Isaya 1:3 - Udél Dwata: Gna Kesfasad ne Lomi Kesfasad

³ Mom hyu he yó kem safì gotu tngón le yóm fun le. Senged se yó kem kudà gotu tngón le yóm gónón hemken kul yóm kul fun. Bede yó kem dou tau Israél là kô tngón le du kul. Bà udì ke glileb le yóm deng nmou bélê le.”

Isaya 1:3 Referans Kwoze

Isaya 44:18

Yó kem tau mò du yóm yó, laen kô tngón le. Hol lómón ke snefeng le mata le, là móyô le hemdem du yóm ktahuhen.

Sulat Pol Ebè Yó Kem Tau Hemtahu Bè Rom 1:28

Lemwót bè yóm kekbê le yóm ktahuhen gbak ebè Dwata, yó gónó Dwata tódô mayà kul. Yó gónóm mon, hono là mólósen yóm kehedem le. Ne baling le tódô galak du yó kem nmò là mólósen yó.

Kem Lingón 94:8

Ten-gama ye, yu kem tau nungel. Kilón de kbaling ye tau hulung hedem?

2 Pitér 3:5

Okóm yó kem tau mon du yóm yó koni, deng tódô klifót le yóm tehe kedlimun Dwata yóm longit ne tonok mlan bè udélen. Yóm tonok tehe nmoen, tódô lemwót gu lem él, ne bè él snéen gónón lemwót mowil yóm kdéen mowil te tonok.

Kem Udél Hlalak Tehe Selumun 6:6

Ó tau lemfu, yake hol dnalangem kul kmò yó kem gulom ne holi hfulung hedem.

Jirimaya 10:14

Ke hol hendem tekuy yóm tey kegbek Dwata, laen kô dù tngón le yó du kem olo tau te tonok, hono le nungel. Yó kem tau mò dwata lennged angat le gotu myak, abay se kéng yóm dwata lennged nmò le, là mowil le laen dù genbek le.

Jirimaya 10:8

Yóm kdê le gel tmaba bè yó kem dwata lennged le hono nungel, tau laen dù tngón le. Tedu se dnalang le bè yó kem dwata koyu le?

Matyu 13:19

Ke wen tau mungol du yóm tulón bè kmò kogot Dwata tau, ne là dog hendem le du lanen, hol lómón ke yóm bnék temsik ebè lan. Tódô sut Seitan, nwahen bélê le yóm udél deng gungol le.

Danyél 9:11

Tódô kdê me tau Israél, là kô nimón me du yó kem hlauhem, deng mom knogol me lel me là móyô hmungol kóm. Yó gónóm mon, lemwót bè yóm deng kegsalà me béléem, deng gotu kokem eta me yóm tey tafak ne yóm kukum mget deng snulat bè Hlau Musis.

Husiya 2:8

Là kô dog hendemen du yóm libun yó ou se gónóhen gu lemwót yóm halayen ne tifas grépen ne hnolo uliben dalang se yó kem tey blówón bukayen ne yó kem tahu blówón gel blayen ke sok tmaba ebè Baal.

Kem Udél Hlalak Tehe Selumun 28:5

Yó kem tau gel mò sidek là bud getnef le du yóm hol ktedengen, okóm kul yó kem tau gel mimón ke Dwata gotu getnef le yóm ktedengen.

Isaya 42:20

Yu kem tau Israél, deng tey dê ne ton ye nmou, okóm là kô kenmón ye du. Igoen se wen klingu ye, okóm là kô ye mungol.”

Jirimaya 35:16

Yó kem semfu gu bè Rikab, tey kimón le yóm tehe fù le. Okóm kuy, là kô hnungol ye dou.’