Isaya 1:28 - Udél Dwata: Gna Kesfasad ne Lomi Kesfasad

²⁸ Okóm kdê yó kem tau mò sidek, yó kem tau kmogol du angat gotu hfatayen lu.

Isaya 1:28 Referans Kwoze

Kem Lingón 1:6

Bong yó kem tau tedeng kmò le, tendo gel sen-galak Dwata lu ne nofinen lu. Bede yó kem tau gel mò sidek, deng le golu elem hatay ne.

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

Isaya 30:13

Wen tey salà bong nô ta ye. Ke hningónu yu, hol lómón ke beng botu geta gentô lemwót fi ta kól elaan. Tódô mekto kegbaen.

Job 31:3

Bè yó kem tau là tedeng nmò le wen hlayam hwiten ebélê le. Gotu genlaen yó kem tau gel mò sidek.

2 Pitér 3:7

Okóm yóm longit ne tonok gel ton tekuy nim kmoen ni, angat bud lemwót bè udél Dwata snéen gónó le meglà, bede ofi ne tles mò lemsón du. Okóm là tagad nmoen du he efet kól yóm kdaw kkukumen yó kem tau là kmikò du, yóm kdaw keglaen kul.

1 Tisalunika 5:3

Ofo kul tô mon du yó kem tau, “Hyu ne ni. Deng tinof ne laen bud knikò tekuy.” Okóm tódô mekto sut bélê le yóm tey glumfak le. Tódô le gotu ktut, lómón kektut yóm libun kmuleng blututen, ne là kô wen lan le hemlóy du snéen.

Isaya 50:11

Ne yu kem tau gel natul hensideken kem dumun, angat bud mulék eta ye yóm ksidek atul ye yó. Hol hdohò Dwata yóm monu ni. Angat sidek gónón e kól klowil ye. Là gomongen bè nili yóm tsaptér 51. Yó tulónen yóm kdók Dwata ke Isaya anì nan e ten-gel nawa yóm kdê tau Israél senflós smalig bè Dwata ne mimón du balù yóm tolo keglayam le bè yóm kegef le kul. Yó mon Isaya mò kul là buden legen ne yóm kehefewà le kuy. Angat ye gotu bud semfulék ebè Jirusalim, ne bud ye gotu semngal yó kem sngal kligal, yóm kligal kól bè laen tul sónen. Yó monen bè bérs 22-23, “Ni se yóm udél yóm Dwata hol dandónen geta, yóm kuy Dwata gel mofin kuy, monen, ‘Ngem, kóhu bélê ye yóm alì keglayam ye. Là bud ye glayam du ne yóm kebutu kuy. Deng hlanahu ne. Okóm angat hnayamu lu yó kem gel hmayam kuy. Angat hegnómu yó kem tau gel mdà kuy elem tonok.’ ”

Kem Udél Hlalak Tehe Selumun 29:1

Yóm tau là kenmónen du yóm kbólów du ne mom temnù kgel kuluhen wen glumfak mekto sut béléen ne là kô bud lowilen du.

Kem Lingón 125:5

Okóm ke tnafakem yó kem tau gel mò sidek, homong tnafakem snéen yó kem tau kmogol du yóm kóm lan. Dwata he hol henek nawa yó kem tau Israél.

Kem Lingón 104:35

Yake gotu genlà Dwata lu yó kem tau gel mò salà lem benwu. Yake béen wen bud tebel bélê le. Hol hotuhu nawahu dmóyón ke Dwata. Hol dóyón tekuy dé Dwata.

Kem Lingón 92:9

Kdê yó kem hohonem, Dwata, angat le gotu matay. Angat gotu senklahem lu kdê yó kem tau gel mò sidek.

Kem Lingón 73:27

Yó kem tau kmogol nawa kóm, Dwata, angat le gotu matay. Yó kem tau là teneb le béléem, genlaem lu.

Kem Lingón 37:38

Okóm yó kem tau mò sidek, gotu le meglà. Senged se yó kem angat lugod le, meglà le se kul.

Kem Lingón 9:5

Deng gotu bnólówem yó kem tau mò sidek bè dumu benwu. Deng gotu genlaem lu. Gotu hlanahem boluy le laen kô dù tul sónen.

