng yó kem tau nô ta yóm tonok móyón hnusek le.

Lista 32:14

Ne ni, yu bud temles mò du yóm sidek tehe nmò yó kem tuha ye. Yu kem lomi tau nim kmoen ni, tô bud nmò ye yóm gónó Dwata bud lembut yó kem tau Israél.

Tekang Kbuten 13:13

Yó kem tau bè Sodom yó, hol kem tau gónón smala sidek, kem tau alì gemsalà bè Dwata.

Deng Hegfan 18:5

Abay se yóm salà nmoen, deng gesduk bè longit ne ke snansudem. Là kô klifót Dwata du yóm sidek gel nmoen.

Isaya 12:6

Yu kem tau menwu bè Sayun hol ye mensag dé, hol ye lemingón yakà teyen geta yóm Dwata yó kem tau Israél. Hol du se yóm Dwata laen kô dù belenen ne tódô henek nô lem blóng yó kem tauhen.” Là gomongen bè nili yóm tsaptér 13. Bè yóm tsapter ni htulón Dwata ke Isaya bè yó kem tau yóm angat kegbaen yóm benwu Babilun. Nélék Dwata yó kem tau Mid mò hemdeng gembà du. Laen dù kô kodu le ni kem tau ni. Monen bè bérs 19-22, “Babilun yóm benwu alì heklóón senta yó kem dumu benwu, angat gebà lómón yóm tehe benwu Sodom ne Gomora ne là buden gebtik. Balù hilu bud lugod sut, okóm yóm benwu Babilun laen kô dù tau bud menwu du. Balù yó kem tau menwu mógów là kô le móyô kmamfù du. Ne yó kem tau mentey ubiha là móyô le nô bè yó kifu. Yó kem ógóf lem bnes temles nô bè yóm syudad gbà yó. Deng eles lenidan ne yóm kdaw Babilun. Deng móyón kól ne yóm udas kegbaen.”

Nihimaya 1:7

Tey sidek yóm nmò me béléem lemwót bè yóm là klolò me du yóm kdê hlauhem. Là kô dog nimón me du yó kem hlauhem kum tehe hlanem bè Musis yóm tau tóbóng lówóhem.

Kem Lingón 71:22

Ó Dwata, lemwót bè yóm là konol nawahem ebéléu, dóyónu u hlanu bè yóm gel kenbitu. Sngalu yóm sngal dmóyón kóm mung bè yóm sotu gel kenbitu. Uu se yóm Dwata laen dù belenen bè Israél.

Isaya 1:28

Okóm kdê yó kem tau mò sidek, yó kem tau kmogol du angat gotu hfatayen lu.

Isaya 31:2

Deng eles hendem Dwata yóm angat nmoen bélê le. Wen glumfak hwiten elem blóng le. Deng eles tulónen kul yóm angat ktafaken yó kem tau gel mò sidek, gomong bélê le yó kem tau mofin kul. Ne tahu se, dohò tnafaken lu.

Isaya 57:17

Tahu se, tehe lenbutu lu lemwót bè salà le ne bè yóm tey kesbì le ne yó se gónóhu tmafak kul ne tódô mayà kul. Bede tey mgel kulu le, tódô henlel le lemolò du yóm kul kóyô.

Isaya 58:2

Tey tendo gel ktaba le ebéléu ket kdaw. Yó mon le móyô le temngón du kun yóm dou lan ne mimón du yóm dou hlau. Kóyô le kun ke blayu kul yóm hlau tedeng. Ne tey hyu nawa le kun tmaba ebéléu. Okóm olo beyen mon le yóm udél le yó.”

Jirimaya 15:6

Yu se yó kem tau deng kembê dou,” mon Dwata. “Deng knogol ye ou. Duhen ni, tayalu eta sigelu mò gemlà kuy. Denge tey tmakas ne hembala du yó kem sidek tendo gel nmò ye.

Jirimaya 32:32

Yó alì hebut dou yó kem salà yó kem tau bè Juda ne bè Israél dalang se yó kem tau bè Jirusalim, salà yó kem tau hol geta bélê le ne yó kem genlal le ne yó kem tau gel blóng ebéléu ne yó kem tugodu.

Danyél 9:11

Tódô kdê me tau Israél, là kô nimón me du yó kem hlauhem, deng mom knogol me lel me là móyô hmungol kóm. Yó gónóm mon, lemwót bè yóm deng kegsalà me béléem, deng gotu kokem eta me yóm tey tafak ne yóm kukum mget deng snulat bè Hlau Musis.

Sifanaya 1:6

Angat gotu nmou són le yó kem tau deng kmogol dou, là kô le bud hloni ebéléu ne là se kô le bud halak béléu.”

Kehewà 32:7

Ne ditu ta yóm bulul bud mudél ebè Musis Dwata, monen, “Géhéli mosol, Musis, abay se yó kem tau nalakem gu bè Idyip, deng le gemsalà ne deng kenbê le o.

Dwata 32:5

Okóm yóm kuy là kô ye dog gulit, là kô ye knóón ke yu mò tauhen. Hono kem tau gel mò sidek, kem tau mò kéng.

2 Tutul Israél 12:1

Timbow deng tey mbegel ne kogot Rihubuam benwu, deng mom knogolen yóm hlau Dwata, ne mung béléen yóm kdê tau Israél.

2 Tutul Israél 27:2

Kdê yó kem nmò Jutam tey hyu kton Dwata du, lómón yóm nmò Usiya yóm kun mà. Okóm ke Jutam là kô nmoen du yóm salà nmò maen bè yóm tódô ktemen insinsu bè Gónô Dwata. Okóm yó kem tau nogoten mom senflós le mò du yóm sidek.

Kem Lingón 78:41

Ket kiwól le tendo tmilów ke Dwata, ket kiwól le tendo heblat nawa yóm Dwata laen dù belenen bè Israél.

Kem Lingón 78:57

Deng mom knogol le, mkél le bè yó kem tehe tuha le. Hol le mkél bè boho sigol, là gsaligem du.

Isaya 30:1

Ni se deng udél Dwata, monen, “Deng le gotu golu elem hatay ne yó kem tau malak bè Juda lemwót bè yóm kkogol le do. Tódô lolò le yóm atul là lemwóten béléu. Sundu dou kóyô du yóm gel senkotuk le bè dumu benwu. Lemwót bè yóm nmò le yó tendo temnù yóm salà deng gel nmò le.