Isaya 1:19 - Udél Dwata: Gna Kesfasad ne Lomi Kesfasad

¹⁹ Ke nimón ye ou angat hyu yóm guta ye bè tonok ye anì tendo wen gel ken ye.

Isaya 1:19 Referans Kwoze

Juwél 2:26

Angat tey bud kóyów yóm ken ye ne gotu ye gemtu du. Ne angat bud dóyón ye yóm sana kuy Dwata hol gónó mogot, yóm deng mò du bélê ye yó kem tey hentaw ni. Ne laen dù bud gónó le myak ne yó kem dou tau elem hulin kdaw lómón yóm gfà le ni.

Hibru 5:9

Tikóng deng gotu nmoen yóm hmò Maen du, yó gónó Dwata hlan du tahen yóm kegewà tekuy gu lem hatay. Kdéen tau mimón du, gotu blayen kul yóm klowil laen dù sónen.

Dwata 28:1

Yó bud udél Musis ebè yó kem tau Israél, monen, “Ke hol nimón ye yóm sana kuy Dwata hol gónó mogot ne ke hteneb ye mimón du yóm kdê hlauhen deng tulónu kuy kemdaw ni, angat hegeta Dwata yu senta yó kem dumu but tau talak tonok.

Isaya 25:6

Bè yóm bulul Sayun ni, angat wen tey ken bong nmò Dwata du yóm Dwata laen dù là gbeken du. Nmoen bè yó kem kun tau bè klamangen benwu yóm ken alì tilob ne yóm ninum alì mnóm.

Jirimaya 7:5

Són gónóhu kmodu kuy ke kó ye yóm sidek nô lem hendem ye ne yóm sidek gel nmò ye. Knoduhu yu ke tedeng nmò ye bè yó kem dumu ye tau.

Hagay 1:12

Duhen yó, lemwót Sirubabél ne Juswa ne kdê yó kem tau deng mulék gu bè Babilun yóm benwu tehe megef kul, tódô gotu nimón le yóm dók Dwata kul. Tey klikò le, ne nimón le yóm udél Dwata ebélê le hlanen bè Hagay yóm tugoden.

Isaya 58:14

Ke yó se nmò ye, angat ton ye yóm kligal lemwót bè yóm kimón ye dou. Lemwót béléu angat gónó le madat kuy yó kem tau bè klamangen benwu ne angat tey kehyu nawa ye du yóm tonok tehe blayu yóm fù ye Jakub. Ou se yóm Dwata hol gónó mogot mudél du nim ni.”

Jirimaya 7:3

Yó udélen ebélê ye yóm Dwata laen dù là gbeken du yóm sana kuy Dwata kem tau Israél, monen, Balù nim kmoen ni ke kó ye yó kem sidek gel nmò ye, là kô hdóhu kuy ta nim tonok ye ni.

Jirimaya 7:7

Ke tenles ye kmò ye, là kô kóhu kuy ta yóm tonok tehe blayu yó kem tehe fù ye mò hlós nfun le.