Kem Lingón 5:6

Sal genlaem yó kem tau mò kéng. Tey sidek keklitem yó kem tau monok ne kem tau smukat.

1 Tutul Israél 28:9

Ne uu, ngau Selumun, yake holi setngón ke Dwata yóm Dwata yó kem fuem. Hol nmoem yóm hmoen kóm Dwata, ne hol hewótem lem but blututem yóm óyóem hol mimón du. Yakà yóm Dwata yó, gotu tonen yóm nô lem hendem yóm ket tau, ne gotu tngónen yóm kdê atulen ne kdê hendemen. Ke hnebelem Dwata, dohò se ktonem du. Okóm ke tebelem, bud laen kô dù tul sónen yóm kdohò yóm kekbéen kóm.

1 Samwél 12:25

Okóm ke henlós ye mò sidek angat ye meglà, dalang se yóm tau hol geta bélê ye.”

Isaya 1:4

Yu kem tau Israél, deng ye golu elem hatay ne yóm kdê ye lemwót bè yóm alì kmò ye sidek. Laen kô dù hyu du yóm gel nmò ye. Deng bong blat yóm salà nô ta ye. Deng mom kenbê ye yóm gónó ye mogot yóm Dwata yó kem tau Israél ne yóm Dwata laen dù belenen. Deng mom knogol ye ne.

Isaya 33:14

Yó kem tau gel mò sidek bè Sayun, tey sidek kesetbol kkel le lemwót bè yóm tey alì klikò le. Yó udél le, “Yóm kkukum Dwata tekuy hol lómón ke dilóf ofi laen dù tul katayen. Laen kô dù bélê tekuy bud mowil du yóm ofi lómónen yó.”

Isaya 50:1

Yó udél Dwata, monen, “Bè kuy kehedem du, deng kenbéu yu yó kem dou tau, hol lómón yóm logi kenbéen tuha libunen? Ke lómón yó se yóm dou nmò, nô se yóm klatas deng fenmahu bè kbéu kuy yu kem dou tau? Laen duen. Kmò kehedem ye du, deng hbaluu yu kô anì nit le yu ebè benwu mayuk, hol lómón yóm tau hbaluen yó kem ngaen anì baling le hesek? Là kô yó du lewóten yóm kegef le kuy ebè benwu mayuk. Yó lewóten, duhen yóm salà ye. Yó gónóhu hdó kuy lemwót bè yóm là kimón ye yóm hlauhu.

Isaya 58:2

Tey tendo gel ktaba le ebéléu ket kdaw. Yó mon le móyô le temngón du kun yóm dou lan ne mimón du yóm dou hlau. Kóyô le kun ke blayu kul yóm hlau tedeng. Ne tey hyu nawa le kun tmaba ebéléu. Okóm olo beyen mon le yóm udél le yó.”

Jirimaya 17:13

Ó Dwata, uu se yóm nefet nawa yó kem tau Israél. Angat le gotu mulék myak yó kem tau kmogol kóm. Angat le tódô lana lómón yóm boluy snulat le bè kfung, yakà deng tebel le kóm yóm tbul él hol gónó mowil.

Husiya 14:9

Yó kem tau hulung hedem, gotu tngón le kul yó kem snulat ni. Yó kem tau hulung temnef, tngón le se kul. Tey tedeng yóm kun lan yóm Dwata ne yó kem tau tedeng kmoen yóm gel lemolò du. Okóm yó kem tau gemsalà tlokob le kul, hlós le masà.

2 Tutul Israél 21:10

Efet nim kmoen ni, là bud le mogot bè benwu Juda ne yó kem tau Idom. Senged se yóm benwu Libna bè yóm kdaw yó, natuen se kun yóm benwu Juda, abay se deng kenbê Jihuram Dwata yóm Dwata yó kem tehe fuen.

Isaya 64:6

Tódô kdê me gotu gemsalà. Igoen se tey hyu yóm gel nmò me ekni, moen se ni du ke mom tles nmò me yóm sidek? Lemwót bè yó kem salà me, hol lómón ke doun mékéng mung holis bè lenos yóm kmò me.