Isaya 1:16 - Udél Dwata: Gna Kesfasad ne Lomi Kesfasad

¹⁶ Hol ye molob dé anì mólós ye. Hol tenflok ye ne yóm sidek gel tonu bélê ye. Hol kó ye ne yóm sidek gel nmò ye

Isaya 1:16 Referans Kwoze

1 Pitér 3:11

Yake hol knogolen yóm sidek, ne tles nmoen yóm hyu. Ne hotuhen gelen mò du bè kem dumuhen tau yóm gónón menek nawa le.

1 Pitér 2:1

Ke deng ye baling kun ngà Dwata, duhen yó hol kó ye yó kem sidek gel nmò ye. Bê ye tmulón kéng. Bê ye nmò yóm tulón wen lafinen. Bê ye gel sélés nawa. Bê ye abay henwog kem dumu ye.

2 Kurin 7:1

Tu se koni, kem dumuhu sogot nawa, yóm deng fasad Dwata tekuy. Duhen yó, gotu kó tekuy ne yóm kdéen sidek gel nmò tekuy, dalang se yóm kdéen sidek gel hendem tekuy anì laen dù bud belenen yóm gel kmò tekuy. Yó gónó tekuy mò du nim ni anì hol gfan yóm klikò tekuy ke Dwata.

Sulat Jim 4:8

Hol ye hloni ebè Dwata anì hloni ebélê ye snéen kun. Yu kem tau mò sidek, kó ye ne yó kem sidek gel nmò ye. Ne yu kem tau hemtedeng knô, hólós ye kmò kehedem ye dé.

Deng Hegfan 7:14

Monu se, “Là, Sér, là kô tngónu du. Tulónem dou dé.” Ne monen se mò dou, “Lu se yó kem tau deng mlan lemen yóm tey hlayam bong te tonok, okóm là kô gtebel le du yóm klolò le ke Jisas. Deng nolob le ne yóm nes le bè kun litô yóm Ngà Ubiha, ne deng baling bukay ne.

Matyu 3:8

Ke deng knogol ye yó kem sidek gel nmò ye, hol hdilô ye bè kmò ye dé.

Isaya 52:11

Hol tebel ye ne yóm benwu Babilun, yu kem tau mulék ebè Jirusalim mit yó kem ngom bè Gónô Dwata. Béen wen dumu nogot ye yó kem kenbê Dwata. Hol ye hólós, omin ye yó lemwót.

Kem Lingón 26:6

Nolobu tdoku mò gónów hegfan yóm klaen dù salau. Mógówe lemibut yóm gónó me gel demsù ebéléem, Dwata,

Sulat Pol Ebè Yó Kem Tau Hemtahu Bè Rom 12:9

Béen olo són te kulit yóm kbong nawa ye kem dumu ye. Hol hegfan ye yóm hol tahu kesbong nawa. Hol knogol ye kdéen sidek. Hol lolò ye yóm hyu.

Kul Nmò 22:16

Na,’ monen, ‘béi tlek hanggà. Géhéli hbabtays, ne mnihi bè Dwata anì hol kóhen béléem yó kem salaem.’ ”

Amus 5:15

Hol kenbê ye yóm sidek, ne hol henlom ye nawa yóm tedeng. Ne hol hentedeng ye kukum bè gónô skukum. Ngem, déke bud mulék kodu Dwata yó kem dù tauhen tolo mowil bè nim benwu ni, yóm Dwata laen dù là gbeken du.

Jirimaya 25:5

Yó tendo mon Dwata mò kuy, ‘Knogol ye ne yóm sidek gel lolò ye ne yóm sidek gel nmò ye, anì yó gnô ye ta yóm tonok deng blayu kuy dalang se ebè yó kem tehe fù ye mò hlós nfun ye efet kól bè sónen.

Kem Lingón 37:27

Hol knogolem yóm sidek, tles nmoem yóm hyu. Ke ni se nmoem, angat le henek menwu bè yóm tonok tehe fasad Dwata kuy yó kem semfu gu béléem.

Kem Lingón 34:14

Knogol ye yóm sidek, ne nmò ye yóm hyu. Hol tilów ye són gel ye mit kenek nawa bè kem dumu ye.

Kem Lingón 51:2

Hol nolobem dou yó kem sidek deng nmou. Hol hólósem ou bè yó kem salau.

Kem Udél Hlalak Tehe Selumun 4:27

Hol henktengem lemolò du yóm lan tedeng ne hol senyahem yó kem nmò sidek.

Kem Udél Hlalak Tehe Selumun 21:3

Tey hyu nawa Dwata du yóm tedeng ne yóm là kkihu senta yóm gel dsù ebéléen.

Jirimaya 18:11

Duhen ni Jirimaya, eles hetgamahem yó kem tau bè Juda ne yó kem tau bè Jirusalim, monem mò kul, ‘Ni se udél Dwata ebélê ye, monen, deng wen ne atulu eta ye ne deng wen eles hentifesu mò heglumfaku kuy. Duhen yó, hol knogol ye ne yó kem sidek gel nmò ye yóm ket kuy na sotu. Tenles ye kmò ye ne hol nmò ye yóm hyu anì là henlósu du yóm atulu yó.’ ”

Jirimaya 26:3

Déke gungol yó kem tau ne tenflok le yó kem sidek tendo gel nmò le. Ke yó nmò le, là kô hdohou du yóm keglau kul lemwót bè yó kem sidek gel nmò le.

Jirimaya 35:15

Són moen wen kem tugodu hógówu elem blóng ye anì hol tebel ye yó kem sidek gel nmò ye ne tenflok ye tmaba ebè yó kem dwata kéng anì menek klowil ye ta yóm tonok blayu kuy dalang se bè yó kem tehe fù ye. Okóm là kô hnungol ye dou ne là se kô nimón ye do.

Juna 3:8

Kdéen tau gotu mnes sakù. Balù yó kem ógóf ye, nmò ye sakù le. Tódô kdéen tau hol mni bè Dwata ne hol tebel ye yóm kdê sidek gel nmò ye.

Sikaraya 7:7

Yóm udélu ebélê ye ni, bud ni se udél tehe htugodu yó kem gna tugodu ekni bè yóm kdaw tehe alì kwen tau sebwól bè Jirusalim ne bè yó kem benwu lemnek bè Juda. Dalang se bè Négéb ne bè yó kem but henfek bè Juda, hono kem benwu tehe tey wen tauhen.’ ”

Sikaraya 13:1

Yó udél yóm Dwata laen dù là gbeken du, monen, “Bè yóm kdaw yó, angat wen sfut él mò gónó le molob yó kem sfu Dabid ne yó kem dumu tau bè Jirusalim, anì hol mkó bélê le kdê yó kem salà le ne yó kem dumu là mólósen bélê le.

2 Bok Kem Tau Hol Geta 17:13

Igò Dwata deng tendo semsulit eles hetgama yó kem tau bè Israél ne yó kem tau bè Juda hlanen bè yó kem tugoden ne bè yó kem tau gel wen htonen kul, monen, “Knogol ye ne yó kem sidek gel nmò ye, ne hol lolò ye yó kem hlauhu kuy ne yó kem hlolou kuy, yóm tehe hlolou yó kem tehe fù ye mò hol nimón le, yóm deng htulónu yó kem tugodu ne yó kem tau tóbóng lówóhu bélê ye.”