Isaya 1:2 - Udél Dwata: Gna Kesfasad ne Lomi Kesfasad

² Ni se udél Dwata ebélê le yóm Dwata hol gónó mogot, monen, “Ó Tonok, Ó Longit, hnungol ye o dé. Yó kem ngà tehe hbongu deng mom knogol le o.

Isaya 1:2 Referans Kwoze

Dwata 32:1

“Ó longit, hnungolem nim monu ni. Dalang se kóm tonok, henklinguhem nim btang bè sumóngu.

Dwata 30:19

Héléku yu ni, mahi du se nóyô ye? Móyô ye mowil kô duhen ke móyô ye matay? Móyô ye kô ke tnóbóng Dwata yu duhen ke tnafaken yu? Tnabahu longit ne tonok mò temksì du bélê ye yóm nélék ye kemdaw ni. Yó dé hol nélék ye yóm mò gónó ye mowil.

Mika 1:2

Ó kem kdéen tau, ni mò hol hnungol ye. Yóm kdéen tau mowil talak tonok, hol hnungol ye yóm udélen ebélê ye yóm Dwata hol dandónen geta. Mudél ebélê ye gu lem tum Gónóen bè longit.

Dwata 4:26

Ke là nimón ye du nim monu ni, angat ye tódô kendel lana ta yóm tonok móyón nfun ye. Là kóen legen knô ye tahen yóm tonok móyón nfun ye nô sentu Él Jurdan, tódô ye gotu meglà. Kemdaw ni tnabahu longit ne tnabahu tonok mò temksì du bélê ye nim udélu ni.

Kem Lingón 50:4

Tinoken longit ne tonok mò temksì du yóm kkukumen yó kem kun tau.

Malakay 1:6

Yó udél yóm Dwata laen dù là gbeken du ebè yó kem tau gel blóng ebéléen, monen, “Hol gel nadaten maen yóm ngà ne yóm tóbóng lówó hol gel wen klikoen yóm amohen. Igoen ou mà ye, moen de ke là nadat ye dou? Igoen ou se gónó ye mogot, moen de ke laen dù klikò ye dou? Yu kem tau blóng ebéléu, yu se yóm deng hemgnok do.” Okóm mom yó mon ye mò dou, “Tedu de deng gónó me hemgnok kóm?”

Mika 3:8

Okóm béléu dou, deng sù Dwata béléu yóm kun Tulus ne yóm kun kfasang. Ne hetngónen do yóm kukum tedeng ne benlayen o là klikò tmulón du bè yó kem tau Israél yó kem salà le.

Amus 3:1

Ó kem tau Israél, yóm sotu kmuleng deng tehe nwit Dwata hewà gu bè Idyip, hol hnungol ye yóm udélen ebélê ye, yó monen,

Isikél 36:4

Yó gónóm mon, kem bulul bè Israél, hol hnungol ye udél yóm sana Dwata hol dandónen geta. Mudél ebè yó kem bulul lemnek ne ebè yó kem bulul lembang ne ebè yó kem sbong ne ebè yó kem datal. Mudél ebè yó kem tonok, dalang se ebè yó kem syudad deng tódô gbayà alì hennê yó kem tólóng benwu hmilol, yó kem syudad deng negef le yó kem nô lemen.

Jirimaya 22:29

Ó tonok, hol hnungolem yóm udél Dwata, monen,

Jirimaya 6:19

Ó Tonok, hmungoli se kóm. Angat wen heglumfaku kul ni kem tau ni, ulék yóm sidek tendo gel nmò le, abay se là bud hnungol le dou ne kenbê le yóm deng hlolou kul.

Isaya 65:2

Nbuten bè kbuten, denge gel eles htifes hemmóyô yó kem dou tau, okóm tey mgel kulu le, són nmò le yóm là tedengen, són lolò le yóm kul knóyô.

Isaya 30:9

Tódô senflós le kmogol ke Dwata, tódô senflós le mò kéng, tódô senflós le kembê du yóm kun tolok.

Isaya 30:1

Ni se deng udél Dwata, monen, “Deng le gotu golu elem hatay ne yó kem tau malak bè Juda lemwót bè yóm kkogol le do. Tódô lolò le yóm atul là lemwóten béléu. Sundu dou kóyô du yóm gel senkotuk le bè dumu benwu. Lemwót bè yóm nmò le yó tendo temnù yóm salà deng gel nmò le.

Jirimaya 31:9

Botong le gotu mkik lemwót bè kligal le. Ne tey tilob kesgifau kul bè yóm bud kwitu kul semfulék. Nalaku lu hilol yóm él mlel bè yóm lan hyu gónó le là tlokob. Yakà ou du se mà yó kem tau Israél ne Ifraim se yóm hol ngau twogu.

Kul Nmò 4:20

Là kô gbek me temflok tmulón du yóm deng ton me ne yóm deng gungol me.”

Kem Lingón 49:1

Ó kem kdéen tau bè klamangen, hol hnungol ye nim monu ni.

Isaya 31:6

Yó udél Dwata, monen, “Yu kem tau Israél tey kegsalà ye béléu. Tey kekbê ye do. Okóm ni, yake mulék ye ebéléu ne.

Isaya 63:16

Uu se yóm hol kum mà. Yó kem tehe fù me Abraham ne Jakub, là bud tenngón le kum. Okóm uu se hol kum mà yóm gónó me mogot, yóm tehe gel lemwà kum.

Jirimaya 3:22

“Ó kem ngà là mimón,” mon Dwata, “semfulék ye ebéléu dé anì kóhu bélê ye yóm nawa là mimón nô lem but blutut ye.” Ne yó balà le ke Dwata yó kem tau, mon le, “Tahu se, mulék me ebéléem ne ni, yakà uu du yóm kum Dwata hol gónó mogot.

Mika 1:1

Bè yóm tehe kesetles le kmamal bè Juda le Jutam ne Ahas ne Hisikaya, wen udél Dwata ebè Mika, yóm tau lemwót bè yóm benwu udì boluyen Murisit. Hton Dwata du yóm angat gefet bè yóm lewu kem syudad Samarya ne Jirusalim.