Isaya 1:24 - Udél Dwata: Gna Kesfasad ne Lomi Kesfasad

²⁴ Duhen yó, hol hnungol ye yóm udél yóm Dwata hol gónó mogot yóm Dwata laen dù là gbeken du, yóm Dwata kem tau Israél yóm alì mfasang. Yó monen, “Angat bnelesu yu, yu kem tau deng hmohon do ne là bud gehlala ye do ne.

Isaya 1:24 Referans Kwoze

Isaya 60:16

Yó kem dumu benwu ne yó kem tau hol geta mogot kul, angat hol sen-gyok le uu hol lómón yóm libun gel sen-gyoken ngaen. Bè yó se gónóm temngón du ou se yóm Dwata hol lemwà kóm, yóm Dwata yó kem tau Israél yóm Dwata laen dù là gbeken du.

Isaya 61:2

Hógówen o anì heglalagu bè yó kem kun tau yóm deng kkólen yóm kdaw kehewaen kul ne kehegmoen kul bè yó kem hohon le. Hógówen o snéen mò hemyu nawa yó kem tau wen lenangag le.

Isaya 49:26

Yó angat nmou bè yó kem tau hemgnok kuy, tódô senfatayu lu honon lu. Tódô le sbonok honon lu. Lemwót bè yóm alì sidek kebut le là kô tngón le du yóm nmò le, lómón yó kem tau lengel là kô tngón le du yóm nmò le. Bè yóm kehewau yóm kdéen tau bè klamangen benwu gónó le temngón du ou yóm hol Dwata gónó mogot, yóm msok kuy ne yóm lemwà kuy. Angat tngón le ou se yóm Dwata yó kem tau Israél, yóm laen kô dù là gbeken du.”

Isaya 35:4

Hol mon ye bè yó kem tau wen kensidek nawa le, “Hgel ye nawa ye dé, bê ye abay bud hlikò. Móyónen kól ne Dwata nan e lenwà yu ne gotu tnafaken yó kem hohon ye.”

Dwata 28:63

Bè nim kmoen ni, tey kehyu nawa Dwata bè yóm bud kehguléken klowil ye ne bè yóm tey kehbólen kuy. Okóm lemwót bè yóm là kimón ye elem hulin kdaw, bud hyu se nawahen bè yóm angat ktafaken kuy ne bè yóm angat keglaen kuy. Angat gotu hlanahen yu ta yóm tonok móyón nfun ye ni.

Deng Hegfan 18:8

Lemwót bè yóm tey kehegmónen yó, tódô segeng ksuten béléen bè yóm sotu kdaw yóm gónón glayam. Ne tey wen desen, ne tey dê knangagen, lel tey bitil bong. Ngangen mò du efet deng mom mlób bè ofi. Yó gónón alì megtafak, abay se alì mfasang yóm kmukum du, duhen Dwata yóm gónó tekuy mogot.”

Hibru 10:13

hangaten kehto yóm buteng angat gotu kdà Dwata kul elaan yó kem hmohon du.

Kem Lingón 132:2

Hentulónem nawa yóm deng safaen béléem, yóm safaen bè yóm Dwata alì gembek yó kem tau Israél, yóm monen,

Dwata 32:43

Ó kem dumu but tau te tonok, tey knóón ke hol dóyón ye lu yó kem tau Dwata abay se tnafak Dwata yó kem tehe hmatay kul. Bnelesen yóm nmò yó kem hohonen ne fen hnifóten salà yó kem tauhen.”

Isaya 63:4

Yakà dengen sut ne yóm kdawu lemwà yó kem dou tau ne deng kdawu tmafak yó kem hohon le.

Tekang Kbuten 49:24

Okóm yóm kun boho Jusif, eles tendo btul. Tendo kemgis gu lem abalen abay se monem lemwót bè kegbek yóm kun Dwata yóm maen Jakub, yóm eles tendo gel semgyok yó kem tau Israél, lelen gel mofin kul.

Isaya 12:6

Yu kem tau menwu bè Sayun hol ye mensag dé, hol ye lemingón yakà teyen geta yóm Dwata yó kem tau Israél. Hol du se yóm Dwata laen kô dù belenen ne tódô henek nô lem blóng yó kem tauhen.” Là gomongen bè nili yóm tsaptér 13. Bè yóm tsapter ni htulón Dwata ke Isaya bè yó kem tau yóm angat kegbaen yóm benwu Babilun. Nélék Dwata yó kem tau Mid mò hemdeng gembà du. Laen dù kô kodu le ni kem tau ni. Monen bè bérs 19-22, “Babilun yóm benwu alì heklóón senta yó kem dumu benwu, angat gebà lómón yóm tehe benwu Sodom ne Gomora ne là buden gebtik. Balù hilu bud lugod sut, okóm yóm benwu Babilun laen kô dù tau bud menwu du. Balù yó kem tau menwu mógów là kô le móyô kmamfù du. Ne yó kem tau mentey ubiha là móyô le nô bè yó kifu. Yó kem ógóf lem bnes temles nô bè yóm syudad gbà yó. Deng eles lenidan ne yóm kdaw Babilun. Deng móyón kól ne yóm udas kegbaen.”

Isaya 59:18

Bè yóm kbelesen kul, tódô tnafaken yó kem hohonen lemwót bè yó kem sidek tehe gel nmò le. Baluen he ke nô le bè benwu mayuk, sana ktafaken kul.

Jirimaya 9:9

Mone là tnafaku kul kô bè yóm nmò le ni? Mone là angat bnelesu kul kô ni kem tau lómón ni kmò le?” mon Dwata.

Mika 5:15

Koku eta yó kem benwu là mimón dou yóm sidek alì kebutu kul mò balau kul.”