Isaya 1:31 - Udél Dwata: Gna Kesfasad ne Lomi Kesfasad

³¹ Yóm bnes ke deng hol mékéng, balù olon kutu ofi mógów edu sana ketomen. Hol lómón yó se kmò keglà le yó kem tau wen kfasangen nim kmoen ni. Tódô lemwót bè kul ksidek nmò gónó le meglà. Ne laen kô dù tau gembek hemseng du bélê le yóm keglà le.

Isaya 1:31 Referans Kwoze

Malakay 4:1

Yó bud udél yóm Dwata laen dù là gbeken du, monen, “Ke sut yóm kdaw kkukumu tau, lómó kmou kul lómón ofi gotu himot kenen kdéen. Yó kem tau heklabak ne yó kem tau gel mò sidek, angat le gotu mlób bè ofi lómón klób lami. Gotu ken ofi lu lómón kken ofi yóm koyu, gotu gomong dolilen ne kem hangahen laen kô dù tebel du.

Deng Hegfan 20:10

Bong ke Seitan kun, yóm deng smukat kul, tódô tudà le elem lanaw ofi, yóm ofi wen kbudahen senflós dmilóf. Bè yó se kul deng gónó nô yóm lóbô tanay sut ne yóm fen gel tmugod du. Bè yó gónó le tendo heslaf seflósen kemdaw ne kifu, ne laen kô dù sónen yóm tendo keheslaf le yó.

Deng Hegfan 19:20

Bè yóm kesfatay le, kenfô le yóm lóbô yó, mung du yóm gel tugoden, yóm tehe gel mò yó kem hentaw ton ke gel nô bè solu yóm lóbô yó. Lemwót bè yó kem hentaw ton tehe nmoen gónón smukat yó kem tau deng wen ilô yóm lóbô nô bélê le, yó kem tau deng hemtahu du yóm lennged hmoen. Yóm lóbô yó koni ne yóm tugoden, gotu tudà le lu igò le tolo mowil elem tum lanaw ofi wen kbudahen tendo dmilóf.

Matyu 3:10

Ke hlingónu du yóm móyón ktafak Dwata kuy, hol lómón ke beyung deng eles mléd lem but yó kem koyu mò angat sfeken kul. Ket koyu ke là gulit kbunguhen, angat senfeken, ne tódô tudà elem ofi.”

Isaya 50:11

Ne yu kem tau gel natul hensideken kem dumun, angat bud mulék eta ye yóm ksidek atul ye yó. Hol hdohò Dwata yóm monu ni. Angat sidek gónón e kól klowil ye. Là gomongen bè nili yóm tsaptér 51. Yó tulónen yóm kdók Dwata ke Isaya anì nan e ten-gel nawa yóm kdê tau Israél senflós smalig bè Dwata ne mimón du balù yóm tolo keglayam le bè yóm kegef le kul. Yó mon Isaya mò kul là buden legen ne yóm kehefewà le kuy. Angat ye gotu bud semfulék ebè Jirusalim, ne bud ye gotu semngal yó kem sngal kligal, yóm kligal kól bè laen tul sónen. Yó monen bè bérs 22-23, “Ni se yóm udél yóm Dwata hol dandónen geta, yóm kuy Dwata gel mofin kuy, monen, ‘Ngem, kóhu bélê ye yóm alì keglayam ye. Là bud ye glayam du ne yóm kebutu kuy. Deng hlanahu ne. Okóm angat hnayamu lu yó kem gel hmayam kuy. Angat hegnómu yó kem tau gel mdà kuy elem tonok.’ ”

Isaya 43:17

Hlanen elemen yó kem tey sendalù wen lemwót bè Idyip ne yó kem kudà le demyol klitun tók ne bè yó gónón gemlà kul. Gotu le lemneb lem mohin, balù sotu ke wen mowil bélê le. Lómó kmoen kul lómón ke hmatay nóng solok.

Isaya 33:14

Yó kem tau gel mò sidek bè Sayun, tey sidek kesetbol kkel le lemwót bè yóm tey alì klikò le. Yó udél le, “Yóm kkukum Dwata tekuy hol lómón ke dilóf ofi laen dù tul katayen. Laen kô dù bélê tekuy bud mowil du yóm ofi lómónen yó.”

Isaya 27:4

Là bud lenbutu du yó kem huluhu. Ke wen tonu ngà koyu semnual duhen ke wen kluon semnual tô hemsidek du, tódô gotu ntemu lu he.

Isaya 26:11

Là kô tngón kem hohonem du yóm angat ktafakem kul. Hol henyakem lu dé, Dwata, ne hol hnayamem lu. Hol hlayamem kul yóm tafak deng eles tgamahem bélê le. Ne hegfanem bè yó kem kóm tau yóm tey kbong nawahem kul.

Kmukum 15:14

Timbow kól bè Lihi Samsun, tódô henmung senlong yó kem sendalù Flistin, ya tey kehsag le. Ominen tódô sut bè Samsun yóm Tulus Dwata, tey kehekgisen du. Tódô kem kdà odoy Samsun semdihot du yóm tébéd fét le bè sigelen ne bè henmuen, lómón kegnómen du lómón ke olo balu kdungon deng mlób, tódô gotu hto.

Matyu 3:12

Hol lómón ke eles mit teef mò teefen yóm angat knusuhen. Ne gotu otunen eta fol yó kem usoken. Lemwót yóm kafahen tódô ntemen bè yóm ofi laen kô dù tul katayen.”

Isaya 33:11

Yóm kdê gel natul ye ne kdê yó kem gel nmò ye, hono laen dù gónón e kól. Yóm dou Tulus, hol lómón ke ofi mò gemlà kuy.