Isaya 1:25 - Udél Dwata: Gna Kesfasad ne Lomi Kesfasad

²⁵ Bnalau ne yó kem sidek gel nmò ye. Yó kmou kuy hol lómón yóm tau gel tmógó blówón anì mkó yóm bolen. Lómón yó se yóm angat nmou bélê ye anì gotu mkó yóm bolen sidek yóm gel tonu bélê ye.

Isaya 1:25 Referans Kwoze

Malakay 3:3

Yó nmoen, nan e myón kmukum. Yó kmò kkukumen, hol lómón ke yóm tau hnò blówón bukay, gotu kóhen ke wen bolen. Hol lómón yó se angat nmoen bè yó kem sfu Libay, nmoen lu tau laen dù belenen. Yó kmoen du, lómón ke lu yóm tahu blówón ne blówón bukay hnoen anì kóhen ke wen bolen, ngangen efet tódô hono tahu duhen. Ke lómón yó, gbek le bud demsù du ebè Dwata yóm dsù henmóyóen.

Jirimaya 9:7

Duhen yó, ni se udél yóm Dwata laen dù là gbeken du, monen, “Lemwót bè yóm nmò le ni, gotu hnou lu, lómón yóm gel kehnò le bala tók anì mkó yóm kê faken. Laen dù dumu lanu hkó du yó kem salà le.

Isaya 1:22

O Jirusalim, hol lómón ke tehehi blówón bukay. Okóm ni, laen dù bud muhem. Tehehi mkél bè yóm ninum alì mnóm. Okóm ni, lómón ke dengi baling ninum nbol él.

Sifanaya 3:11

Bè yóm kdaw yó, laen dù gónó ye myak béléu, abay se deng nimón ye ou. Angat kóhu lem blóng ye yó kem tau alì heklabak. Bè yóm dou bulul, laen kô dù bud tau heklabak bè yó ne.

Jirimaya 6:29

Ke tô tenwélem lu, balù nô kehedfohem du yóm lubónen anì hol kinì yóm ofihen, ewenem sana tolo kwen kê fak le. Laen kô dù muhen yóm ofi yó bè yó kem dou tau, abay se laen dù tahu duhen nô bélê le. Hono wen belen le.

Deng Hegfan 3:19

Yó kem tau kenbong nawahu, sal gel bnólówu ne tnafaku lu anì gulit le. Duhen ni, hol knogol ye ne yó kem salà gel nmò ye.

Matyu 3:12

Hol lómón ke eles mit teef mò teefen yóm angat knusuhen. Ne gotu otunen eta fol yó kem usoken. Lemwót yóm kafahen tódô ntemen bè yóm ofi laen kô dù tul katayen.”

Dwata 32:43

Ó kem dumu but tau te tonok, tey knóón ke hol dóyón ye lu yó kem tau Dwata abay se tnafak Dwata yó kem tehe hmatay kul. Bnelesen yóm nmò yó kem hohonen ne fen hnifóten salà yó kem tauhen.”

Kem Lingón 119:119

Yóm kdéen tau gel mò sidek talak tonok, lómón ktonem kul, lómón desenfól gel kóhem. Yó gónón bong óyóu lemolò du yó kem hloloem kum.

Jirimaya 9:6

Sónmoen temnù yóm kéng gel tulón le. Là kô le bud móyô mulék ebéléu,” mon Dwata.