Isaya 1:29 - Udél Dwata: Gna Kesfasad ne Lomi Kesfasad

²⁹ Angat tey sidek khuli sel ye lemwót bè yóm gel ktaba ye bè yó kem koyu ne lemwót bè yóm dê hulu ye hilolen deng hetfing ye bè yó kem dwata kéng gel tnaba ye.

Isaya 1:29 Referans Kwoze

Isaya 65:3

Sónmò le hefebut dou yó kem tau yó, laen kô yak le. Wen gónó le gel demsù ebè yó kem dwata kéng lem blóng yó kem hulu hmilol kul gónô ne gel le mtem insinsu bélê le bè yó.

Husiya 4:13

Deng le mom demsù ebè yó kem dwata kéng gu ta yó kem bulul. Mneged le eta yó kem bulul lemnek na le e mtem insinsu laan yó kem koyu alì lemimbà hangahen abay se tilob gónó hgolung laan le. Yó se gónó le baling libun hdóyón Baal yó kem ngà ye libun ne gónó le baling smamuk yó kem towu ye libun.

Sulat Pol Ebè Yó Kem Tau Hemtahu Bè Rom 6:21

Tulón ye do kun, wen kô ofol ye du yó kem sidek tehe nmò ye gónó ye myak? Yó nefeten yóm nmò ye yó, duhen hatay.

Husiya 14:8

Ó Israél, hol ye hlayuk bè yó kem dwata kéng. Ou se yóm tendo tmanud kuy ne semgifà kuy. Hol lómón ke ou yóm koyu senflósen lemnaw dounen. Ne senflósu bemlay kuy yó kem tey bunguhen.”

Husiya 14:3

Là kô gbek Asirya lemwà kum, dalang se yó kem kudà gel snakay me bè gida, là gbek le lemwà kum. Yó kem dwata lennged tehe gel nmò me, là kô bud bnoluy me kul dwata me. Là ne, abay se tek són uu, Dwata, tendo gel kmodu kul yó kem ngà hikit.”

Isikél 36:31

Omin ye yó he hemdem du yóm tehe salà ye ne botong nsel ye knô ye bè kdê yó kem sidek deng gel nmò ye.

Jirimaya 2:20

Yó bud mon yóm Dwata hol dandónen geta, “Ó kem tau Israél, deng tey legen ne yóm kekbê ye dou. Là kô nimón ye dou ne là se kô ye tmaba ebéléu. Tódô ket ta yó kem bulul geta ne ket laan yó kem koyu lembang gónó ye gel tmaba ebè yó kem dwata kéng. Lómó kmò ye dou lómón ke tau mdà yehen.

Isaya 45:16

Yó kem tau gel mò dwata lennged, tey sidek kyak le yóm kdê le.

Isaya 31:7

Angat kól yóm kdaw gotu kbot ye du yó kem dwata lennged nmò ye gu bè blówón bukay ne gu bè tahu blówón.

Isaya 30:22

Tódô angat gotu bot ye yó kem dwata lennged tehe nmò ye gu bè blówón bukay ne bè tahu blówón. Hol lómón kbot ye fól kmò ye kul. Yó udél ye, “Laen dù bud mu me kuy.”

Isaya 42:17

Okóm yó kem tau smalig bè dwata lenbù nmò ne hentahu le lu mò dwata le, angat tey kehyaku kul ne heglaanu lu.”

Husiya 4:19

Yó gónón gotu myuf kul yóm lenos bong alì kemgis. Angat tey sidek kyak le ke bud gbel bè nawa le yóm tehe gel kedsù le ebè yó kem dwata kéng.”